မူလလက်ဟောင်း ... ငါတော့မေ့လို့မရနိုင်ဘူး။

မူလလက်ဟောင်း Angry Bird ကို ယနေ့အထိ ကျွန်တော်တို့ မေ့မရနိုင်သေးပါ။

ပုံကို www.themetapicture.com မှ ကူးယူဖော်ပြပါသည်။

ဘဲနှုတ်ခမ်းနဲ့ မမလေးများ သတိထား

ဘဲနှုတ်သီးလို နှုတ်ခမ်းစူပြီး ရိုက်ထားတဲ့ ဓာတ်ပုံတွေကို Facebook မှာ တင်တတ်သူ မမလေးများ ဘဲပစ်ရာသီရောက်ပြီဆိုပြီး အပစ်ခံရမှာ သတိထားကြနော။

Warner Brothers က Looney Toons တွေထဲမှာ ဘဲပစ်ရာသီ၊ ယုန်ပစ်ရာသီဆိုပြီး အမဲလိုက်သမားရှေ့မှာ ယုန်နဲ့ ဘဲနဲ့ ဝိုင်းငြင်းကြတဲ့ ကာတွန်းဟာ အင်မတန် နာမည်ကြီးပါတယ်။

ဝင်းဒိုးပဲ သုံးတာရှင့်

ကွန်ပျူတာ ပြုပြင် ထိန်းသိမ်းရေး ဝန်ဆောင်မှုဌာနတွင် တယ်လီဖုန်း မြည်လာသည်။

ကွန်ပျူတာ ဝန်ထမ်း။ ။ ဟုတ်ကဲ့၊ ကွန်ပျူတာဌာနကပါ။ 

ဖုန်းခေါ်လာသူ စာရင်းကိုင် ဝန်ထမ်း။ ။ ကျွန်မ ကွန်ပျူတာ အင်တာနက်သုံးမရတော့လို့ပါ။ 

ကွန်ပျူတာ/ထမ်း။ ။ စက်ပိတ်ပြီး ပြန်ဖွင့်ကြည့်ပါလား။ 

စာရင်းကိုင်/ထမ်း။ ။ မရဘူးရှင့်။ 

ကွန်ပျူတာ/ထမ်း။ ။ အစ်မစက်ရဲ့ MAC Address လေးတချက်လောက် ပြောပြပါလား။ 

စာရင်းကိုင်/ထမ်း။ ။ ကျွန်မတို့ ဌာနမှာ ၀င်းဒိုးပဲ သုံးတာပါရှင့်။ ပန်းသီး ကွန်ပျူတာ မသုံးပါဘူး။ ရှင် ကွန်ပျူတာဌာနမှာ အလုပ်လုပ်နေပြီး ဒါလေးတောင် မသိဘူးလား။ !@#$%^&*()

မှတ်ချက်။ ။ MAC Address = Media Access Control address ကွန်ရက်ချိတ်သည့် စက်ပစ္စည်း တစ်ခုစီတိုင်းတွင် ရှိရသော ဒွိကိန်း ၄၈ လုံးပါ လိပ်စာ။ 

ရှေးထုံးလဲ ပယ်မှ

အင်ဂျင်နုယဉ်က ဒေါ်လာသန်းပေါင်းများစွာတန်တဲ့ နည်းပညာကို ကုမ္ပဏီအတွက် ဖန်တီးတီထွင်ပေးတာတောင်မှ အကာနဲ့အနှစ်ခွဲခြား မသိလောက်အောင် တုံးအပြီး ညံ့ဖျင်းတဲ့ မန်နေဂျာက အ၀တ်အစား နည်းနည်းလေး တောက်ပြောင်နေတာကိုပဲ အပြစ်ပြောနေတဲ့အတွက် ပညာရှင် (အင်ဂျင်နုယဉ်) က စိတ်ပေါက်ပေါက်နဲ့ ဆော်ပလော်တီးပစ်လိုက်တာပဲ ဖြစ်ပါတယ်။

လူမှုရေး၊ စီးပွားရေး အဖွဲ့အစည်းတွေမှာ အဓိက ဦးတည်ချက်က သက်ဆိုင်ရာ အဖွဲ့အစည်း စည်ပင်ရှင်သန် တိုးတက်ရေးပဲ ဖြစ်ပါတယ်။ အဲဒီ တိုးတက်မှုကို သက်ဆိုင်ရာ နယ်ပယ်အသီးသီးရဲ့ ပညာရှင်တွေကပဲ ဆောင်ကြဉ်းပေးနိုင်ပါတယ်။ ဟယ် ... ပညာရှင်က ရှေးထုံးတွေကို မလိုက်နာလို့၊ ပညာရှင်က ယဉ်ကျေးမှုနဲ့ လျော်ညီအောင် မ၀တ်ဆင်လို့၊ ပညာရှင်က ဘာဖြစ်လို့၊ ညာဖြစ်လို့ဆိုတဲ့ လုပ်ငန်းနဲ့ မဆိုင်တဲ့ အကြောင်းတွေပြပြီး ပညာရှင်ကို အဖွဲ့အစည်း အတွင်းက ကန်ထုတ်ရင် အဲဒီ အဖွဲ့အစည်းပဲ မတိုးတက်ပဲ ခေတ်နောက်ကျ အောက်ကျနောက်ကျ ဖြစ်ကျန်ခဲ့မှာပါ။

ဒါကြောင့် ရှေးထုံးလဲ (ပယ်ဖို့လိုလာရင်) ပယ်မှ။

ရုပ်မြင်ထဲက သိပ္ပံ ၂

www.phdcomics.com တွင်ဖော်ပြခဲ့သော အောက်ပါ ကာတွန်းများသည် ထိမိပြီး ဟာသမြောက်သည့်အတွက် လောရှည် - ကတဲ့ပွဲ၏ စာဖတ်သူများအတွက် ကာတွန်းရေးဆွဲသူ၏ ခွင့်ပြုချက်ဖြင့် ပြန်လည် ဖော်ပြပါသည်။

