ရွှေပွဲလာတို့၏ အားပေးမှု

၂၀၀၉ ခုနှစ် သြဂုတ်လ ၁ ရက်နေ့မှစ၍ လက်မှတ်စောင်ရေပေါင်း စောင် တိတိ ရောင်းချခဲ့ရပြီး ဖြစ်ပါသည်။

Thursday, March 11, 2010

လူမျိုးရေးအရ ခွဲခြားဆက်ဆံခြင်း ပုံစံသစ်၏ သာဓက တစ်ခု

အမေရိကန် ပြည်ထောင်စုတွင် လူဖြူသီးသန့် စားသောက်ဆိုင်များ၊ အရက်ဆိုင်များ၊ ကပွဲခန်းမများ၊ အားကစား ကလပ်များနှင့် အများသုံး ယာဉ်၊ ရထား (ဘတ်စ်ကား စသည်) များစသဖြင့် လူမည်းများကို လူမျိုးရေးအရ ခွဲခြားဆက်ဆံသည့် ခေတ်တစ်ခေတ် ရှိခဲ့ဖူးသည်။ တဖန် ဗြိတိသျှခေတ် မြန်မာနိုင်ငံတွင်လဲ ပထမတန်း (မီးရထား) တွဲများကို လူဖြူသီးသန့်ဟု ကန့်သတ်ခဲ့သဖြင့် ကန့်ကွက်မှုများ ပေါ်ပေါက်ခဲ့ရသည်။ လူ့သမိုင်းတလျှောက် ပေါ်ပေါက်ခဲ့မျှ အထက်ပါ လူမျိုးရေးအရ ခွဲခြားဆက်ဆံခြင်း (racial discrimination) အားလုံးသည် လူမျိုးစုတစ်စုက ၄င်းတို့နှင့် မတူသည့် အခြားလူမျိုးစုတစ်စုကို နှိမ်ချ ဆက်ဆံမှုများ (inter-racial discrimination) သာ ဖြစ်ကြသည်။ ယခု ပြည်ပရောက် မြန်မာ လူ့အဖွဲ့အစည်းတွင် မြန်မာအချင်းချင်း နှိမ်ချဆက်ဆံတတ်သော အခြင်းအရာတစ်မျိုး ပေါ်ပေါက်လျှက်ရှိသည်ဟု စာရေးသူ သံသယ ဖြစ်မိသည်။ လူမျိုးတူခြင်း လူမျိုးရေးအရ ခွဲခြားဆက်ဆံခြင်းကို လူမျိုးတွင်း လူမျိုးရေးအရ ခွဲခြားဆက်ဆံခြင်း (intra-racial discrimination) ဟု အမည်တပ်ပြီး ၄င်းသာဓက တစ်ခုကို ယခု စာတမ်းငယ်တွင် ဆွေးနွေးမည် ဖြစ်သည်။

