Hula Girls

ရှေးအစဉ်အလာကို ဖက်တွယ်ထိန်းသိမ်းရင်း အငတ်ခံမလား၊ ခေတ်စနစ်နဲ့ လျော်ညီပေမဲ့ အစဉ်အလာကနေ ခွဲထွက်တဲ့ စီးပွားရေး၊ လူမှုရေး ပုံစံအသစ်ကို ခံယူကျင့်သုံးမလား။

ဒီမေးခွန်းရဲ့ အဖြေကို ဒါရိုက်တာ ဆန်အိလီက ၂၀၀၇ ခုနှစ်မှာ အကယ်ဒမီ ၅ ဆု ဆွတ်ခူးခဲ့တဲ့ Hula Girls ဇာတ်လမ်းနဲ့ ဖြေဆိုထားပါတယ်။

အင်္ဂလိပ်စာတန်းထိုး နမူနာ
၁၉၆၅ ခုနှစ်က ဖြစ်ပါတယ်။ ရှေးယခင်ကတည်းက ကျောက်မီးသွေးတွင်းတူးဖော်ခြင်းလုပ်ငန်းနဲ့ အသက်မွေးလာခဲ့တဲ့ မြို့ငယ်ကလေးဟာ ကျောက်မီးသွေးအစား ရေနံကို တိုးချဲ့အသုံးပြုလာလို့ စီးပွားရေး အခက်အခဲ ဖြစ်လာပါတော့တယ်။ အမြော်အမြင်ကြီးတဲ့ ကျောက်မီးသွေးကုမ္ပဏီဟာရာသီဥတုအေးလွန်းတဲ့ မြို့ကလေးကို ခရီးသွားမြို့အဖြစ် အသွင်ပြောင်းဖို့ ဟာဝိုင်ယီအက ကပြဖျော်ဖြေတဲ့ အပန်းဖြေရိပ်သာတစ်ခု ဆောက်ဖို့ ကြံစည်ကြပါတယ်။
ရှေးရိုးဆန်လွန်းတဲ့ မြို့ခံတွေ အပြင်းအထန် ကန့်ကွက်နေတဲ့ကြားက ကျောက်မီးသွေးတွင်း အာဏာပိုင်တွေဟာ မြို့ကလေးရဲ့ ရှေ့ရေးအတွက် (အလုပ်သမားတွေ ငတ်မသွားရေးအတွက်) အကသင်တန်းကို ဖြစ်မြောက်အောင်ကြိုးစားခဲ့ကြပါတယ်။ ကုမ္ပဏီရဲ့ စေတနာကို နားလည်သွားတဲ့ ကောင်မလေး တစ်စုကလဲ သူတို့မြို့သူမြို့သားတွေ စားဝတ်နေရေး ပြေလည်ဖို့အတွက် (ဂျပန်ယဉ်ကျေးမှုနဲ့ သိပ်မဆိုင်တဲ့၊ ဗိုက်လှုပ်ကရတဲ့) ဟာဝိုင်ယီအကကို အချိန်တိုအတွင်း ကပြတတ်အောင် မိဘဆွေမျိုး၊ မြို့ခံများနဲ့ အတိုက်အခံလုပ်ပြီး ကြိုးစားကြတာကို အားတက်ကြည်နူးဖွယ် ရိုက်ပြထားတာ ဖြစ်ပါတယ်။
ဒီဇာတ်ကားကို ကြည့်ပြီး ၀င်လာတဲ့ အတွေးကတော့ ...
ရှေးအစဉ်အလာ၊ ယဉ်ကျေးမှု၊ ဓလေ့ထုံးတမ်းတွေကို မိုက်မိုက်မဲမဲ ဖက်တွယ် ထိန်းသိမ်းရင်း အငတ်ခံ (အသေခံ) မလား၊ ခေတ်စနစ်နဲ့ လျော်ညီပေမဲ့ အစဉ်အလာကနေ ခွဲထွက်တဲ့ စီးပွားရေး၊ လူမှုရေး ပုံစံအသစ်ကို ခံယူကျင့်သုံးပြီး ရှင်သန်မလား။
ဆိုတာပါပဲ။
တခါတလေမှာ ကောင်းတာတွေချည်း ရယူဖို့ မဖြစ်တဲ့ အချိန်မှာ ရှင်သန်ဖို့က ပိုအရေးကြီးတယ်လို့ပဲ စာရေးသူ ခံယူမိပါရဲ့။
၁၀ မှတ်မှာ ၈.၅ မှတ်ပေးရမဲ့ ကားကောင်းလေးပါ။ ဖြစ်ရပ်မှန်ကို အခြေတည်ပြီး ရိုက်ကူးထားတာဖြစ်ပြီး အဲဒီ အာဇာနည် ကောင်မလေးတွေရဲ့ ကြိုးပမ်းမှုကြောင့် ကျောက်မီးသွေးတွင်း မြို့ငယ်ကလေးဟာ စီးပွားရေး အခြေပျက်မသွားပဲ နောက်ပိုင်းမှာ ဂျပန်ပြည်ရဲ့ အကျော်ကြားဆုံး အပန်းဖြေစခန်းမြို့ ဖြစ်လာခဲ့ပါတယ်။ အကောင်းဆုံး ရုပ်ရှင်ဆု၊ အကောင်းဆုံး ဒါရိုက်တာဆုအပါအ၀င် အကယ်ဒမီ ၅ ဆု ဆွတ်ခူးထားတဲ့ ဂျပန်ဇာတ်လမ်းကလေးကို ကြည့်ဖြစ်အောင် ကြည့်လိုက်ကြပါလို့ တိုက်တွန်းလိုက်ရပါတယ်။

လောကအလှ အွန်လိုင်း မဂ္ဂဇင်းပါ အင်တာဗျူးများအား ပုံနှိပ်ဖော်ပြခြင်းနှင့် စပ်လျဉ်း၍

မြန်မာနိုင်ငံတွင် စီးပွားဖြစ် ပုံနှိပ်ထုတ်ဝေလျှက်ရှိသော Personal Computer မဂ္ဂဇင်းသည် လောကအလှ အွန်လိုင်းမဂ္ဂဇင်းတွင် ဖော်ပြခဲ့ဖူးသော ဦးရဲမြတ်သူ၊ မှော်ဆရာ၊ သင်ကာနှင့် စာရေးသူ လောရှည်တို့နှင့် မြန်မာစာလုံးစနစ်များအကြောင်း ဆွေးနွေးခန်း (အင်တာဗျူး) များကို လောကအလှ မဂ္ဂဇင်းနှင့် သက်ဆိုင်ရာ ပညာရှင်များကို ခွင့်တောင်းခြင်းမရှိလဲ မရှိ၊ မည်သည့်နေရာမှ ရယူပါသည်ကို နည်းမှန်လမ်းမှန် ကိုးကားခြင်းလဲ မရှိပဲ (မေးခွန်းများကို ဖြုတ်ပြီး အဖြေများကို ၏၊ သည်မရွေး ကူးယူကာ) ပြန်လည်ဖော်ပြခဲ့သည်ဟု ကြားသိရပါသည်။ (ရည်ညွှန်း http://blog.mghla.com/2009/06/blog-post.html)

စာရေးသူအနေနှင့် အဆိုပါ အင်တာဗျူးကို ဖြေဆိုစဉ်က လောကအလှ အွန်လိုင်းမဂ္ဂဇင်းတွင် ဖော်ပြရန်နှင့် အခြားပုံနှိပ်နှင့် အီလက်ထရွန်နစ် မီဒီယာများတွင် ထပ်ဆင့် ဖော်ပြနိုင်ရန် ခွင့်ပြုပေးနိုင်သော အကန့်အသတ်ရှိ အခွင့်အရေးများ (limited rights) ကိုသာ လောကအလှအား ပေးအပ်ခဲ့ပါသည်။ တစိတ်တပိုင်းကိုသော်လည်းကောင်း၊ အားလုံးကိုသော်လည်းကောင်း ပုံနှိပ်ထုတ်ဝေခွင့်၊ အခကြေးငွေနှင့် ရောင်းချခွင့်၊ ပုံနှိပ်ခွင့်ကို ပေးနိုင်သောအခွင့် စသည်တို့ အပါအ၀င်- အဆိုပါ အင်တာဗျူးနှင့် ပတ်သက်သော အခြားအခွင့်အရေး (rights) အားလုံးကို စာရေးသူနှင့် အင်တာဗျူးမေးမြန်းသူ ပူးတွဲ ပိုင်ဆိုင်ကြောင်း ပဋိဥာဉ်ထားခဲ့ပါသည်။