ပြန်ဖတ်ရန် ။ ။ ရုပ်မြင်ထဲက သိပ္ပံ

ပြီးပြီလို့ထင်တာ။ ကာတွန်းဆရာက နောက်ထပ် ၃ ကွက် ထပ်ဆွဲသဗျ။

"Piled Higher and Deeper" by Jorge Cham
www.phdcomics.com


"Piled Higher and Deeper" by Jorge Cham
www.phdcomics.com


"Piled Higher and Deeper" by Jorge Cham
www.phdcomics.com

ရုပ်မြင်ထဲက သိပ္ပံ

www.phdcomics.com တွင်ဖော်ပြခဲ့သော အောက်ပါ ကာတွန်းများသည် ထိမိပြီး ဟာသမြောက်သည့်အတွက် လောရှည် - ကတဲ့ပွဲ၏ စာဖတ်သူများအတွက် ကာတွန်းရေးဆွဲသူ၏ ခွင့်ပြုချက်ဖြင့် ပြန်လည် ဖော်ပြပါသည်။

"Piled Higher and Deeper" by Jorge Cham
www.phdcomics.com


"Piled Higher and Deeper" by Jorge Cham
www.phdcomics.com



"Piled Higher and Deeper" by Jorge Cham
www.phdcomics.com


"Piled Higher and Deeper" by Jorge Cham
www.phdcomics.com

ပညာရှင်များနှင့် သဘောသဘာဝ

အလုပ်အကိုင်နှင့် တွေးခေါ်ပုံ ဆက်စပ်ပုံအကြောင်း လေ့လာသည့် သုတေသနတစ်ခုတွင် ဖြစ်သည်။

လေ့လာသူ - ၂ x ၂ က ဘာရလဲ။

အင်ဂျင်နုယဉ် (Slide Rule ကို ထုတ်ကာ အတန်ကြာ တွက်ချက်ပြီးနောက်) - ၃.၉၉။

ရူပဗေဒ ပညာရှင် (သူ၏ ကိုးကားစာအုပ်များကို မှီငြမ်းကာ ပုစ္ဆာကို ကွန်ပျူတာသုံးတွက်ချက်ပြီးနောက်) - ၃.၉၈ နဲ့ ၄.၀၂ ကြားထဲမှာပဲ၊ သေချာတယ်။

သင်္ချာပညာရှင် (ခဏမျှ စဉ်းစားပြီးနောက်) - အဖြေတော့ မသိသေးဘူးဗျာ။ ဒါပေမဲ့ အဖြေရှိတာတော့ သေချာတယ်။

တွေးခေါ်ပညာရှင် (ပြုံး၍) - နေပါဦး၊ ၂ x ၂ ဆိုတာ ဘာကို ဆိုလိုတာလဲ။

ဒဿနပညာရှင် - ၂ ရယ် x ရယ်ကို ကျေးဇူးပြုပြီး တိတိကျကျ သတ်မှတ်စမ်းပါဗျာ။

လူမှုရေးပညာရှင် - ကျွန်တော်မသိဘူး၊ ဒါပေမဲ့ ခင်ဗျားနဲ့ စကားပြောရတာ ကောင်းသားပဲ။

စာရင်းကိုင် (ဘေးမှ ပညာရှင်များကို တချက်အကဲခတ်ပြီး လေသံတိုးတိုးဖြင့်) - ရှင်က ဘယ်လောက် ဖြစ်စေချင်လို့လဲ။

ဆေးပညာရှင် (ဆရာဝန်) - ၄ ကွ။

လေ့လာသူ - ခင်ဗျား ဘယ်လိုသိသလဲ။

ဆေးပညာရှင် (ဆရာဝန်) - ငါအလွတ်ကျက်ထားတာကွ။

လေ့လာသူ - ကဲ အင်ဂျင်နုယဉ်ရယ်၊ ရူပဗေဒသမားရယ်၊ သင်္ချာဆရာရယ်ကိုပဲ တခုထပ်မေးပါရစေ၊ ပိုင်ဟာ ဘယ်လောက်လဲဗျ။

အင်ဂျင်နုယဉ် - ၂၂/၇ လောက် ရှိတယ်။
ရူပဗေဒ ပညာရှင် - ၃.၁၄၁၅၉
သင်္ချာပညာရှင် - ပိုင် ညီမျှခြင်း (ခဏမျှနား၊ အားလုံးသူ့ကို ၀ိုင်းကြည့်) ပိုင်။

ဆေးပညာရှင် (ဆရာဝန်) ကတွေး - ငပေါတွေ၊ ပိုင်တခုကို ၆၀၀ ကျပ်။ ကော်ဖီဆိုင်မှာ ၀ယ်စား၊ ဗိုက်ပြည့်တယ်။ တယောက်မှလဲ မမှန်ကြဘူး။

အင်တာနက်မှ ဟာသများကို ပေါင်းစပ် တင်ပြပါသည်။

အထက်ပါဟာသကို နားလည်နိုင်ရန်အတွက် ဗဟုသုတများ။

Slide Rule သည် ခေတ်ပေါ် သိပ္ပံ ဂဏန်းတွက်စက် အလား တွက်ချက်နိုင်သော တွက်ချက်ရေး ကိရိယာတစ်ခု ဖြစ်သည်။ သို့သော် အနည်းငယ်မျှ မတိကျ။ ကိုင်တွယ်သူ၏ ကျွမ်းကျင်မှုပေါ်မူတည်ပြီး အနည်းငယ် အမှားအယွင်းရှိနိုင်သည်။ အလွန်ရှုပ်ထွေးသော ပုစ္ဆာများတွင် ၄င်းအမှားအယွင်းသည် အရေးမပါလှသဖြင့် ရှေးက အင်ဂျင်နုယဉ်တိုင်းလိုလို၏ လက်စွဲဖြစ်သည်။

ရူပဗေဒ စမ်းသပ်ချက်များသည် အကြောင်းကြောင်းကြောင့် မတိကျလှ။ Range ဖြင့်သာ အဖြေထွက်လေ့ ရှိသည်။ တွက်ချက်ရာတွင် သူတို့သည် ကွန်ပျူတာ အကူအညီကို ရှေး (၁၉၄၀ ပြည့်နှစ်လွန်များကတည်းက) ရရှိခဲ့သဖြင့် ကွန်ပျူတာအပေါ် မှီခိုလွန်းအားကြီးကာ သူတို့၏ ပိုင်တန်ဖိုးသည်လဲ ကွန်ပျူတာထဲ ထည့်ရလွယ်သော ဂဏန်းသာ ဖြစ်နေတတ်သည်။