စင်ကာပူနိုင်ငံ Informatics ကျောင်းဝန်းအတွင်းရှိ Prometic စာမေးပွဲ ဌာနသို့ ဖြေဆိုရန်ရှိသော စာမေးပွဲတစ်ခုအတွက် မိတ်ဆွေတစ်ဦးက လွန်ခဲ့သော ရက်သတ္တပါတ်က သွားရောက်စုံစမ်းရာ စာရေးသူ လိုက်ပါသွားခဲ့သည်။ အဆိုပါ ဌာနအတွင်းသို့ စာရေးသူတို့ နှစ်ယောက် မြန်မာလို စကားပြောဆိုရင်း ၀င်သွားကြရာ ကောင်တာတွင် ထိုင်နေသော အမျိုးသမီးက စိတ်မရှည်သော လေသံ၊ မျက်နှာ ၁၀၂၄ ခေါက်ချိုးဖြင့် "Passport Only" တစ်ခွန်းတည်းသာ ပြန်လည် ပြောဆိုပြီး စကားပြောဆိုမှုကို ရိုင်းပျစွာဖြင့် ရပ်လိုက်ပါသည်။ (ရပ်လိုက်ပါသည်ဆိုသည်မှာ နောက်ထပ် စာရေးသူတို့ ဘာပြောပြော ဘာမှ ပြန်မပြောတော့ခြင်းကို ဆိုလိုသည်။) သို့အတွက် စာရေးသူနှင့် စာရေးသူ၏ မိတ်ဆွေ ဒီအတိုင်း ပြန်လာခဲ့ရသည်။ စာရေးသူ၏ မိတ်ဆွေမှ ၄င်းဌာနကို ဖုန်းဆက်သွယ် မေးမြန်းရာတွင်လဲ "I told you, 'passport only'" ဟု ပြန်လည် အော်ဟစ် ဖြေကြားခဲ့သည်။ (တယ်လီဖုန်း ခေါ်ဆို၍ အင်္ဂလိပ်ဘာသာစကားဖြင့် ပြောဆိုရာတွင် ဗြိတိသျှ ကိုလိုနီ ပညာရေးစနစ် လောင်းရိပ်မိခဲ့သော မြန်မာနှင့် ဖိလစ်ပိုင်အများစုသည် အခြား အာရှသား အများစုထက် ပိုမို ယဉ်ကျေးသော အင်္ဂလိပ်စာကို သုံးနှုန်းတတ်ကြသည်။ အင်္ဂလိပ်စကားကို ဒေသသံဝဲ၀ဲနှင့် ပြောဆိုရာတွင် မြန်မာဝဲနှင့် ဖိလစ်ပိုင်တို့၏ စပိန်ဝဲမှာ ခွဲခြားရလွယ်ပါသည်။)

စာမေးပွဲ ဖြေဆိုသည့် နေ့သို့ ရောက်သော်အခါ စာရေးသူလဲ အဆိုပါ မိတ်ဆွေနှင့် ခေတ္တလိုက်ပါသွားခဲ့သည်။ စာရေးသူ သတိထားမိသည်မှာ ၄င်းအမျိုးသမီးသည် စာရေးသူ၏ မိတ်ဆွေ မြန်မာအမျိုးသမီးကို စကားပြောဆိုတိုင်းတွင် အော်ငေါက် ပြောဆိုသလောက် အခြား လူမျိုးခြားများကို ပြောဆိုရာတွင် အတန်ပင် သိမ်သိမ်မွေ့မွေ့ ရှိလှသည်ကို တွေ့ရသည်။ (နှိုင်းယှဉ်ရန်အနေနှင့် အဆိုပါဌာနမှ စင်ကာပူ နိုင်ငံသားဟု ယူဆရသော တရုတ် အမျိုးသမီးသည် မည်သူ့ကိုမဆို ငြင်ငြင်သာသာ သိမ်သိမ်မွေ့မွေ့ ပြောဆိုသဖြင့် စာရေးသူ၏ မိတ်ဆွေကို သူမ အော်ငေါက်နေခြင်းမှာ လုပ်ငန်း လိုအပ်ချက်အရ မဟုတ်ဟု စာရေးသူ ကောက်ချက်ဆွဲသည်။)

တဖန် ကွန်ပျူတာစနစ် အမှားအယွင်းတစ်ခုကြောင့် စာရေးသူ မိတ်ဆွေနှင့် ၄င်းဝန်ထမ်းများ စကား ပြောဆိုရန်ရှိသဖြင့် သူမအား ကူညီရန် စာရေးသူ အနားကပ်သွားသောအခါ ကိုယ်၊ နှုတ် အမူအရာ အားဖြင့် ရိုင်းပျစွာ မောင်းထုတ်ခဲ့သည်။ မြန်မာလူမျိုးများအတွက် စော်ကားရာရောက်သည့် အမူအရာများ ပြသသည့်အတွက် ၄င်းကို မြန်မာ့ယဉ်ကျေးမှုကို မသိသော၊ စိတ်တိုလွယ်သော လူမျိုးခြား တစ်ဦးအဖြစ်သာ စာရေးသူ ထင်ခဲ့မိသည် (၄င်းစကားမ၀ဲပါ)။ ၄င်း၏ လုပ်ဖော်ကိုင်ဖက် တရုတ်အမျိုးသမီးက စာရေးသူအား ယဉ်ကျေးစွာ တောင်းပန်၍ အပြင်ထွက်ခိုင်းပါသည်။

