အခုတလော ဘလော့ဂ်မှာ ခံ့ခံ့ထည်ထည်စာတွေ မတင်ဖြစ်ပါဘူးလို့ သူငယ်ချင်းတွေကို ပြောဖြစ်တယ်။ ကဗျာတွေ၊ စာတိုပေစတွေ၊ အိယောင်ဝါးတွေပဲ များနေပါတယ်ဆိုမှ အရင်တုန်းက ရေးခဲ့တဲ့ ကဗျာလေးတွေကို ညီမလေးတစ်ယောက်က ပြန်ပို့ပေးလာတယ်။ ဖတ်ကြည့်ကြနော်။ ဒီတစ်ခုက ၂၀၀၇ ခုနှစ် ဇန်န၀ါရီ ၂၁ ရက်နေ့က ရေးထားတာ။ (စင်ကာပူကို ရောက်တာ ၁ လကျော်ကျော်လောက် ရှိတုန်းကပေါ့)
ဟိုဘက်ကမ်းက အိပ်မက်များ
ငါ့ဘ၀ရဲ့ အတိတ်က …
နောင်ရိုးမြစ် တဘက်ကမ်းမှာ ကျန်ခဲ့ပြီ ။
အနာဂါတ်ရောင်နီ လင်းပါရဲ့ …
(ဒါပေမဲ့) … ဘယ်ဘက်က လင်းတာလဲ ။
အလင်းရောင်နဲ့ ငါနဲ့ကြား Graph ဆွဲကြည့်ရင်
Hamilton မျဉ်းကွေးမှ ဟုတ်ပါ့မလား။
အလင်းရောင်ကို ငါမြင်ရ
သွားရမဲ့လမ်းကိုလဲ သိနေမှတော့
တရက်ရက်တော့ ရောက်ရမှာပေါ့။
No comments:
Post a Comment