သို့ဖြစ်၍ စာရေးသူနှင့် အင်တာဗျူး မေးမြန်းသူ ပူးတွဲပိုင်ဆိုင်သော စာသားနှင့် အကြံဥာဏ်များကို ကြိုတင် ခွင့်ပြုချက် လုံးဝ မရယူပဲ ပုံနှိပ်ဖော်ပြကာ အခကြေးငွေနှင့် ဖြန့်ဖြူးရောင်းချခြင်းတို့အတွက် Personal Computer မဂ္ဂဇင်းနှင့် အယ်ဒီတာအဖွဲ့ကို ပြင်းထန်စွာ ရှုံ့ချကြောင်းနှင့် အဆိုပါဖြစ်ရပ်အတွက် နစ်နာခဲ့ရသူ အားလုံး (စာရေးသူ၊ အင်တာဗျူး မေးမြန်းသူနှင့် စာဖတ်ပရိသတ်အပါအ၀င်) ကို ချွင်းချက်မရှိ ၀န်ချတောင်းပန်ရန် တောင်းဆိုကြောင်း ကြေငြာအပ်ပါသည်။

ရွှေရတနာ ... ညာတယ်။

အရင်တပါတ်က Peninsular Plaza ကိုရောက်ခဲ့စဉ်က Phone Card ၀ယ်ရန်ရှိသဖြင့် ရွှေရတနာ အမည်ရှိသော ဆိုင်သို့ ရောက်ခဲ့ပါသည်။ စာရေးသူ သုံးနေကျ အမျိုးအစားမှာ Sun Page တံဆိပ် ဖြစ်သဖြင့် ၄င်းကို မေးဝယ်ရာ ကောင်တာတွင်ထိုင်နေသော အသက် ၄၀ ကျော် ၅၀ ပတ်ဝန်းကျင် အဒေါ်ကြီးက မလာတော့ကြောင်း ဖြေပါသည်။ သို့ဖြစ်သဖြင့် အလားတူ Card ရှိသလားဟုမေးရာ Sea Lion ရှိကြောင်း ဖြေပါသည်။

ဒီနေရာတွင် စာရေးသူတို့ အဘယ်ကြောင့် Card တွေ ၀ယ်နေရကြောင်း စင်ကာပူရှိ Telephone Operator များအကြောင်း အနည်းငယ် ရှင်းပြလိုပါသည်။ စင်ကာပူတွင် SingTel၊ Star-Hub၊ M1 ဟူသော Phone Operator ကြီး ၃ ခုရှိပါသည်။ မြို့တွင်းခေါ်ဆိုခမှာ တမိနစ်ကို ၇ ဆင့်မှ ၂၀ ဆင့်ခန့်အတွင်း မိမိချုပ်ဆိုထားသော စာချုပ် (လစဉ်ကြေး) ပေါ်မူတည်ပြီး ကောက်ခံပါသည်။ စာချုပ်အများစုမှာ အ၀င်ခေါ်ဆိုမှုကို အသုံးပြုခ ကောက်ခံခြင်း မရှိပါ။

အင်တာနက်မှ ဖုန်းခေါ်ဆိုမှု (VOIP) နည်းပညာ ခေတ်စားလာသောအခါ ပုဂ္ဂလိက လုပ်ငန်းအချို့က အဆိုပါ Operator ကြီးများထံမှ ဖုန်းခေါ်ဆိုခွင့်ကို ဈေးသက်သက်သာသာနှင့် ၀ယ်ယူပြီး Call-back Card များဖြင့် ပြန်လည် ရောင်းချတတ်ပါသည်။ အဆိုပါ Card များအလုပ်လုပ်ပုံမှာ ပထမ မိမိ ဖုန်းမှနေ၍ ၄င်းလုပ်ငန်းတို့၏ ဖုန်းကို ပထမ ခေါ်ရပါသည်။ ၄င်းတို့က မကိုင်ပဲ လိုင်းဖြတ်ချလိုက်ပါမည်။ (ထိုအခါ အထွက်ခေါ်ဆိုမှု အတွက် ပိုက်ဆံ ပေးရန်မလိုတော့ပါ။) ၄င်းတို့က ပြန်ဆက်လာသောအခါ မိမိ ခေါ်ဆိုလိုသော တယ်လီဖုန်း အမှတ်ကို တတီတီမြည်အောင် ဖုန်းခလုတ်များတွင် ရိုက်ထည့်ခြင်းဖြင့် ဆက်သွယ်ပေးပါသည်။ တမိနစ်ကို ၂ ဆင့်မှ ၅ ဆင့်အတွင်းသာ ကျသင့်သဖြင့် အလွန် သက်သာသော နှုန်းထားဖြစ်ပါသည်။

စာရေးသူ အသုံးပြုနေကျ Sun-Page Card အလုပ်လုပ်ပုံမှာ ပိုမို ကောင်းမွန်ပါသည်။ VOIP လုပ်ငန်းများမှ ဖုန်းပြန်ဆက်လာသောအခါ မိမိခေါ်လိုသော တယ်လီဖုန်း အမှတ်ကို ရိုက်သွင်းစရာမလိုအောင် ပြုလုပ်ထားပါသည်။ ဥပမာအားဖြင့် စာရေးသူခေါ်ဆိုလေ့ရှိသော သူငယ်ချင်း ၃ ယောက်အတွက် သီးသန့် ဖုန်းအမှတ် ၃ ခု စာရေးသူကို ပေးထားပါသည်။ အဆိုပါ ဖုန်းအမှတ်များကို ခေါ်လျှင် လိုင်းဖြတ်ချပြီး စာရေးသူ၏ သူငယ်ချင်းနှင့် ဆက်သွယ်ပေးရန် ဖုန်းပြန်ခေါ်လာပါသည်။ တမိနစ်ကို ၃ ဆင့်လျော့လျော့ခန့်ကျသော်လည်း (၂ ဆင့်ထက် ပိုများတာပေါ့နော်) သုံးစွဲရသည်မှာ Style ပိုကျပါသည်။ သို့ဖြစ်၍ ၄င်းကဒ်နှင့် အလားတူကို မေးဝယ်ခြင်း ဖြစ်သည်။

အဆိုပါ အဒေါ်ကြီးမှ စာရေးသူအား (တမိနစ်လျှင် ၃ ဆင့်အတိအကျ ကျသင့်သော) Sea Lion သုံးရန် အကြံပေးပါသည်။ စာရေးသူက ဖုန်းနံပါတ် မှတ်ထားပေးသလားဟု မေးရာ မှတ်ထားပေးသည်ဟု ဖြေပါသည်။ ၄င်းနားမလည်မည်စိုးသဖြင့် ခေါ်နေကျ နံပါတ်တွေကို မှတ်ထားပေးပြီး ခေါ်လိုက်တာနှင့် ပြန်ဆက်ပေးတာလားဟု ထပ်မေးပါသည်။ မှတ်ထားပေးသည်ဟု ဖြေပြန်ပါသည်။ ပိုသေချာစေချင်သဖြင့် သူပြန်ဆက်လာရင် ကျွန်တော် ဖုန်းနံပါတ်နှိပ်ရသလားဟု ထပ်မေးရာ စိတ်မရှည်ဟန်နှင့် မနှိပ်ရဟု ဖြေသည်။ စာရေးသူ ၀ယ်လိုက်ပါသည်။