သင်္ချာပညာရှင်များသည် အဖြေရှိတာ သေချာလျှင် ဆက်မတွက်ချင်တော့။ တွက်နည်းကို ရှာခြင်းသာ သူတို့အလုပ်ဖြစ်သည်။ တွက်ခြင်းသည် သူတို့အလုပ်မဟုတ်ဟု ခံယူသည်။ ပိုင်ကို တသက်လုံး ပိုင် သင်္ကေတနှင့် ရေးသား တွက်ချက်သဖြင့် ပိုင်၏ တန်ဖိုးကိုတောင် မသိတော့။ (အတင်းမေးလျှင် စက်ဝန်းကို အချင်းနဲ့ စားထားတဲ့ တန်ဖိုးဟုတော့ ဖြေကောင်း ဖြေနိုင်သည်။ ဒါတောင် ဂျီသြမေထရီ ပညာရှင်မှ ... )

တွေးခေါ်ပညာရှင်နှင့် ဒဿနပညာရှင်သည် တူမလိုလိုနှင့် မတူကြ။ တွေးခေါ်ပညာရှင် (Philosopher) က လူတစ်ယောက် ဘာကို ဘယ်လိုမြင်သလဲကို အဓိကထားပြီး ဒဿနပညာရှင် (Logician) ကမူ အခြေခိုင်သော အချက်အလက်များပေါ် ထပ်ဆင့် ထပ်ဆင့် တွေးခေါ် တည်ဆောက်ရသည်ကို အဓိကထားသည်။

လူမှုရေးပညာရှင်မှာ တသက်လုံး နှစ်သိမ့်ဆွေးနွေးနေရသဖြင့် နားပဲ ထောင်နေချင်တော့သည်(ဟု လူအများ မြင်ကြသည်)။

စာရင်းကိုင်မှာ အထက်လူကြီး အကြိုက် စာရင်းလိမ် စာရင်းပိန် အင်မတန် လုပ်တတ်သည်(ဟု လူအများ မြင်ကြသည်)။

ဆရာဝန်များမှာ သင်္ချာနှင့် မနီးစပ်၊ အားလုံးကို အလွတ်ကျက်၍ စာမေးပွဲ အောင်တတ်လေသည်(ဟု လူအများ မြင်ကြသည်)။

အားလုံးပဲ လွန်တာရှိရင် ၀န္ဒာမိပါ။

လေ(လျှော)တတ်လို့ ရော(ပေး) ရပါသည် (သေခြင်း၏ နောက်ဆက်တွဲ)။

ဝင်ကစွပ်အမည်ခံ ပုဂ္ဂိုလ်တစ်ဦးက သေခြင်း ကိုဖတ်အပြီးမှာ အောက်ပါ parody ကိုရေးပို့လာတဲ့အတွက် ဖော်ပြလိုက်ရပါတယ်။ (နောင်များမှာလဲ အခြားသူများက ပေးပို့သော စာများကို လောရှည် - ကတဲ့ပွဲ ၏ မူများနှင့် တိုက်ဆိုင် စစ်ဆေးပြီး ဖော်ပြပေးမှာဖြစ်ပါတယ်။ ဒီလိုစာများနှင့် ပတ်သက်သော အရှုပ်အထွေးများတွင် ရေးသားပေးပို့သူကသာ တာဝန်ယူရမည်ဖြစ်ပြီး လောရှည် - ကတဲ့ပွဲ တွင် တစုံတရာ တာဝန်မရှိစေရ။)

ကိုလောရှည်လိုတော့
Princeton ရဲ့လေညှင်းခံဖို့ကို
တွေးမိဘို့နေနေသာသာ
အ၊ထုံ၊ပါရမီကများတော့
Princeton ဘယ်နေမှန်းမသိသူတစ်ယောက်ပါ။

လေပြင်းဒါဏ် အဖျားခတ်ခံခဲ့ရသော လှိုင်သာယာ၏ မုန်တိုင်းမဝင်မီ ရက် ၄၀၀ ကျော်က လေညှင်းလေသင်းများကိုတော့ ရှူခဲ့၊ ခံစားခဲ့ဘူးပါတယ်။

တစ်ခုသောခန်းမများရဲ့ အဝင်ဝမှာ ....
ပညာရှင်တွေလဲပါကောင်းရဲ့၊
ခေါင်းရွက်ဗျပ်ထိုးဈေးသည်တွေလဲ ပါကောင်းရဲ့၊
"ဆန်ဈေးတက်တာ ဒို့အလုပ်လား၊
ဒို့မှာ မနက်စာအတွက် ပေါင်မုန့်ကိုတောင်မှ မနည်းနပ်မှန်အောင်
Singapore ကနေ မှာစားနေရတာ၊
ဒါတောင် တလောက မုန်တိုင်းကြောင့်
လေယာဉ် မဆင်းနိုင်လို့ ပြတ်သွားတဲ့ခဏ
Singaporre ပေါင်မုန့်နဲ့ကြီးလာတဲ့ မြေးမကို
Europe က မှာထားတဲ့ Cheese Cookie နဲ့
မနည်းချော့ပြီး ကျွေးလိုက်ရတယ်"လို့ ပြောလေ့ရှိသူတွေလဲပါကောင်းရဲ့၊
မနက် အလုပ်သွားခါနီး၊ လမ်းစရိတ်မရှိလို့ ထမင်းချိုင့်ကို မိဘမေတ္တာမှာခဏထား၊
ရလာတဲ့ ပေါ့ပေါ့ပါးပါးလေးထဲက ဆန်ဝယ်ဖို့ရယ်လို့ချန်၊
တစ်ကြောင်းစာ စရိတ်နဲ့ အိတ်စုတ်ကို လွယ်ပြီး အထွက်မှာ
ညနေကျရင် သဇင်မင်းက ခေါက်ဆွဲကြော်ဝယ်လာခဲ့မယ်၊
ထမင်းသာချက်ထား၊ စားပြီး ၉နာရီခွဲကျရင်
မနေ့က ဒွေးကား ဇာတ်သိမ်းပိုင်းကို သီဟတို့ရုံမှာ သွားကြည့်ရအောင်လို့ပြောပြီး
အလုပ်ကို ရနိုင်ဖို့ တပ်ထိပ်က စုရပ်ဆီသို့ ကားကျပ်ကျပ်ကို တွယ်စီးသွားတတ်သူနဲ့
သူ့အိမ်သူအိမ်သားများလဲ ပါကောင်းရဲ့၊
ထိုထိုလူများ ဆိုင်ရာခန်းမ အသီးသီးရှေ့မှာ၊ အထဲမှာ၊
လည်တဆန့်ဆန့်နဲ့ မျှော်နေတတ်တာက ....