စာရေးသူမိတ်ဆွေသည် ၄င်းကို မြန်မာဘာသာဖြင့် စကားလာပြောသည့်သူကို တွေ့တော့မှ ၄င်းမြန်မာမှန်း ရိပ်မိသည်ဟု တအံ့တသြ ပြန်ပြောပါသည်။ အထက်ပါ ဖြစ်ရပ်အပြီးတွင် အဆိုပါ ဌာနသို့ စာမေးပွဲအတွက် စုံစမ်းရန် သွားရောက်ခဲ့သော အခြား မြန်မာ စကားပြောသူ မိတ်ဆွေများ (စာရေးသူ၏ ယခင် အခန်းဖော် ကရင်လူမျိုး တစ်ဦးအပါအ၀င်) က ၄င်းတို့အားလဲ ရိုင်းပျစွာဖြင့် "Everything is in the web-site" ဟု အော်ထုတ်ကြောင်း၊ ၄င်းတို့ web-site down နေသည်ဟုပင် ပြန်လည် ရှင်းပြ၍ မရပဲ မောင်းထုတ်ကြောင်း လာရောက် ပြောပြဖူးသည်ကို တဆက်တစပ်တည်း အမှတ်ရလာပါတော့သည်။

ထို မြန်မာ အမျိုးသမီး ဘာဖြစ်နေပါသနည်း၊ စာရေးသူ မသိပါ။ စာရေးသူ သိသည်မှာ ၄င်းသည် မြန်မာလူမျိုးများကို ကောင်းစွာ ၀န်ဆောင်မှု မပေး၊ ရိုင်းပြစွာ ဆက်ဆံသည်၊ မတတ်သာ၍ ၀န်ဆောင်မှု ပေးရလျှင် အတတ်နိုင်ဆုံး ရိုင်းပြသော မျက်နှာ၊ ကိုယ်၊ လက် အမူအရာဖြင့် ပေးသည်၊ လူမျိုးခြားများကိုမူကား ကောင်းသော ၀န်ဆောင်မှုကို ယဉ်ကျေးသိမ်မွေ့စွာ ပေးနေသည်။ ၄င်းသည် လူမျိုးရေးအရ ခွဲခြားဆက်ဆံခြင်း စစ်စစ်ပင် ဖြစ်တော့သည်။ (ထိုကိစ္စအတွက် လူမျိုးခြားများကို မုန်းတီးရန် မလိုချေ။ အဘယ့်ကြောင့်ဆိုသော် ၄င်းတို့က မြန်မာများကို နှိမ်ပါဟု မတောင်းဆိုသောကြောင့် ဖြစ်သည်။)

အထက်ပါ ဥပမာ အပြင် မြန်မာအချင်းချင်းမှန်း သိသည်နှင့် လမ်းပျောက်နေသည်ကို လမ်းမပြပေးချင်တော့သော သူ၊ ဈေးလျှော့ရောင်းသော ဈေးဆိုင်ကို မပြောပြချင်တော့သော ပစ္စည်းကောင်း၊ ဈေးကောင်းရလာသူ၊ အခွင့်အရေးကောင်းရှိသော အလုပ်တို့ကို တဆင့်စကား မပါးချင်တော့သော သူ (၄င်းတို့ ကိုယ်တိုင်က အဆိုပါ အလုပ်အကိုင်ထက် အဆင့်မြင့်သော နေရာတွင် အလုပ်လုပ်နေသဖြင့် အဆိုပါအလုပ်အား လျှောက်ထားခြင်း မပြု)၊ ကောင်းမွန်သော ၀န်ဆောင်မှု မပေးတော့သော စားသောက်ဆိုင် အမှုထမ်းများ၊ ဈေးရောင်းချသူများ အရောင်းဆိုင် ၀န်ထမ်းများနှင့် အခြား ဧည့်ခံကောင်တာ ၀န်ထမ်းအများအပြားကိုလဲ စာရေးသူ တွေ့ခဲ့ဖူးသည်။ တဖန် သတိထားမိသည်မှာ ၄င်းတို့သည် လူမျိုးခြားများကိုမူကား ကောင်းမွန်စွာ ဆက်ဆံ ပြောဆို ကူညီကြသည်ကို တွေ့ရလေသည်။