အမှန်မှာ အဆိုပါ Sea Lion Card သည် စာရေးသူ အသုံးပြုနေကျ Sun Page ထက် ဈေးပိုကြီးရုံမျှမက ဖုန်းနံပါတ်ကို မှတ်ထားပေးခြင်းလဲ မရှိပါ။ အဆိုပါ Card တခုရောင်းလျှင် ဆိုင်မှရသောအမြတ်မှာ စင်ကာပူ ဒေါ်လာ ၁ ဒေါ်လာထက် မပိုပါ။ (အများအားဖြင့် ပြားစွန်းသာ စားရပါသည်။) ဘာမဟုတ်သော အမြတ်အတွက် စာရေးသူကို လိမ်ညာသည်ကို ဒေါသလဲ ထွက်၊ ရှက်လဲ ရှက်မိပါသည်။

တနပ်စား အကြံဖြင့် လိမ်ညာခြင်းသည် ရေရှည်တွင် အကျိုးအမြတ် မရှိရုံမျှမက ဖောက်သည်လဲ ဆုံးရှုံးသဖြင့် လုပ်ငန်းအတွက် အဆိပ်အတောက်ပင် ဖြစ်နိုင်ပါသည်။ နိုင်ငံရပ်ခြားတွင် မြန်မာတွေ စုတဲ့နေရာဟု ပြောစမှတ်ဖြစ်နေသော ကုန်တိုက်ကြီးအတွင်းရှိ မြန်မာဆိုင်က တနပ်စား လိမ်နေ၊ ညာနေသည်ကို နိုင်ငံခြားသားများ သိရှိသွားပါက မြန်မာတွေဟာ ဒီလိုပဲ တနပ်စား လုပ်တတ်တယ်ဟု ထင်မှတ်သွားနိုင်ပါသည်။ မြန်မာတမျိုးသားလုံး၏ ဂုဏ်သိက္ခာကို ကျဆင်းစေနိုင်သည့်အပြင် အချီကြီး အလိမ်ခံရမည်ကို ကြောက်သဖြင့် မြန်မာတွေနှင့် စီးပွားရေးလုပ်ငန်းများ မလုပ်ရဲတော့ပါက အားလုံးနစ်နာပါမည်။

သို့ဖြစ်သဖြင့် အဆိုပါဆိုင် (ရွှေရတနာ) နှင့် ဆက်သွယ်ခြင်း၊ ၄င်းတို့ဆိုင်မှ ပစ္စည်းဝယ်ယူခြင်း၊ ငွေလွှဲခြင်းတို့ လုံးဝမလုပ်ပဲ သပိတ်မှောက်နှင့် သပိတ်မှောက်ရန် စည်းရုံးရန် စာရေးသူ ဆုံးဖြတ်ထားပါသည်။ (စာရှုသူတို့လဲ စာရေးသူနှင့် ရင်ခုန်သံခြင်း တူညီပါက မြန်မာတို့၏ ဂုဏ်သရေကို ကျဆင်းစေနိုင်သော ရွှေရတနာဆိုင်ကို အတူ သပိတ်မှောက်နိုင်ပါသည်။)

မေ့လျော့ခံထားရသော Hip-Hop ပညာရှင်များ (၂): BTNH

Bone Thugs-N-Harmony (BTNH) ဟာ ၁၉၉၀ ပြည့်နှစ်လွန်များက ကလိဖ်လန် (Cleveland) မြို့မှာ ပေါ်ထွန်းခဲ့တဲ့ Hip-Hop ဂီတအဖွဲ့ပါ။ သူတို့မှာ အဖွဲ့သား ၅ ယောက်ပါဝင်ပြီး Bizzy Bone, Krayzie Bone, Layzie, Wish Bone နဲ့ Flesh-N-Bone တို့ဖြစ်ပါတယ်။ လျင်မြန်ပြီး သံစဉ်ချိုချိုလေးလို ဖြစ်နေတဲ့ rap တွေကို သီဆိုလေ့ရှိတဲ့ သူတို့အဖွဲ့ဟာ ကြမ်းတမ်းတဲ့ Hip-Hop အဆိုရှင်များကြားမှာ တမူထူးခြားလို့နေပါတယ်။ ၁၉၉၇ ခုနှစ်မှာ Crossroad သီချင်းနဲ့ ဂရမ်မီဆု (Grammy) ကို ဆွတ်ခူးခဲ့တဲ့ သူတို့အဖွဲ့ဟာ သေဆုံးသွားကြပြီဖြစ်တဲ့ Eazy-E, Notorious B.I.G (Christopher Wallace) နဲ့ 2Pac တို့အားလုံးနဲ့ တွဲဖက်သီဆိုဖူးတဲ့ တစ်ခုတည်းသော ဂီတအဖွဲ့လဲ ဖြစ်ပါတယ်။ (ACID ရဲ့ စတင်ခြင်း ထဲက ဘ၀သီချင်းမှာ စိုင်းစိုင်းဆိုသွားတဲ့ "ငါဒီမှာ အလင်းတွေ သီချင်းတွေ မေ့ခဲ့ပြီးလို့ … အရပ်ပျက်တဲ့ ဘ၀ရဲ့ မှတ်တမ်း" ဆိုတဲ့ အပိုဒ်ဟာ သူတို့နဲ့ Notorious B.I.G တွဲဆိုထားတဲ့ Notorious Thugs သီချင်းမှာ Bizzy Bone ဆိုသွားတဲ့ အပိုဒ်ပေါ့။)

ဂရမ်မီဆု ဆွတ်ခူးခဲ့တဲ့ Crossroad သီချင်း

၁၉၉၀ မှာ အဖွဲ့ဝင် ၄ ဦးနဲ့ စတင်တည်ထောင်ပြီး ၁၉၉၁ မှာ နောက်ဆုံးအဖွဲ့သားဖြစ်တဲ့ Flesh-N-Bone ၀င်ရောက်လာအပြီးမှာ သူတို့ရဲ့ ပထမဆုံး ဓာတ်ပြား Faces of Death ကို အသံသွင်းပါတယ်။ ကလိဖ်လန်ကနေ လော့စ်အိန်ဂျလိစ် (Los Angeles) မြို့အထိ ချီတက်သွားပြီး အဲဒီအချိန်က နာမည်ကြီး Rapper/Producer တစ်ယောက်ဖြစ်တဲ့ Eazy-E ကို တွေ့ဖို့ ကြိုးစားကြပါတယ်။ Eazy-E ကို တယ်လီဖုန်းထဲကနေ သီချင်းဆိုပြကြအပြီးမှာ ဖုန်းပြန်ဆက်ပါ့မယ်ဆိုပြီး Eazy-E ပေါ်မလာဇာတ်ခင်းသွားပါတယ်။ ဒါပေမဲ့လဲ ဇွဲကောင်းလွန်းလှတဲ့ BTNH ဟာ Eazy-E ကလိဖ်လန်ကို သီချင်းလာဆိုတုန်း ဇာတ်စင်နောက် အ၀တ်လဲခန်းမှာ အမိဖမ်းပြီး နောက်တခါ သီချင်း ထပ်ဆိုပြအပြီးမှာတော့ Eazy-E နဲ့ သူတို့နဲ့ Ok သွားပါတယ်။