မျှော်ရင်းတန်းလန်း အဝင်ဝကိုကြည့်ကာ ဖြစ်နိုင်တယ်၊ မဖြစ်နိုင်ဘူး ငြင်းတတ်ကြပါသေးသည်။
တချို့ကလည်း ကိုယ်နှင့်မဆိုင်ပါဘဲ၊ တချို့ကလည်း နှစ်မူးတစ်ပဲလောက်ဆိုင်ကာ၊ တချို့ကျလည်း လုံးလုံးဆိုင်၍
တိုးတိုးကြိတ်ကြိတ် တမျိုး၊ ဖွာလောင်ဖွာလောင်တဖုံ၊ စဉ်းစားတွေးနေ ပြောနေတတ်ကြတာကတော့
“ဒီကပြန်ရင်ဆက်ရှင်းရဦးမယ်၊ ပြဿနာတွေကို၊….. “

တစ်ချို့ကလည်းသိနေလို့၊ တစ်ချို့ကြလည်းရမ်းသမ်း၍၊ တစ်ချို့ကလည်းဘာမှ မသိ၊ မထင်၊ မတွေးထား သော်လည်း၊ ခေါင်းတညိတ်ညိတ်နှင့်ပေါ့။
ခဏကြာတော့လာပြီ၊ လာပြီ၊ ကြည့်ကြ၊ ကြည့်ကြ၊
မဆိုင်တဲ့သူတွေ ဘေးဖယ်ပါဆိုတာလဲပါရဲ့၊ (မဆိုင်မှဖြင့်ရောက်တောင်မလာဘူး ဟုတ္မေးမိပါသေးသည်။)
ကန်တော့ကြ၊ ကန်တော့ကြ၊ ဆိုတဲ့အသံနဲ့အတူ
ပြင်းထန်စွာ ငိုရှိုက်သံ
ရင်ဘတ်ထုသံ
ကြမ်းပြင်ပေါ်မှာလူးလှိမ့်သံ
နှပ်ညှစ်သံ
တက်သွားပြီ
လုပ်ကြပါဦး
ရှူဆေးပေး
ဟဲ့ဟဲ့ခြေထောက်တွေကိုဆန့်ပေးပါဟဲ့
ယပ်ခတ်ပေးကြပါဦး
ဝိုင်းအုံမနေကြပါနဲ့ လေရအောင်
တင်းမထားနဲ့လေ
လုပ်ချလိုက် အားပါးတရ
ဒါနောက်ဆုံးပဲ
စိတ်လျော့မှပေါ့ကွယ်
ကျန်တဲ့သူတွေအတွက်အားတင်းထားမှပေါ့
ကြေးစည်သံနဲ့အတူ
ဖိနပ်သံများနှင့်အတူ
ယခင်က ဖော်ပြခဲ့သော အသံများ၊
မဖော်ပြခဲ့သော အသံများ၊
လဲပြိုသံများ
တွဲခေါ်သံများ……..
လောကထဲကို ဝင်လာတုန်းက လူသုံးယောက်ထက်မနည်း ရှိသည့်အခန်းငယ်အတွင်း ဆူညံမှုကိုလုပ်ခဲ့သူဟု အမှတ်အတေးထားကာ
နားရှိပါလျက် မကြားနိုင်တဲ့ဘဝမှာ တောင် နောက်ဆုံးကြိမ်ပဲ ဆိုပြီး လက်စားချေတာလား လောရယ်။
မှားသွားလို့ပါ။
လောက ရယ်။

ဝင်ကစွပ်

ပြန်မအမ်းနဲ့တော့

ကောင်လေး။ ။ နင့်မှာ ပိုက်ဆံ ဘယ်လောက်ရှိလဲ။

ကောင်မလေး။ ။ တစ်ဆယ်ပဲ ပါတယ်။ ဘာလုပ်မလို့လဲ။

ကောင်လေး။ ။ "ငါနင့်ကို မထိပဲနဲ့ နမ်းလို့ရ၊မရကို တစ်ဆယ်ကြေး လောင်းမလား။"

ကောင်မလေး။ ။ "ရူးနေလား၊ ဒါမဖြစ်နိုင်တာပဲ၊ ဒီမှာ ဆယ်တန်၊ စမ်းကြည့်ပေါ့။"

ကောင်လေးသည် ကောင်မလေးကို အသေအချာ ဖက်၍ ဆင့်ကာ ဆင့်ကာ ဆင့်ကာ မလွှတ်တမ်း နမ်းလေသည်။ နောက်ဆုံးတော့ ကောင်မလေး ရုန်းလို့ လွတ်သွားသည်။

ကောင်မလေး (မောဟိုက်လျှက်)။ ။ "ဒါလား၊ မထိတာ၊ ထိတာပဲလေ၊ မဟုတ်ပဲနဲ့။"

ကောင်လေး (တစ်ထောင်တန်တစ်ရွက်ကို ထုတ်ပေးရင်း)။ ။ "ဟုတ်တာပေါ့၊ ငါရှုံးသွားပြီ၊ ဒါပေမဲ့ နင့်မှာ ပြန်အမ်းဖို့ အကြွေလွယ်ရဲ့လားဟင်။"