လူတိုင်းအား တပြေးညီ ရိုင်းပြနေသည်မှာ မကောင်းသော အခြင်းအရာ ဖြစ်သည်။ လူတိုင်းအား တပြေးညီပင် ကောင်းသော ၀န်ဆောင်မှု မပေးသည်မှာလဲ မကောင်းသော အခြင်းအရာပင် ဖြစ်သည်။ သို့ရာတွင် လူတစ်စုကို ကောင်းသော ၀န်ဆောင်မှုပေးလျှက် အခြားတစ်စုကို ကောင်းသော ၀န်ဆောင်မှု မပေးခြင်းမှာကား လူ့အဖွဲ့အစည်းကို စော်ကားမှု တစ်ရပ်ဖြစ်သော လူမျိုးရေးအရ ခွဲခြားဆက်ဆံခြင်းပင်တည်း။

ယခုတင်ပြခဲ့သော မြန်မာအချင်းချင်း လူမျိုးရေးအရ ခွဲခြားဆက်ဆံခြင်း သာဓကများ၏ အကြောင်းရင်းကို စာရေးသူ မသိသော်လည်း လူမျိုးရေးအရ ခွဲခြားဆက်ဆံခြင်းသည် လူ့အဖွဲ့အစည်းအပေါ် ကျူးလွန်သည့် အဆိုးရွားဆုံးသော ရာဇ၀တ်မှု တစ်ရပ်ဖြစ်ပြီး ပြည်ပရောက် မြန်မာ အသိုက်အ၀န်း တနေ့တခြား ကြီးထွားလာသည်နှင့်အမျှ လူမျိုးတွင်း လူမျိုးရေးအရ ခွဲခြား ဆက်ဆံသော အခြင်းအရာသည် ပို၍ အရေးပါလာမည်ဖြစ်သဖြင့် လူမှုရေး သိပ္ပံ ပညာရှင်များအနေနှင့် စနစ်တကျ လေ့လာသင့်သော ကိစ္စတစ်ရပ်အဖြစ် မီးမောင်းထိုးပြလိုက်ရပါသည်။

မှတ်ချက် ။ ။ တယ်လီဖုန်းဝယ်စဉ်က မြန်မာမှန်းသိ၍ စေတနာပါပါနှင့် အသေအချာ လိုက်လံ ရှင်းပြသော (စင်ကာပူနိုင်ငံမှ) ၀န်ထမ်း အဒေါ်ကြီးတစ်ယောက်၊ ကြာဇံကြော်စားချင်သော စာရေးသူ၏ သူငယ်ချင်းအတွက် သူ့ဆိုင်မှာ မရသော ကြာဇံကြော်ကို ကြော်ခိုင်းပြီး ရောင်းပေးသော (မလေးရှား အပန်းဖြေစခန်းတစ်ခုမှ) စားသောက်ဆိုင် ၀န်ထမ်း အစ်မကြီး၊ စာရေးသူတို့ မိသားစုကို အမှတ်တရ ဓာတ်ပုံ ရိုက်ပေးဖူးသော (ဆွစ်) စားသောက်ဆိုင်တစ်ခုမှ စားပွဲထိုး အမျိုးသမီးတို့နှင့် အချို့ မမှတ်မိတော့သော အားလုံးကို တပြေးညီ ဆက်ဆံသည့် မြန်မာ ၀န်ထမ်း အချို့လဲ ရှိကြောင်း ဖြည့်စွက် တင်ပြအပ်ပါသည်။