Eazy-E နဲ့ ဆိုခဲ့တဲ့ For Tha Love of $ သီချင်း

Eazy-E ထုတ်ပေးတဲ့ Creepin on ah Come Up ဓာတ်ပြားဟာ Gangster သီချင်းတွေ များနေလို့ ချက်ချင်းမပေါက်နိုင်ပေမဲ့ Thuggish Ruggish Bone နဲ့ For Tha Love of $ ၂ ပုဒ်ကို ရေဒီယိုက လွှင့်လိုက်တဲ့အချိန်မှာတော့ BTNH က ကောင်လေးတွေ ချက်ချင်း စူပါစတား ဖြစ်သွားပါတယ်။ နောက် ဓာတ်ပြား E 1999 Eternal မှာတော့ Gangster သီချင်းနဲ့ ဆေးခြောက်ရှူတာတွေအပြင် Crossroad လိုမျိုး ဘာသာရေးဆန်ဆန် သီချင်းတွေ စပြီး ပါလာပါပြီ။ BTNHResurrection မထုတ်မီမှာပဲ Flesh-N-Bone တယောက် AK-47 နဲ့ အိမ်နီးချင်းကို ရမ်းကားလို့ဆိုပြီး ထောင်ချခံရပါတော့တယ်။ ဒါနဲ့ ကျန်တဲ့ ၄ ယောက်နဲ့ပဲ Thugs World Order ကို သွင်းပါတယ်။ Phil Collins ပါဝင်သီဆိုထားတဲ့ Home သီချင်းဟာ ဒီအဖွဲ့ကို စာရေးသူရဲ့ အသည်းစွဲ ဖြစ်သွားစေတဲ့ သီချင်းပါပဲ။ အဲဒီအခွေရဲ့ နောက်မှာတော့ Bizzy Bone ဟာ အဖွဲ့ကို စွန့်ခွာသွားပါတော့တယ်။

Phil Collins နဲ့ဆိုခဲ့တဲ့ Home သီချင်း

BTNH ဟာ တဦးချင်းစီလဲ အောင်မြင်တဲ့ Rapper တွေကို မွေးထုတ်ပေးနိုင်ခဲ့ပါတယ်။ Bizzy Bone နဲ့ Layzie Bone တို့ဟာ တဦးချင်းခွဲထွက်ပြီးတော့ ဓာတ်ပြားတွေ ထုတ်ရာမှာ အထိုက်အလျောက် အောင်မြင်မှုတွေ ရခဲ့ပါတယ်။ သူတို့ ၂ ယောက်တွဲပြီးတော့ Bone Brothers ဆိုတဲ့ အမည်နဲ့လဲ သီချင်းတွေ ဆိုပါသေးတယ်။ ရန်ဖြစ်လိုက်၊ ပြန်ချစ်လိုက် ဖြစ်အပြီးမှာ Bizzy Bone ဟာ အဖွဲ့ကို ပြန်လာပါပြီ။ ထောင်ထဲရောက်နေတဲ့ Flesh-N-Bone ကလဲ လျှော့ရက်တွေနဲ့ ပြန်လွတ်လာပြီမို့လို့ အခုလက်ရှိအချိန်မှာ သူတို့ ၅ ယောက်လုံး ဓာတ်ပြားအသစ်ကို အသံသွင်းလျှက် ရှိပါကြောင်း ရေးသား မှတ်တမ်းတင်လိုက်ပါတယ်။

ငါတို့ပြန်တည့်သွားပြီဆိုတဲ့ Resurrection(Paper, Paper) သီချင်း

The Blue Brothers

 

ရှီကာဂိုကို ၁၀၆ မိုင်၊ ဆီကအပြည့်၊ စီးကရက် ဘူးကတ၀က်၊ မှောင်လဲမှောင်နေပြီမို့လို့ ငါတို့ နေကာမျက်မှန်တွေ တပ်ထားကြတယ်။ Elwood, The Blue Brothers, 1980.

မိုင် ၁၀၀ ကျော်ဝေးတဲ့ ရှီကာဂိုမြို့က အမြတ်ခွန်ဌာနကို အခြေပစ္စည်း ပိုင်ဆိုင်မှု အခွန်အဖြစ် ဒေါ်လာ ၅၀၀၀ ကို နောက်တနေ့နံနက်အမီ သူတို့ညီအစ်ကို နှစ်ယောက် သွားမပေးနိုင်ရင် သူတို့ ကြီးပြင်းခဲ့တဲ့ မိဘမဲ့ ဂေဟာကို အစိုးရက သိမ်းယူတော့မှာ ဖြစ်ပါတယ်။ သူတို့ဟာ ရှီကာဂိုကို အေးအေးဆေးဆေး လေညှင်းခံရင်း ကားမောင်းသွားကြရမှာတော့ မဟုတ်ပါဘူး။ သူတို့ ၂ ယောက်ကို ဘာကြောင့်မှန်းမသိ မကျေနပ်နေတဲ့ လက်နက်ကိုင် အမျိုးသမီးတစ်ယောက်၊ ပြည်နယ် ရဲတပ်ဖွဲ့၊ တက္ကဆက်ပြည်နယ်က ကျေးလက် တေးဂီတ ၀ိုင်းတော်သား လူမိုက်တစ်စုနဲ့ နာဇီလက်သစ်တစ်အုပ်တို့လက်က လွတ်အောင်လဲ ပြေးရဦးမှာ ဖြစ်ပါတယ်။ ဒါဟာ စတီဗင်စပီးလ်ဘတ်ရဲ့ ရိုက်လက်စဇာတ်ကား မဟုတ်ပါဘူး။ ဒါဟာ The Blue Brothers ဖြစ်ပါတယ်။ (ဒါပေမဲ့ အခွန်ဌာနက စာရေးနေရာမှာ ဧည့်သည်သရုပ်ဆောင်အဖြစ် စပီးလ်ဘတ်ကို တွေ့ရမှာ ဖြစ်ပါတယ်။)
ဇာတ်လမ်းက တေးသံစုံ ဇာတ်မြူးပါ။ နာမည်နဲ့လိုက်အောင် Blues, R&B နဲ့ Soul တွေ ဖောချင်းသောချင်းပဲပေါ့။ အဲဒီခေတ်၊ အဲဒီအခါက ကျော်ကြားလှတဲ့ James Brown, Cab Calloway, Aretha Franklin, Ray Charles နဲ့ John Lee Hooker တို့ကလဲ သီချင်းတွေ ကိုယ်တိုင်ပါဝင် သီဆိုကြသေးတယ်။ ကုလားကားရှုံးလောက်အောင် တေးဂီတတွေ ပြည့်လျှမ်းနေတဲ့ ဒီဇာတ်ကားဟာ ကုလားကားအတိုင်း ပေရှည်လှပါတယ် (၁၃၃ မိနစ် + DVD version မှာ ထပ်ဖြည့်ထားတဲ့ အခန်းတွေ)။ ဒါပေမဲ့ အလွန်တရာမှ ကြည့်ပျော်ရှုပျော်ရှိလှတဲ့ ဇာတ်ကားတစ်ကားပါ။
စာရေးသူ မှတ်မှတ်ရရ အဖြစ်ဆုံးအခန်းကတော့ သူတို့ရဲ့ တေးဂီတ ၀ိုင်းတော်သားတစ်ယောက်ကို သွားခေါ်တဲ့အခန်းပါပဲ။ ပြင်သစ် အထက်တန်း စားသောက်ဆိုင်တစ်ခုမှာ ဧည့်ကြို (Maitre d) လုပ်နေတဲ့ Mr. Fabulous ကို တေးဂီတ၀ိုင်း ပြန်လည်ထူထောင်ဖို့ သွားပင့်တာ ဖြစ်ပါတယ်။ စားပွဲ ကြိုတင်မှာကြားရတဲ့ စားသောက်ဆိုင်ထဲ အတင်းဝင်ထိုင်၊ အသံမြည်အောင် စားသောက်၊ စားစရာတွေနဲ့ ဆော့ကစား၊ ခွက်အမှားတွေနဲ့ ၀ိုင်ကိုသောက်တဲ့အပြင် တခြားစားနေတဲ့လူကိုလဲ မင်းမိန်းမနဲ့ သမီးကလေးကို ဘယ်လောက်နဲ့ ရောင်းမလဲလို့ မေးလိုက်ပါသေးတယ်။ နောက်ဆုံးကျတော့ မင်းပြန်မလိုက်ရင် ငါတို့ ၂ ယောက် မနက်စာ၊ နေ့လည်စာ၊ ညစာ အနပ်တိုင်းကို ဒီမှာ နေ့တိုင်းလာစားမယ်လို့ ပြောလိုက်တဲ့အခါမှာတော့ ဧည့်ကြိုကြီးခမျာမှာ သူ့အလုပ်ကို စွန့်ပြီး ပြန်လိုက်လာရပါတော့တယ်။
သူတို့ပြောခဲ့တဲ့ "ငါတို့က ဂီတသမားသက်သက်တွေပါ" ဆိုတာကို စတီဖင်ချောင်ရဲ့ နာမည်ကျော် Kung Fu Hustle မှာ အမှတ်တရ ထည့်သွင်းပေးထားတာကို တွေ့နိုင်ပါတယ်။ ၁၉၈၀ ဇွန်လ ၂၀ ရက်နေ့မှာ ရုံတင်တော့ ဂျော့ခ်ျလူးကတ်စ်ရဲ့ ကြယ်တာရာစစ်ပွဲများ ဒုတိယကား (ဇာတ်လမ်းအရ ပဌ္စမကား) အင်ပါယာက ပြန်တိုက်ပြီရဲ့ နောက်ကကပ်လျက် (ဒုတိယမြောက်) ၀င်ငွေ အကောင်းဆုံး ဖြစ်ခဲ့ပါတယ်။ ရုပ်ရှင်ကားတစ်ကားအတွင်း မော်တော်ယာဉ်ပျက်စီးမှု (ယာဉ်တိုက်မှုစသည်) ဒုတိယအများဆုံး ဇာတ်ကားလဲ ဖြစ်ပါတယ်။ (နံပါတ် ၁ ကတော့ သူ့ရဲ့အဆက် Blue Brothers 2000 ဖြစ်ပါတယ်။)
၁၉၈၀ ပုံစံ အထနှေး၊ နောက်ခံတီးလုံးနည်း၊ သရုပ်ဆောင်တာအေးတာကို သည်းခံနိုင်မယ်ဆိုရင် သင့်ရဲ့ တနင်္ဂနွေနေ့ခင်းချိန်တွေကို သင်သတိမထားမိခင်မှာ ယူဆောင်သွားပေးမဲ့ ဇာတ်ကားတစ်ကား ဖြစ်ပါတယ်။ ဒိတ်ဒိတ်ကြဲ ဂီတပညာရှင်တွေနဲ့ ထိပ်တန်း ဒါရိုက်တာကြီးကို ရုပ်ရှင် သရုပ်ဆောင်အဖြစ် တွေ့မြင်ရမဲ့ ဇာတ်ကားလဲ ဖြစ်ပါတယ်။ ၁၀ မှတ်မှာ ၈.၅ ပေးလိုက်ပါတယ်။ (အထသာ မနှေးရင် ၁၀ မှတ်အပြည့်ပေးမှာဗျို့)။ ကြည့်ဖြစ်အောင် ကြည့်ဖို့လဲ တိုက်တွန်းပါရဲ့။