အင်တာနက်ပေါ်မှ ဟာသတစ်ပုဒ်ကို မှီငြမ်းပါသည်။

ပထမဆုံး အခေါက်

အောက်ပါ post တွင် အသက် ၁၈ နှစ်အောက် လူငယ်များအတွက် မသင့်လျော်သော စကားလုံး၊ စကားစု အသုံးအနှုန်းများ ပါရှိနိုင်ကြောင်း အသိပေး ကြေငြာအပ်ပါသည်။ မိဘ၊ အုပ်ထိန်းသူများအနေနှင့် မှန်ကန်သော လမ်းညွှန်မှု ပေးနိုင်ရန် အကြံပြုလိုပါသည်။

ယခုကိစ္စသည် သူမဘ၀တွင် တခါမျှ မပြုလုပ်ဖူး မတွေ့ကြုံဖူးသော ကိစ္စတစ်ခု ဖြစ်ပါသည်။ သူမသည် ကျောခင်းကာ လှဲအိပ်လိုက်ရင်း ကြွက်သားများကို တောင့်တင်းထားမိလေသည်။ သူမသည် သူ့ကို ငြင်းဆန်ရန် အကြောင်းပြချက်မျိုးစုံကို စဉ်းစားရင်း တတ်နိုင်သလောက် အချိန်ဆွဲနေမိသည်။ သို့ရာတွင် သူကတော့ လုံးဝ လက်လျှော့မည့်ဟန် မပြပဲ သူမအနားသို့ တိုးကပ်လာလေသည်။ ကြောက်နေသလားဟု သူမကို သူမေးသောအခါတွင် သူမရဲဝံ့ပြတ်သားစွာ ခေါင်းခါပြမိပြန်သည်။

သူသည် ယခုလို ကိစ္စမျိုးတွင် အတွေ့အကြုံ ရင့်ကျက်သူတစ်ယောက် ဖြစ်ပါသည်။ သူ၏ လက်ချောင်းများသည် နေရာမှန်ကို ရှာဖွေတွေ့ရှိသွားကြသည်။ သူ အထဲထိ နက်နက် နှိုက်စမ်းလိုက်သောအခါ သူမတကိုယ်လုံး နာကျင်မှုဖြင့် တုန်ခါသွားပြီး အကြောအခြင်များ တောင့်တင်းသွားလေသည်။ သို့ရာတွင် သူသည် သူပြောထားသလိုပင် ညင်ညင်သာသာပင် ပြုလုပ်ကြောင်း သူမ သိပါသည်။

သူသည် သူမ၏ မျက်ဝန်းများကို စိုက်ကြည့်ရင်း စိတ်မပူရန်၊ သူ့အနေနှင့် ယခုကိစ္စတွင် အတွေ့အကြုံ အများကြီးရှိကြောင်း ထပ်ပြောပြန်သည်။ သူပြုံးပြလိုက်သောအခါ သူမ စိတ်ကိုလျော့လိုက်ပြီး သူ့အတွက် လွယ်ကူစေရန် ကျယ်ကျယ်ဟထားပေးလိုက်သည်။

သူမသည် သူ့ကို မြန်နိုင်သမျှ မြန်မြန်ကိစ္စပြီးအောင် ပြုလုပ်ရန် အကြိမ်ကြိမ် တောင်းပန် လောဆော်မိလေသည်။ သို့သော် သူသည် သူမ နာကျင်မှု သက်သာစေရန် အချိန်ယူ၍ ဖြည်းဖြည်းမှန်မှန်သာ ဆက်လုပ်ပါသည်။ သူနောက်တကြိမ် သူမ၏အနီးသို့ တိုးကပ်လာသောအခါတွင် အသားမျှင်များ စုတ်ပြဲသွားပြီး တကိုယ်လုံး နာကျင်မှုကို သူမ ခံစားလိုက်ရသည်။ သွေး အနည်းငယ် ထွက်လာသည်ကိုလည်း သူမသိရှိလိုက်သည်။

အရမ်းနာသလားဟု သူက ထပ်မေးပြန်သည်။ သူမမျက်လုံးအိမ်တစ်ခုလုံး မျက်ရည်များဖြင့် ပြည့်လျှမ်းနေသော်လည်း မနာသယောင် ခေါင်းခါပြကာ ဆက်လုပ်ရန် သူ့ကို သူမခေါင်းငြိမ့်ပြမိသည်။ သူသည် ကျွမ်းကျွမ်းကျင်ကျင် ထည့်လိုက်ထုတ်လိုက် ဆက်လုပ်နေသော်လည်း သူဘာလုပ်နေမှန်း မသိနိုင်လောက်အောင် သူမ စိတ်လှုပ်ရှားကာ ထုံပေပေဖြစ်နေမိသည်။ အတန်ကြာသောအခါ သူမ အတွင်းထဲမှ အရည်တချို့ တာကျိုးသလို ပေါက်ထွက်လာသည်ကို ခံစားရပြီး သူသည်အရာတစ်ခုကို အပြင်သို့ ထုတ်လိုက်လေသည်။ သူမသည် သက်ပြင်းမောများ ရှိုက်ထုတ်နေရင်း ကိစ္စအောင်မြင်ပြီးမြောက်သွားသည်ကို ၀မ်းသာပျော်ရွှင် နေမိလေသည်။

သူသည် သူမကို နွေးနွေးထွေးထွေး ပြုံးပြရင်း တော်တော် ကိုင်တွယ်ရခက်ပြီး ဆိုးလဲဆိုးတဲ့ ကလေးမဟု ရေရွတ်လေသည်။ သူမကလဲ ပြန်ပြုံးပြရင်း သွားဆရာဝန်အား ကျေးဇူးစကား ဆိုလေသည်။

အထက်ပါတို့သည် သူမဘ၀တွင် ပထမဆုံး သွားနှုတ်သည့်နေ့က တွေ့ကြုံခဲ့ရသော အဖြစ်အပျက်များ ဖြစ်လေသည်။