စာကြွင်း ။ ။ ယခင်တလောက မြန်မာများ (ကွမ်းထွေးသဖြင့်) အိမ်သာဝင်ခွင့်မပြုဟု စားသောက်ဆိုင်တစ်ခုတွင် ဆိုင်းဘုတ်တင်ရာ လူမျိုးရေးအရ ခွဲခြားဆက်ဆံခြင်းဟု ဟိုးလေးတကြော်ဖြစ်သွားခဲ့ရသည်။


11 comments:

Ko Paw said...

လူမျိုးရေးခွဲခြားမှုကတော့ လက်ခံနိုင်စရာ လုံးဝမရှိပါဘူး။ ကိုယ့်လူမျိုးအချင်းချင်းကျမှ လျော့ပြီး ဝန်ဆောင်မှုပေးတာက ပိုဆိုးတော့တာပေါ့။

ပြည်ပရောက်နေတုန်းမှာ ကိုယ့်လူမျိုး ဂုဏ်သိက္ခာညှိုးနွမ်းရမယ့် အလုပ်မျိုးကို ရှောင်ရှားကြရင် အကောင်းဆုံးပါပဲ။

kyaw said...

နိုင်ငံခြား အတော်များများမှာလည်း ဒီလိုမြန်မာချင်း ခွဲခြားဆက်ဆံတာတွေများနေပြီဗျ....၀န်ဆောင်မှုပေးတယ်ဆိုတာ..တခြားနိုင်ငံသားတွေအတွက်ပဲ ခံစားခွင့်၇ှိနေတာမျိုးလားလို့ တောင်မေး၇မလို ဖြစ်နေပြီ...ဒါပေမဲ့ တခြားလူမျိုးတွေကတော့ ၀န်ဆောင်မှုကိုတပြေးညီပေးပါတယ်..ကိုယ့်လူမျိုးအချင်းချင်းမှဗျာ..ဘာလို့ ခွဲခြားချင်နေကြပါလိမ့်

Vigor said...

Strange??

Law Shay said...

Vigor,

Yes, for me, it is strange.

This is the first time I was treated like this (Even those staffs from notorious Science and Technology Ministry, Myanmar never treated me like this before nor the staffs from the Passport section under Myanmar immigration).This is the first time I saw something awful like this.

lung said...

၁။ ကိုယ့်အလှည့်တုန်းက ခံလိုက်ရလို့လည်းဖြစ်မယ်။
၂။ အခြားလူမျိုးခြားတွေကြားမှာ မြန်မာကို အထင်သေးစေမယ့် အပြုအမူတွေလို့ထင်လို့လည်း ဖြစ်မယ်။
၃။ ကိုယ်တိုင်က လူမှုရေးစိတ်ဓါတ်ခေါင်းပါးတဲ့သူလည်း ဖြစ်နိုင်တယ်။
ဘာဘဲပြောပြော..ဒါမျိုးက သံသရာလည်သွားတာမျိုးဖြစ်ရင် မကောင်းပါ။ ဒါမျိုးတွေ ကြားရတာ စိတ်မကောင်းပါ။ မြန်မာဆိုတာ ဒါမျိုးမဟုတ်ဘူးလေ။

mabaydar said...

မြန်မာ အချင်းချင်း အင်္ဂလိပ်လိုပြောရင် လေသံက သိသာပါတယ်... သူ့အင်္ဂလိပ်က မြန်မာမှန်းမသိသာ နိုင်လောက်အောင် ကောင်းနေလို့လား... သူအဲလိုဆက်ဆံနေရင် ကိုယ်ကလဲ ရင့်ရင့်ပေါ့... ကွန်ပလိန်းလုပ်လဲရတာပဲ... ခံမလာနဲ့လေ...
အောက်ဆုံးက စာကြွင်းမှာတော့ အိမ်သာကို မြန်မာပေးမ၀င်ဘူးလို့ပြောတာ သူတို့အလွန်ဆိုပေမဲ့... ကိုယ်ကလဲ အစထဲက စည်းကမ်းလိုက်နာပြီး ကွမ်းတံထွေးမထွေးသင့်ဘူးထင်တယ်... ဘယ်သူမှတော့ လူမုန်းမခံဘူးဆိုပေမဲ့ ထွေးနေတဲ့သူရှိရင်လဲ မလုပ်ဖို့ အချင်းချင်း တားမြစ်သင့်တယ်... ကိုယ်က အစထဲက သူများအပြောမခံရအောင် နေသင့်တယ်လို့ထင်တာပါပဲ...