မေ့လျော့ခံထားရသော Hip-Hop ပညာရှင်များ (၁): Run-D.M.C

ဒီဘက်ခေတ်မှာ Hip-Hop လို့ဆိုရင် Eminem, 2Pac, 50 Cent နဲ့ Nelly တို့လောက်ကိုပဲ ပြေးပြေး မြင်တတ်ကြပါတယ်။ Hip-Hop ကို ခေတ်ရေစီးကြောင်းထဲက ဂီတတစ်ခုဖြစ်အောင် တွန်းပို့ပေးခဲ့တဲ့ အဖွဲ့ဖြစ်တဲ့ Run-D.M.C ကို သိတဲ့လူ နည်းကြပါတယ်။ (စိုင်းစိုင်းရဲ့ "မိန်းမ မိန်းမ" သီချင်းထဲမှာ " … Run DMC, Jam Master Jay, xxx ဒီမှာ နားထောင်ရင်း အိပ်ခန်းထဲမှာ စိတ်ကျဉ်းကျပ် … " ဆိုတာ သူတို့ပေါ့။) သူတို့ရဲ့ အနုပညာစွမ်းကြောင့် ကမ္ဘာကျော် Rolling Stone မဂ္ဂဇင်းက အကြီးကျယ်ဆုံး ဂီတ အနုပညာရှင် စာရင်းမှာ အမှတ် ၄၈ အဖြစ် ၂၀၀၄ မှာ စာရင်းသွင်းခံရပါတယ်။ အမေရိကန် တေးသံသွင်း လုပ်ငန်းရှင်များ အဖွဲ့ရဲ့ ရွှေနဲ့ ပလက်တီနမ် ဓာတ်ပြားဆုများ ချီးမြှင့်ခံရတဲ့ ပထမဆုံး Rap အဖွဲ့လဲ ဖြစ်ပါတယ်။

Run-D.M.C (Rev Run, Jam Master Jay and D.M.C)

နယူးယောက်ခ်မြို့ ကွင်းစ်မြို့နယ် ဟိုးလီစ် ရပ်ကွက်မှာ ကြီးပြင်းခဲ့တဲ့ သူတို့ ၃ ယောက်ဟာ Sucker MCs ဆိုတဲ့ သီချင်းနဲ့ R&B Charts မှာ နံပါတ် ၁၅ ချိတ်ခဲ့ပြီးနောက် ၁၉၈၆ ခုနှစ်မှာတော့ Raising Hell album ကို ဖြန့်ချိခဲ့ပါတယ်။ အဲဒီ album မှာပါတဲ့ Walk This Way သီချင်းဟာ MTV မှာ ပထမဆုံး ထုတ်လွှင့်ခံရတဲ့ Rap သီချင်းဖြစ်ပေမဲ့ လူကြိုက်များတာကြောင့် မကြာခဏ ထုတ်လွှင့်ခံခဲ့ရပြီး အဲဒီအချိန်က နံမည်ကျဆင်းနေတဲ့ Rock ဂီတသမား Aerosmith ကို အောင်မြင်မှု လမ်းကြောင်းပေါ် ပြန်လည် တွန်းတင်ပေးခဲ့ပါတယ်။

Run-D.M.C ရဲ့ ကျော်ကြားမှုကြောင့် Addidas က သူတို့ကို ဖိနပ်နဲ့ အခြား အသုံးအဆောင်တွေ ထောက်ပံ့ပေးပြီး ကြော်ငြာခိုင်းခဲ့တယ်။

၁၉၈၀ ပြည့်နှစ်လွန်များက Rap အဖွဲ့တွေရဲ့ ထုံးစံ စကားပြောဟန် ဖြစ်နေပေမဲ့ အားပါတဲ့ Rapping တွေ၊ Jam Master Jay ရဲ့ ခပ်ကြမ်းကြမ်း Scratch သံ၊ မခမ်းနားပဲ ရိုးရှင်းတဲ့ Beat တွေနဲ့အတူ တွေ့ရခဲတဲ့ တယောက် တလှည့်စီ ပြောင်းပြောင်းဆိုတဲ့ ပုံစံကို သူတို့သီချင်းတွေမှာ တွေ့ရပါတယ်။ (တယောက်တည်းပဲ ဆိုလေ့ရှိတဲ့ Rapper တွေနဲ့ ကွာတာက Run နဲ့ D.M.C ရဲ့တယောက်ကို တယောက် အပြန်အလှန် ပံ့ပိုးပေး၊ ထောက်ပေး၊ ကူအော်ပေးကြတဲ့ သီဆိုဟန်ပါပဲ။) သူတို့ရဲ့ ကာရန်ယူပုံတွေဟာ အနီးစပ်ဆုံးပြောရရင် စိုင်းစိုင်း (မိန်းမ၊ မိန်းမ၊ မချစ်သီချင်း) နဲ့ နည်းနည်း တူပါတယ်။ ကာရန်ကို ဘားတစ်ဘားရဲ့ နောက်ဆုံးနားမှာ (နဲ့ အလယ်မှာ) ဆောင့်ဆောင့်ချလေ့ရှိတဲ့ သူတို့သီချင်းတွေဟာ နားမယဉ်ခင်မှာတော့ နားထောင်ရတာ ပျင်းစရာကြီးပါပဲ။ ဒါပေမဲ့ နားထောင်ကျင့် ရသွားတဲ့အခါမှာတော့ အင်မတန်မှ မြူးကြွပြီး ကလို့ခုန်လို့ကောင်းပါတယ်။