အင်တာနက်ပေါ်မှ ဟာသတစ်ခုကို ဘာသာပြန် တင်ပြပါသည်။

မြန်မာနိုင်ငံ စာမေးပွဲစနစ်ကို သင်္ချာနည်းဖြင့် လေ့လာဆန်းစစ်ခြင်း။

စင်ကာပူ အမျိုးသား တက္ကသိုလ်၊ တွက်ချက်မှုပညာ ကျောင်းခွဲ (National University of Singapore – School of Computing) က အသစ်စက်စက် ဒုတိယဌာနမှူးက မြန်မာနိုင်ငံကျောင်းသားတွေရဲ့ ကျောင်းလျှောက်လွှာများကို အကဲဖြတ်ရာမှာ အမှတ်စာရင်းတွေကို အဓိပ္ပါယ်မသိရှိပဲ အခက်ကြုံနေလို့ စာရေးသူတို့ လက်ရှိ ကျောင်းသားများကို ခေါ်ယူမေးမြန်းပါတယ်။ တတ်အားသမျှ ရှင်းပြအပြီးမှာ မြန်မာနိုင်ငံရဲ့ စာမေးပွဲစနစ်ကို သင်္ချာနည်းနဲ့ လွယ်လွယ်ပုံစံထုတ်ပြလို့ ရမလားလို့ စာရေးသူတွေးမိပါတယ်။ အဲဒါနဲ့ ဒီစာတမ်းကို ရေးသားဖြစ်ပါတယ်။

ဒုတိယ ဌာနမှူးလိုအပ်နေတာက က၊ ခ၊ ဂ၊ ဃ၊ ကျ အက္ခရာ အဆင့်တွေကနေပြီးတော့ ကျောင်းသားတွေရဲ့ ထူးချွန်ထက်မြက်မှုကို ပြန်လည်တွက်ထုတ်ဖို့ပဲ ဖြစ်ပါတယ်။ အဲဒီလို တွက်ထုတ်ဖို့အတွက် ကျောင်းသားတွေရဲ့ ထူးချွန်ထက်မြက်မှုကို အက္ခရာအဆင့်တွေကို ပြောင်းလိုက်တဲ့ မူလ မှီချက်ကို သိဖို့လိုအပ်ပါတယ်။ ဒီစာတမ်းငယ်မှာ အဆိုပါ မှီချက်ကို သင်္ချာနည်းနဲ့ ပုံစံထုတ်ဖို့ ကြိုးစားကြည့်မှာ ဖြစ်ပါတယ်။

ပထမဆုံး အတွေးထဲကို အလွယ်တကူ ၀င်ရောက်လာတာကတော့ စာမေးပွဲဆိုတာ ကျောင်းသားတွေရဲ့ အစုကို အောင်/ကျ ဆိုတဲ့ တန်ဖိုးနှစ်ခုတည်းရှိတဲ့ ရလဒ်အစု (Co-domain) ကို ပြောင်းပေးတဲ့ မှန်/မှား မီချက် (Binary function) အဖြစ် ပုံစံထုတ်ဖို့ပဲ ဖြစ်ပါတယ်။ (အမှန်တော့ အက္ခရာအဆင့်တွေ သတ်မှတ်တဲ့ မှီချက်ကို မှန်/မှား မှီချက်တွေ အဆင့်ဆင့် ထပ်ထားခြင်းဖြင့် တည်ဆောက်နိုင်ကြောင်း Induction အသုံးပြု သက်သေပြနိုင်တဲ့အတွက် ဆွေးနွေးရာမှာ ရှင်းလင်း လွယ်ကူစေဖို့ မှန်/မှား မှီချက်ကို အသုံးပြုခြင်း ဖြစ်ပါတယ်။) ဒီမှီချက်ကို ကျောင်းသားတွေရဲ့ ထူးချွန်မှုကို ရလဒ်အစုအဖြစ် ပြောင်းပေးတဲ့ မှီချက်အဖြစ် အလွယ်တကူ ပြောင်းလဲဖော်ပြနိုင်ကြောင်း မြင်သာပါတယ်။ ပထမဆုံး ပုံစံထုတ်လိုက်တဲ့ စာမေးပွဲ မှီချက်ကို အောက်တွင် ကြည့်ပါ။

f : X --> {P, F}
f (x) = P ; x >= thr
f (x) = F ; otherwise

where f = exam function for a certain subject; X = partial ordered set of merit of all students; x = merit of the student; thr = certain threshold value (pass mark); and P/F = pass/fail values.

ဒီ လှေခါးထစ်ပုံစံ မှီချက်ဟာ ဘာသာရပ်တစ်ခုတည်းအတွက်ပဲ ဖြစ်ပါတယ်။ ဘာသာရပ်တစ်ခုတည်းအတွက် မှီချက်ကို မှန်ကန်စွာ သတ်မှတ်ပြီးရင် ဘာသာရပ် အများအပြားအတွက် အလုပ်လုပ်နိုင်မဲ့ မှီချက်ကို တွက်ထုတ်ဖို့က လွယ်ကူသွားပြီ လို့မျှော်လင့်နိုင်ပါတယ်။ (နောက်ထပ် အတိုင်းအတာ - Dimension - တစ်ခု ထပ်ထည့်ရုံပဲ ဖြစ်ပါတယ်။)