Law Shay said...

တော်တော်လေးကောင်းတယ်။ ဒါပေမဲ့ ကိုယ်တွေ့ဖူးတဲ့ အကောင်းဆုံး ၁၀ ယောက်ထဲမှာတော့ မပါဘူး။

Thu said...

I realize "discrimination" is based upon personal attitude.
As Sayagyi Shwe Oo Daung said "if your happy or sorrow by other side's deal, you stand by other people's mnd and your body".
I alwats think "To jubilant stay in own coordinate".

g|-|0$7 said...

အင်္ဂလိပ်စကားပြော ကောင်းတာမကောင်းတာနဲ့တော့ မဆိုင်ပါဘူး
တစ်ချို့စလုံးမှာ အနေကြာတဲ့မြန်မာတွေ အင်္ဂလိပ်စကားပြောရင် စလုံးလေသံအတိုင်းပါပဲ... မြန်မာလို့သာ မသိထားရင် စလုံးလို့ပဲထင်မိမှာပါ

ကူးလွေ့ said...

blueskyforest ကနေတဆင့် ပထမဆုံးရောက်လာပါတယ်။ နိုင်ငံခြား ရောက် မြန်မာများ အချင်းချင်း ကူညီရိုင်းပင်းဖို့ထက် မြန်မာ စကားပြောမိရင် ကို ပြန်ပြီး နှာခေါင်းရှုံ့ အထင်သေးချင် တဲ့ခေတ် အခါ သမယ မို့ လားမသိဘူး။ ဒီလို ခဏခဏ မြင်ရ ကြားရတယ်။ ကွမ်းသွေး ကိစ္စကတော့ စားတဲ့သူတွေရဲ့ စည်းကမ်းမရှိမှုကြောင့် ဖြစ်ရတာ များပါတယ်။ ဘေစင်ထဲ ထွေးချတယ်..ဘေစင် ပိတ်ရင် ဒီတိုင်းထားခဲ့တယ်။ အိမ်သာထဲ မြင်မကောင်းအောင် ထွေးကြတယ်...။အမှိုက်ပုံးတွေထဲလဲ မြင်မကောင်းအောင် ထွေးကြတယ်။

ကူးလွေ့ said...

blueskyforest ကနေတဆင့် ပထမဆုံးရောက်လာပါတယ်။ နိုင်ငံခြား ရောက် မြန်မာများ အချင်းချင်း ကူညီရိုင်းပင်းဖို့ထက် မြန်မာ စကားပြောမိရင် ကို ပြန်ပြီး နှာခေါင်းရှုံ့ အထင်သေးချင် တဲ့ခေတ် အခါ သမယ မို့ လားမသိဘူး။ ဒီလို ခဏခဏ မြင်ရ ကြားရတယ်။ ကွမ်းသွေး ကိစ္စကတော့ စားတဲ့သူတွေရဲ့ စည်းကမ်းမရှိမှုကြောင့် ဖြစ်ရတာ များပါတယ်။ ဘေစင်ထဲ ထွေးချတယ်..ဘေစင် ပိတ်ရင် ဒီတိုင်းထားခဲ့တယ်။ အိမ်သာထဲ မြင်မကောင်းအောင် ထွေးကြတယ်...။အမှိုက်ပုံးတွေထဲလဲ မြင်မကောင်းအောင် ထွေးကြတယ်။