Run D.M.C (D.M.C, Jam Master Jay, Rev Run)

သူတို့အဖွဲ့ရဲ့နောက်ဆုံး album (ယခုရေးသားချိန်အထိ နောက်ဆုံး) Crown Royal ကို ၂၀၀၁ ခုနှစ်မှာ အနုပညာရှင်အများအပြားနဲ့ တွဲဖက် သီဆိုပြီး ဖြန့်ချိခဲ့ပါတယ်။ ၂၀၀၂ ခုနှစ် အောက်တိုဘာလ ၃၀ ရက်မှာ ပင်တိုင် DJ Jam Master Jay လုပ်ကြံခံရပြီး နောက် album အသစ် ထွက်ရှိလာခြင်းမရှိတော့ပါဘူး။ Rap ဂီတလောကအတွက် ကြီးမားတဲ့ ဆုံးရှုံးမှုတစ်ခုပါပဲ။
သူတို့သီချင်းတွေကို မြည်းစမ်းချင်ရင်တော့ ...

• Walk This Way
• It's Tricky
• King of Rock

Jam Master Jay သေဆုံးခြင်း ၆ နှစ်ပြည့် အထိမ်းအမှတ်အဖြစ် ရေးသား ဂုဏ်ပြုပါသည်။

မိတ္တဗလ ဋီကာ

၂၀၀၄ ခုနှစ် နှစ်လယ်လောက်မှာ စာရေးသူ စာအုပ်တစ်အုပ် ဖတ်ရပါတယ်။ လူသန်းပေါင်းများစွာရဲ့ ဘ၀ကို ပြောင်းလဲစေသူ စာရေးဆရာ/ဘ၀နေနည်း သင်ကြားသူ ဒေးလ်ကာနက်ဂျီရဲ့ How to Win Friends and Influence People ဆိုတဲ့ စာအုပ်ပါ။ ၁၉၃၆ ခုနှစ်မှာ ပထမဆုံး ပုံနှိပ်ထုတ်ဝေခဲ့ပြီး တကမ္ဘာလုံးမှာ အုပ်ရေ ၁၅ သန်းကျော် ရောင်းချပြီးတဲ့ စာအုပ်ဖြစ်ပါတယ်။

ဒီစာအုပ်ဟာ ထင်တာတွေ လျှောက်ရေးထားတာ မဟုတ်ပဲ တကယ့်လက်တွေ့မှာ အသုံးတည့်ကြောင်းကို စာရေးဆရာ (ဒေးလ်ကာနက်ဂျီ) က ဥပမာတွေ အများအပြားပေးလို့ ရေးသားထားပါတယ်။ စာရေးသူ (လောရှည်) ကိုယ်တိုင် စမ်းသပ်ကြည့်ရာမှာလဲ ဒီစာအုပ်ပါ နည်းလမ်းများဟာ ထိရောက်တယ်လို့ တွေ့ရှိရပါတယ်။ စာအုပ်ပါနည်းလမ်းများရဲ့ အသုံးဝင် ထိရောက်နိုင်စွမ်းကို တိုင်းတာဖို့ နောက်ထပ် စမ်းသပ်မှု တချို့လုပ်ဖို့ ဆက်လက် စဉ်းစားနေပါတယ်။

ဒီစာအုပ်မှာ အပိုင်း ၄ ပိုင်းပါပြီး တပိုင်းစီရဲ့ အနှစ်ချုပ်ကတော့ အောက်ပါအတိုင်းဖြစ်ပါတယ်။

အပိုင်း (၁) လူသားများကို ကိုင်တွယ်ခြင်း

၁။ ဝေဖန်၊ အပြစ်တင်၊ အပြစ်ဆို၊ စောဒကတက်ခြင်းကို ရှောင်ကြဉ်ပါ။
၂။ ရိုးရိုးသားသား အမှန်အတိုင်း (ဖားတာ၊ မျက်နှာလုပ်တာ မပါပဲ) ချီးကျူးပါ။
၃။ တခြားသူ၏ ဆန္ဒကို သိမြင်ပါ။

အပိုင်း (၂) လူတွေ သင့်ကို နှစ်သက်စေရန် လုပ်နည်း ၆ မျိုး

၁။ သင့်မိတ်ဆွေများ၏ ပြဿနာနှင့် လိုအင်တို့ကို သိပါ၊ စိတ်ဝင်တစား ဂရုတစိုက်ရှိပါ။ သင့်စေတနာကို ပြသပါ။ (အပိုင်း ၁၊ အခန်း ၃ နှင့် ခပ်ဆင်ဆင်တူသည်။)
၂။ ပြုံးပါ။
၃။ သင့်မိတ်ဆွေများ၏ အမည်ကို မမေ့ပါစေနဲ့။
၎။ များများ (ဂရုတစိုက်) နားထောင်ပါ။ တဘက်သားကိုလဲ ပေးပြောပါ။ နည်းနည်းပဲ ပြောပါ။ (ကိုယ်ကချည်း မပြောပါနဲ့)
၅။ သင့်မိတ်ဆွေ၏ အလိုဆန္ဒများကို ရှေ့တန်းတင် ပြောဆိုပါ။ (အပိုင်း ၁၊ အခန်း ၃ နှင့် ခပ်ဆင်ဆင်တူသည်။)
၆။ သင့်မိတ်ဆွေကို အရေးပေးပါ။ သူသည် သင့်အတွက် အရေးပါသည်ဟု ခံစားရပါစေ။ (နှစ်နှစ်ကာကာ စေတနာပါပါလုပ်ပါ)

အပိုင်း (၃) သင်ပြောတာ (တွေးတာ) ကို လက်ခံစေခြင်း

၁။ အငြင်းပွားမှုကို ရှောင်ကြဉ်ပါ။ (ထိပ်တိုက် ရင်ဆိုင်ခြင်း မပြုပါနှင့်)
၂။ မင်း မှားနေတယ် လို့ ဘယ်တော့မှ မပြောပါနှင့်။ (အပိုင်း ၁၊ အခန်း ၁ နှင့် ဆင်ဆင်တူသည်။)
၃။ သင်မှားနေလျှင် ချက်ချင်း ၀န်ခံ တောင်းပန်ပါ။
၎။ ရင်းရင်းနှီးနှီး (အပြုသဘောဆန်ဆန်) စပြောပါ။ (တွေ့တာနဲ့ စစ်ကြေညာခြင်း မလုပ်ပါနှင့်။ အပိုင်း ၃၊ အခန်း ၁ နှင့် ဆင်ဆင်တူသည်။)
၅။ သင်ပြောတာကို တဘက်သားက အရင် ထောက်ခံ (လက်ခံ) စေပါ။ (၂ ဘက်လုံး လက်ခံမဲ့ စကားကနေ စပြောပါ)
၆။ တဘက်သားကို အများကြီး ပေးပြောပါ။ (အပိုင်း ၂၊ အခန်း ၄ နှင့် ခပ်ဆင်ဆင်ဖြစ်သည်။)
၇။ တဘက်သားအနေနှင့် သင်ပြောတာ (တွေးတာ) သည် အမှန်အားဖြင့် ၄င်း၏ အပြော (အတွေး) ဖြစ်သည်ဟု ထင်ပါစေ။ (ဒါဆို မငြင်းတော့ဘူး)
၈။ တဘက်သား၏ ရှုထောင့်မှ ရိုးရိုးသားသား တွေးမြင်နိုင်အောင် ကြိုးစားပါ။ (အပိုင်း ၁၊ အခန်း ၃ နှင့် ခပ်ဆင်ဆင်ဖြစ်သည်။)
၉။ တဘက်သား၏ အတွေးအမြင်တို့ကို ကိုယ်ချင်းစာပါ။
၁၀။ မင်းက ဒီလို ယုတ်ညံ့တာမျိုး မလုပ်ဘူး၊ ငါယုံတယ်ဆိုပြီး အနိုင်ယူပါ။ (လူတိုင်း မြင့်မြတ်သော သူရဲကောင်းဖြစ်လိုကြသည်။)
၁၁။ ခပ်မိုက်မိုက်လေး ပြောပါ။ (ခမ်းခမ်းနားနား ပြောပါ။ ကမ္ဘာနဲ့ချီပြီး ပြောပါ။)
၁၂။ စိန်ခေါ်မှုကို ပယ်ချပါ။ စမလုပ်ပါနှင့်။