ဒီနည်းနဲ့ ပုံစံထုတ်ရာမှာ တွက်ချက်မှု များတဲ့ ဘာသာရပ် (တွက်စာ) တွေအတွက် မှန်ကန်တိကျပေမဲ့ (အများ - Error - နည်းပါးပေမဲ့) ကျက်မှတ်မှုကို အလေးထားတဲ့ ဘာသာရပ် (ကျက်စာ) တွေအတွက် အမှား အရမ်းများနေဦးမယ်လို့ ခန့်မှန်းရပါတယ်။ (ဒီနေရာမှာ အမှားကို ရေတွက်ပုံရေတွက်နည်းကတော့ အောင်သင့်တဲ့လူကို ချပစ်ရင်၊ ကျသင့်တဲ့လူကို အောင်ပစ်ရင် အမှားတစ်ခုလို့ ရေတွက်ပါတယ်။ အဲဒီအမှားတွေကို ပေါင်းပြီး ကျောင်းသားဦးရေ စုစုပေါင်း - သို့မဟုတ် ထူးချွန်မှုအဆင့်အားလုံးပေါင်း Integration of student merit in numerical form - နဲ့စားလိုက်ရင် အမှား ရာနှုန်းကို ရမှာဖြစ်ပြီး အဲဒီရာနှုန်းဟာ လက်မခံနိုင်လောက်အောင် ကြီးနေမယ် - ၁၀၀% နားကို ကပ်နေမယ်လို့ ခန့်မှန်းရပါတယ်။) ဒီတွေ့ရှိချက်ဟာ ကျောင်းသားတွေရဲ့ ထူးချွန်မှုရဲ့ ပကတိ ဆူညံမှု (pure noise) ကြောင့် မဖြစ်နိုင်ဘူးလို့ ယူဆတာနဲ့ စာမေးပွဲ မှီချက်ကို ကျောင်းသားတွေရဲ့ ဘာသာရပ်ကို နားလည် အသုံးချနိုင်စွမ်းနဲ့ ဘာသာရပ်နဲ့ သက်ဆိုင်တဲ့ ဗဟုသုတ အတိုင်းအတာ နှစ်မျိုးပေါ် မူတည်သတ်မှတ်ဖို့ အောက်ပါအတိုင်း ကြိုးစားပါတယ်။

f X, Y --> {P, F}
f (x, y) = P ; ax + by + k >= thr
f (x, y) = F ; otherwise

where f = exam function for a certain subject; X = partial ordered set of the ability of student to apply subject knowledge; Y = partial ordered set of the student’s knowledge of the subject; x = ability of student to apply subject knowledge; y = student’s knowledge of the subject; thr = certain threshold value; P/F = pass/fail values.

ဒီမှီချက်ဟာ လှေခါးထစ်ပုံစံ မှီချက်မဟုတ်ပဲ အရောင်နှစ်မျိုး (အောင်/ကျ)ကို အနှုတ်လျှောစောက် (a/b ဟာအမြဲပဲ အနှုတ်ကိန်းဖြစ်နေပါတယ်) ရှိတဲ့ မျဉ်းဖြောင့် နဲ့ ခြားနားထားတဲ့ မှီချက်ပုံစံဖြစ်နေကြောင်း တွေ့ရှိရပါတယ်။ နားလည်မှုစွမ်းရည်ကို ထည့်သွင်းမစဉ်းစားပဲ အလွတ်ကျက်မှတ်မှုကို အဓိကထားတဲ့ ဘာသာရပ်တွေမှာ လျှောစောက်ဟာ သုညလဲ ပဲဖြစ်နိုင်ပါတယ်။ အဲဒီ လျှောစောက်ဟာ အမြဲပဲ သတ်မှတ်ချက် ရှိပါတယ် (always defined)။ ဘာဖြစ်လို့လဲဆိုတော့ ဘာသာရပ်ဆိုင်ရာ ဗဟုသုတ မရှိပဲ နားလည်အသုံးချနိုင်စွမ်း မရှိနိုင်လို့ဖြစ်ပါတယ်။ (x = 0 => y = 0)

ဒီမှီချက်ဟာ မူလ အတိုင်းအတာ တစ်မျိုးပါ လှေခါးထစ်ပုံစံမှီချက်နဲ့ နှိုင်းယှဉ်ရင် အတော်အတန် ပိုမိုတိကျတာကို တွေ့ရှိရပါတယ်။ ဒါပေမဲ့ နှစ်အသီးသီးက ကျောင်းသားများရဲ့ အချက်အလက်များနဲ့ ပုံစံထပ်ကြည့်တဲ့အခါမှာ ခြားနားထားတဲ့ မျဉ်းဖြောင့်ကို (ဘာသာရပ်တစ်ခုတည်းမှာတောင်) နေရာချရခက်ခဲ (a/b နဲ့ ကိန်းသေ k) ကို တွက်ထုတ်ရခက်ခဲနေတာကို တွေ့ရှိရပါတယ်။ (မူလ လှေခါးထစ်ပုံ မှီချက်မှာလဲ ကိန်းသေ thr ကို အတိတ်က အချက်အလက်တွေအရ အတိအကျ သတ်မှတ်လို့ မရတာကို တွေ့ရှိရပါတယ်။)

အကြောင်းရင်းကတော့ သတ်မှတ် အောင်ချက် ပြည့်မီအောင် လျှော့ပေါ့စဉ်းစားပေးတဲ့ စနစ် (moderation system) ကြောင့်ပဲ ဖြစ်ပါတယ်။ ဆိုလိုတာက ကျောင်းသားတွေကို ဘာသာရပ်ကို နားလည်နိုင်စွမ်းနဲ့ ဘာသာရပ်ဆိုင်ရာ ဗဟုသုတတို့ပေါ်မူတည်ပြီး ပြင်ညီကိုသြဒိနိတ်ပေါ်မှာ (ကျောင်းသား တစ်ယောက် အမှတ်တစ်မှတ်နှုန်းနဲ့) နေရာချလိုက်ရင် ခြားထားတဲ့ မျဉ်းရဲ့ တဖက်ခြမ်း (အောင်တာကို ကိုယ်စားပြုတဲ့ အရောင်ထဲမှာ) လိုအပ်တဲ့ အမှတ်အရေအတွက် ရှိနေအောင်လို့ မျဉ်းရဲ့ လျှောစောက် (a/b) နဲ့ ကိန်းသေ (k) ကို လိုအပ်သလို ပြောင်းလဲ နေရတာကြောင့် ဖြစ်ပါတယ်။

အဲဒီတော့ နှစ်အလိုက် ပြောင်းလဲနေတဲ့ အဲဒီ ဂုဏ်သတ္တိကို သေချာ လေ့လာနိုင်ဖို့ အချိန် အတိုင်းအတာကို တတိယ အတိုင်းအတာအဖြစ် စာရေးသူတို့ မှီချက်ထဲကို ထပ်ထည့်လိုက်ပါတယ်။ (ဆိုလိုတာက a/b နဲ့ k ဟာ အချိန်ပေါ်မူတည်ပြီး ပြောင်းလဲသွားတဲ့ မှီချက်တွေ ဖြစ်သွားပါတယ်။ နောက်တနည်းမြင်လို့ရတာကတော့ အတိုင်းအတာ နှစ်မျိုးပါ စာမေးပွဲ မှီချက်ဟာ အချိန်ကို ရွှေ့ပေးလိုက်ရင် သက်ဝင်လှုပ်ရှား - animate - ဖြစ်ပါတယ်။)