အပိုင်း (၄) ခေါင်းဆောင်လုပ်နည်း - အခြားသူများကို မထိခိုက်/တိုက်ခိုက်ပဲ ပြောင်းလဲစေခြင်း

၁။ ရိုးရိုးသားသား ချီးကျူး၍စတင်ပါ။ (အပိုင်း ၁၊ အခန်း ၂ နှင့် ဆင်တူသည်။)
၂။ တဘက်သား၏ အမှားများကို မသိမသာ ထောက်ပြပါ။ (အပိုင်း ၁၊ အခန်း ၁ နှင့် ဆင်တူသည်။)
၃။ တဘက်သားကို မဝေဖန်ခင် မိမိအမှား (ယခင်၊ ယခု) ကို ထောက်ပြပြောဆိုပါ။
၎။ တိုက်ရိုက် အမိန့်မပေးပဲ မေးခွန်းများသာမေးပါ။ (ဒီလိုလေး လုပ်သင့်တယ် မထင်ဘူးလား စသည်)
၅။ တဘက်သားကို အရှက်မခွဲပါနှင့်။ (ချောင်ပိတ် ရိုက်ခြင်း မပြုရ၊ ထွက်ပေါက်ပေးပါ။)
၆။ အသေးအဖွဲကအစ ချီးမွန်းပြောဆိုပါ။ (အပိုင်း ၁၊ အခန်း ၂ နှင့် တူသည်။)
၇။ တဘက်သားကို လေးစားပါ။
၈။ အားပေးစကားပြောပါ။ အမှားကို ပြင်ရလွယ်သည်ဟု ထင်ရအောင် (ပြင်ချင်အောင်) အားပေးပါ။
၉။ သင့်စကားနားထောင်လိုက်နာရသည်ကို ပျော်ရွှင်ပါစေ။

အဓိကအကျဆုံးလို့ စာရေးသူ (လောရှည်) ထင်တာကတော့ မှားနေပြီဆိုပြီး အပြစ်ပြော/ထိပ်တိုက်တွေ့တာကို ရှောင်ကြဉ်ခြင်း၊ ချီးကျူးပြောဆိုခြင်းနဲ့ လူတကာကို ဂရုစိုက် မေတ္တာထားခြင်းလို့ပဲ ထင်ပါတယ်။ စာရှုသူမိတ်ဆွေများ နယ်ပယ်အသီးသီးမှာ နည်းမျိုးစုံနဲ့ ဥာဏ်ရှိသလိုိ အသုံးချလို့ရတဲ့ စာတအုပ်ဖြစ်လို့ ၁၀ မှတ်မှာ ၉.၉ မှတ်ပေးလို့ ညွှန်းဆိုလိုက်ရပါတယ်။ မိတ္တဗလကို အသုံးပြုလို့ အောင်မြင်မှုပန်းကို ဆွတ်လှမ်းနိုင်ကြပါစေ။

မှတ်ချက် ။ ။ သခင်နုနှင့် ဖေမြင့်တို့ မြန်မာဘာသာသို့ ပြန်ဆိုဖူးသော စာအုပ်ဖြစ်ပါသည်။

ငါတို့ကမ္ဘာ၊ သူတို့စစ်။

၂၀၀၈ ခုနှစ်ဆန်းမှာ ငါတို့ကမ္ဘာ၊ သူတို့စစ်ပွဲ လို့ ကြွေးကြော်ထားတဲ့ AVPR: Aliens vs Predator - Requiem (AVP2) နဲ့ ငါတို့ကမ္ဘာကို သူတို့စစ်တလင်းလုပ်အံ့လို့ ကြွေးကြော်လာတဲ့ ကိုရီးယားရုပ်ရှင် D-War: Dragon Wars ၂ ကားကို ကြည့်ဖြစ်ပါတယ်။ ညံ့ချက်ကတော့ ၂ ကားလုံး ကမ်းကုန်နေတာပဲ။ State-of-the-Art အထူးပြုလုပ်ချက်တွေ ရှိနေပေမဲ့လဲ ညံ့တဲ့ကားတွေ ထုတ်လုပ်နိုင်ပါတယ်လို့ သက်သေပြနေသလိုပါပဲ။ (နောက်တနည်းအနေနဲ့ နည်းပညာညံ့လို့ ညံ့နေရပါတယ်၊ နည်းပညာသာကောင်းကြည့် ကောင်းအောင် ရိုက်ပြမယ်ဆိုတဲ့ လူတွေ ဒီဇာတ်ကား ၂ ကားကို ကြည့်ပြီး နည်းပညာနဲ့ ရုပ်ရှင်ညံ့တာ ဘာမှမဆိုင်ကြောင်း သင်ခန်းစာယူသင့်ပါတယ်။)

ပထမ AVP မှာ Pace က သိပ်မြန်တယ် (လူတွေ အများကြီး ထည့်ထားပြီး ဖြည်းဖြည်းချင်း မသတ်ပဲ အပြုံလိုက် အပြုံလိုက် သတ်ပစ်လို့ ၃ ခါပဲ သေတာ ကြည့်ရတယ်) လို့ ကောင်းချီးပေး (ရွဲ့တာ) လို့ မဆုံးခင်မှာပဲ ဒုတိယကားဖြစ်တဲ့ AVPR မှာတော့ Pace (ဇာတ်ရှိန်) က မြန်လိုက်၊ နှေးလိုက်နဲ့ လူကို မူးနောက်နေအောင် လုပ်ပစ်လိုက်ပါတယ်။ High Concept Hollywood ဇာတ်ကားတွေကြားထဲမှာ မ High Concept ပဲ ရှေ့ကပြသွားတာ နောက်ကလိုက်ရှင်း၊ ဇာတ်ကောင်မိတ်ဆက်တွေ မသေမသပ်လုပ်၊ ကိုယ့်ဘာသာကိုယ် နားလည်အောင် လုပ်ကြည့်ရတာတွေနဲ့ပြသချိန်တွေကို ရုပ်ပျက်ဆင်းပျက် ဖြုန်းတီးအပြီးမှာ တတိယဇာတ်ကားကို ဆက်ချင်တဲ့ပုံစံနဲ့ Predator နည်းပညာကို လူသားတွေ ရရှိသွားကြောင်း ပြပြီး ပြီးသွားပါတယ်။ (Game ကို သစ္စာရှိတာလားတော့ မူလ Game ကို မကစားဖူးလို့ မသိပေမဲ့ Resident Evil နဲ့ ယှဉ်ရင်တောင် တော်တော်ညံ့တယ်ဆိုတာ ပေါ်လွင်နေပါတယ်။)

Alien Franchise တွေမှာ lone-survival သာကျန်တယ်ဆိုတဲ့ concept ကိုလဲ လူတွေအများကြီး အသက်ရှင်ကျန်ပြခြင်းဖြင့် ဖျက်ဆီးပစ်လိုက်ပါသေးတယ်။ မလိုအပ်တဲ့ ကြမ်းတမ်းမှုတွေ အလွန်အမင်းထည့်သုံးထားလို့လဲ လူကဲ့ရဲ့ချင်စရာ ဖြစ်နေပါတယ်။ (ပြကွက်တစ်ခုမှာ ကလေးကို ဗိုက်ဖောက်ပစ်လိုက်ပြီး နောက်ပြကွက်တစ်ခုမှာ ကိုယ်ဝန်ဆောင် အမျိုးသမီးရဲ့ ပါးစပ်ထဲကို Alien ဥဥချပစ်လိုက်တာတွေကို ထမင်းမစားချင်ဖွယ် တွေ့မြင်ရပါလိမ့်မယ်။) ရှေ့ရှေ့ကားတွေထဲက မသေခဲ့တဲ့ Predator ဇာတ်လိုက်ကျော်ကြီး Hunter လဲ အဏုမြူဗုံးဒဏ်နဲ့ မာလကကြွသွားတဲ့အတွက် ၀မ်းနည်းဖွယ်ပါပဲ။ ခြုံပြောရရင် ၁၀ မှတ်မှာ ၃ မှတ်တောင် ပေးဖို့မတန်လို့ ၂ မှတ်ပဲ ပေးသင့်တဲ့ ဇာတ်ကားပါပဲ။ (Franchise ၂ ခုကို အားနာသောအားဖြင့် ၂ မှတ်ပေးသည်။)

ကိုရီးယားက ဟောလီးဝုဒ်အဆင့်မီ ရုပ်ရှင်ဟဲ့ ဆိုပြီး ၀မ်းသာအားရကြည့်မိတာကတော့ D-Wars: Dragon Wars ပဲ ဖြစ်ပါတယ်။ ဝေဖန်ရေးတွေက ပက်ပက်စက်စက် ပြောထားကြတော့ ဟုတ်ပါ့မလားလို့ ထင်မိတာ ကြည့်မိတော့ ဒါထက်တောင်ပိုသေး ဖြစ်နေပါတယ်။ ဒီဇာတ်ကားရဲ့ ဖွဲ့စည်းတည်ဆောက်ပုံလေးက ဒီလိုရယ်ပါ။ James Cameron ရဲ့မူလ Terminator က ဆာရာဆိုတဲ့ မိန်းကလေး (နာမည်ထည့်ပြောထားတယ်နော်) ကို သာမာန်လူသားတစ်ယောက်က သဘာဝလွန်အန္တရာယ်တွေကနေ ကာကွယ်ပေးတယ်ဆိုတဲ့ ကျောရိုးလေးကို ယူပါတယ်။ အရှေ့တိုင်း ပုံပြင်ဆန်ဆန် ဇာတ်ကောင် (နဂါးတွေ၊ မြွေတွေ၊ ဓားသမားတွေ) တွေ လျှောက်ထည့်ပါတယ်။ George Lucas ရဲ့ Naboo ဂြိုဟ်ပေါ်က Gungan စစ်တပ်ကြီးကို ဗီလိန်အတွက် ပေးလိုက်ပါတယ်။ အုံးကနဲ ဒိုင်းကနဲနဲ့ ရန်အပေါင်းက ကာကွယ်စေတဲ့ အဆောင်တစ်ခုကို မင်းသားအတွက် ပေးပါတယ်။ အထူးပြုလုပ်ချက်တွေ လုပ်ပေးတဲ့ အဖွဲ့က လက်စွမ်းပြချင်သေးတယ်ဆိုလို့ Independent Day, Godzilla နဲ့ Transformers တွေထဲက မြို့ပျက်ခန်းတွေ ပေါင်းထည့်ပါတယ်။ (ပရိသတ်မမြင်လိုက်ရမှာစိုးလို့ အမှန်အကန် လင်းလင်းချင်းချင်းမှာ ရိုက်ပြတယ်။) FBI က ပေါက်ကရလုပ်တယ်ဆိုတာကို (မလိုအပ်ပဲ အတင်း) ထည့်ပေါင်းပါသေးတယ်။ စတီဗင်စပီးလ်ဘတ်ဆန်ဆန် ဟာသလေးတွေလဲ ကြားညှပ်သေးရဲ့။ (ရယ်တော့ ရယ်ရသား။ ခိုးထားတာ ပေါ်လွင်နေတာကလွဲလို့။) နောက်ဆုံးခန်းအတွက်တော့ New Line Cinema ရဲ့ Mortal Kombat ဇာတ်ကားထဲမှ နဂါး ၂ ကောင် လုံးသတ်ခန်းကို အားဖြည့်ပါတယ်။ ပြီးပါပြီ။ သူ့ရဲ့ ကိုယ်ပိုင်ဖန်တီးမှု နတ္ထိပါ။

အနောက်တိုင်း ရုပ်ရှင် ဝေဖန်ရေးတွေကတော့ အားနည်းလွန်း (အမှန်က ၁၀ နှစ်သားကလေး ဇာတ်လမ်းတောင် သူ့ထက် ပိုကောင်းမယ်) တဲ့ သူ့ရဲ့ ဇာတ်လမ်းကို အဓိကထားဝေဖန်ကြပေမဲ့ အရှေ့တိုင်းမျက်စိနဲ့ကတော့ ဇာတ်လမ်းလေးက romantic ဖြစ်အောင် ကြိုးစားကြည့်လို့ရပါတယ်။ (ကြိုးစားကြည့်မှ ရမှာနော်၊ ဒီတိုင်းကြည့်လို့ကတော့ ဆဲခန်းပဲ) တိုတိုပြောရရင် စတေးခံရမဲ့ မင်းသမီးကို လွန်ခဲ့တဲ့နှစ် ၅၀၀ က (ချစ်လွန်းလို့) မစတေးခဲ့လို့ ဒီဘက်ခေတ်မှာ ဇာတ်လမ်းဖြစ်၊ နောက်ဆုံး စတေးလိုက်ရတယ် ဆိုတာပါပဲ။ (မင်းသမီးက ပြောသွားသေးတယ်၊ ငါမသေဘူး၊ ထာဝရအသက်ကို ရပြီ၊ ပြန်ဆုံမယ်တဲ့၊။ တောင်းပန်ပါတယ်။ ပြန်ဆုံတာကိုတော့ ငွေရောင်ပိတ်သားပေါ် မတင်ပါနဲ့တော့။) ဒီတစ်ကားလဲ မ High Concept ပါဘူး။ အဲ အဲ ကြည့်လို့ကတော့ အရမ်းလှပါတယ်။ ဒါကြောင့် သူ့ကို ၁၀ မှတ်မှာ ၃ မှတ်ပေးပါတယ်။ (၁ မှတ်က ပုံပြင်ရေးတဲ့ ကလေးလေးကို အားပေးဖို့၊ နောက် ၁ မှတ်က အထူးပြုလုပ်ချက် အဖွဲ့အတွက်၊ နောက် ၁ မှတ်က ကိုရီးယားကား ဖြစ်နေလို့။)

စာရှုသူတို့ကို အကြံပေးရလျှင်ဖြင့် AVPR ကို ၀ယ်ကြည့်ဖို့မပြောနဲ့၊ လက်ဆောင်အဖြစ် လာပေးသူကိုတောင် မိတ်ဆွေစာရင်းက ပယ်ဖျက်ပစ်ပါ။ D-Wars ကိုတော့ ၃ နှစ်သား ကလေးလေးတွေရှိရင် ကလေးထိန်းမရှိတဲ့အချိန် ဖွင့်ဖို့နဲ့ မြန်မာကားတွေညံ့လွန်းလို့ အသည်းကွဲရင် ဖွင့်ကြည့်ဖို့ ခိုးကူးဆိုင်ကနေ ၀ယ်သင့်ပါတယ်လို့ ... ။