ဒီလို အချိန် အတိုင်းအတာ ထပ်ထည့်လိုက်တော့ စာမေးပွဲမှီချက်ဟာ အတိတ်က အချက်အလက်များနဲ့ အတော်အတန် ကိုက်ညီမှု ရှိသွားပါတယ်။ ဒါပေမဲ့လဲ အနည်းငယ်မျှသော မကိုက်ညီမှုတွေ ရှိမြဲပါပဲ။ တချို့သော နေရာချမှုတွေမှာ (ကျောင်းသားတစ်ယောက် အမှတ်တစ်မှတ်နှုန်း) အောင်တဲ့ အရောင်ထဲ ရှိနေပေမဲ့ ကျနေတာ (နည်းပါးတတ်ပါတယ်) ကျတဲ့ အရောင်ထဲရှိနေပေမဲ့ အောင်နေတာ (ဘာကြောင့်မှန်းမသိ၊ အရည်အချင်း မပြည့်မီပဲ အောင်အောင်နေတဲ့ ကျောင်းသားများ များပြားတတ်ပါတယ်) တွေကို တွေ့ရှိနေရပါတယ်။ ရလဒ်ကတော့ စာရေးသူတို့ရဲ့ အချိန်နှင့်အမျှ သက်ဝင်လှုပ်ရှားနေတဲ့ စာမေးပွဲမှီချက်ဟာ တချက်တချက်မှာ ကွေးကောက်သွားတာပဲ။ ဒီလို ကွေးကောက်သွားမှုတွေက ကြုံရာကျပန်း သဘာဝရှိလို့ ဘယ်လိုနည်းနဲ့မှ သင်္ချာပုံစံထုတ်လို့မရပါဘူး။ လျစ်လျူရှုလိုက်ရအောင်လဲ စာရင်းအင်းပညာရှုထောင့်က ကြည့်ရင် အကြိမ်အရေအတွက် များပြားလွန်းလှပါတယ်။

နောက်ဆုံးတွေ့ရှိချက်အနေနဲ့ အချိန်နဲ့အမျှ ပြောင်းလဲနေတဲ့ (တချက်တချက် ကွေးကောက်သွားတတ်တဲ့) မျဉ်းကွေးဟာ ကြိုတင် တွက်ဆရ ခက်ခဲ (မရဘူး မဟုတ်တောင် တွက်ချက်ရခက်ခဲသော သဘာဝရှိ) ပါတယ်။ အချိန်နှင့်လိုက်ပြီး ပြောင်းတဲ့နှုန်းကို သိရှိအောင်လို့ အချိန်နဲ့ differentiate လုပ်ပြန်တော့လဲ သုည သို့မဟုတ် ကိန်းသေ သို့မဟုတ် အဖြောင့်တိုင်း မှီချက် မရပဲ ရှုပ်ထွေးတဲ့ မှီချက်ကိုသာ ရရှိပါတယ်။

အဆုံးသတ်မှာတော့ မြန်မာ ကျောင်းသားများရဲ့ ထူးချွန်ထက်မြက်မှုကို အက္ခရာအဆင့်တွေကို ပြောင်းပေးတဲ့ မှီချက်ဟာ သင်္ချာနည်းနဲ့ လက်တွေ့ တွက်ချက်ဖို့ မဖြစ်နိုင်လောက်အောင် ရှုပ်ထွေးတဲ့အတွက် ပြောင်းပြန်မှီချက် (အက္ခရာအဆင့်တွေကနေ ထူးချွန်ထက်မြက်မှုကို ပြန်လည် တွက်ယူတဲ့ မှီချက်) ကို တွက်ထုတ်ဖို့ လက်ရှိ နည်းပညာ အဆင့်အတန်းနဲ့ တွက်ချက်ဖို့ မဖြစ်နိုင်သေးဘူးလို့ ကောက်ချက်ချရင်း ယခုစာတမ်းငယ်ကို နိဂုံးချုပ်အပ်ပါတယ်။

ကျေးဇူးတင်လွှာ။ ။ သရော်စာ စာတမ်းငယ် ဖြစ်မြောက်ရေးအတွက် အတွေးလမ်းစပေးခဲ့သော စင်ကာပူ အမျိုးသား တက္ကသိုလ်မှ ဒုတိယဌာနမှူး ဒေါက်တာ မိုဟန်း ကန်ကန်ဟယ်လီ၊ သင်္ချာနည်းစနစ်များ မှန်ကန်စနစ်ကျစေရန် Bayes' Classifier ကို ရှင်းပြပေးခဲ့သော စင်ကာပူ အမျိုးသား တက္ကသိုလ်မှ လက်ထောက် ပါမောက္ခ ဒေါက်တာ တဲရေ့စ် ဆင်းမ်၊ စာရေးသူအား သင်္ချာသင်ကြားပေးခဲ့သော စာရေးသူ၏ မိခင်၊ အမှတ် (၁) အခြေခံပညာ အထက်တန်းကျောင်း၊ ဒဂုံမြို့နယ်မှ အလယ်တန်းပြဆရာ ဦးလင်းနိုင်၊ အထက်တန်းပြဆရာမ (ဟောင်း) ဒေါ်ရင်ရင်မြင့်၊ ရန်ကုန် အရှေ့ပိုင်းတက္ကသိုလ်မှ ကထိက ဒေါက်တာ ဇော်ဝင်း၊ ရေကြောင်းပညာ တက္ကသိုလ်မှ ကထိက ဒေါက်တာ ရွှေကျော်၊ ရန်ကုန် ကွန်ပျူတာ တက္ကသိုလ်၊ သင်္ချာဌာနမှ ဒေါက်တာ မျိုးကေခိုင်နှင့် ဆရာ/မများကို အထူးကျေးဇူးတင်ရှိပါသည်။