ကာမေသုမိစ္ဆာစာရ အကြောင်း

မြန်မာ့ လူ့အသိုက်အ၀န်းသည် လိင်ကိစ္စနှင့် ပတ်သက်ပြီး အလေးအနက်ထားရှိသော လူ့အသိုက်အ၀န်းဖြစ်သည့် အားလျော်စွာ ထေရ၀ါဒ ဗုဒ္ဓကျမ်းဂန်ပါ ကာမေသုမိစ္ဆာစာရကံနှင့် စပ်လျဉ်း၍ သာသာထိုးထိုး ပြင်းပြင်းထန်ထန် ရေးသား ဟောပြောမှုများ တွေ့မြင်နေရပါသည်။ ရဟန်းတော်တို့၏ ၀ိနည်းနှင့် စပ်လျဉ်း၍ လေးရာကို ယူရမည်မှာ ထုံးစံဖြစ်သော်လည်း လူပုဂ္ဂိုလ်တို့ ဆောင်ရန်၊ ရှောင်ရန် သင်ကြားချက်များကို ယဉ်ကျေးမှု ဓလေ့ ထုံးစံအလိုက် တစ်ကျောင်းတစ်ဂါထာ၊ တစ်ရွာ တစ်ပုဒ်ဆန်း အနက်ဖွင့်ရန် မသင့်လျော်သည့်အလျောက် ဤဆောင်းပါးတွင် ထေရ၀ါဒ ဗုဒ္ဓကျမ်းဂန်လာ ကာမေသုမိစ္ဆာစာရကံ၏ သဘော၊ သဘာဝကို ထေရ၀ါဒ ကျမ်းဂန်များနှင့် (အပြင် ဗဟုသုတ မပါစေပဲ) တိုက်ဆိုင် စစ်ဆေး၍ ရှင်းလင်း ရေးသားမည် ဖြစ်ပါသည်။

ကာမေသုမိစ္ဆာစာရကံ ဆိုသည်ကို သူတပါး အိမ်ယာ မကျူးလွန်ခြင်းဟု အလွယ် အဓိပ္ပါယ်ပြန်ဆိုနိုင်ပါသည်။ ၄င်းသည် အဗြဟ္မာစရိယာ သိက္ခာပုဒ် (လိင်ကိစ္စကို လုံးဝ ရှောင်ကြဉ်ခြင်း) နှင့် မတူပါ။ အဗြဟ္မာစရိယာ သိက္ခာပုဒ်ကို ၈ ပါးသီလ၊ ၁၀ ပါးသီလ စောင့်ထိန်းသူ လူပုဂ္ဂိုလ်များ ခေတ္တခဏ (ယာယီ) ဆောင်ယူ စောင့်ထိန်းနိုင်သော်လည်း ၄င်းသည် ရဟန်းတော်များအတွက် သီးသန့် ရည်ရွယ်သည့် သိက္ခာပုဒ်ဖြစ်သည်။ ကာမေသု မိစ္ဆာစာရကံ မြောက်ရန် အင်္ဂါ ၄ ပါး ပြည့်စုံရပါသည်။ ၄င်းတို့မှာ

၁။ အုပ်ထိန်းသူရှိသော မိန်းမ ၂၀ ဖြစ်ခြင်း

၂။ မှီဝဲလိုသည့်စိတ်ရှိခြင်း

၃။ မှီဝဲရန် အားထုတ်ခြင်း

၎။ သာယာခြင်း

တို့ဖြစ်ကြပါသည်။ မှီဝဲလိုသည့် စိတ်ရှိခြင်း၊ မှီဝဲရန် အားထုတ်ခြင်းနှင့် သာယာခြင်းတို့မှာ ထပ်ဆင့် ရှင်းလင်းဖွယ် မလိုသော်လည်း မသွားလာထိုက်သည့် မိန်းမ ၂၀ ကို ရှင်းလင်းရန် လိုသည့် အားလျော်စွာ ထေရ၀ါဒ ဗုဒ္ဓကျမ်းဂန်တို့တွင် အောက်ပါအတိုင်း စာရင်းပြုစု ရေးသားထားပါသည်။

၁။ မာတုရက္ခိတ- အမိအုပ်ထိန်းသော မိန်းမ၊ ၂။ ပိတုရက္ခိတ- အဖအုပ်ထိန်းသော မိန်းမ၊ ၃။ မာတာပိတုရက္ခိတ- မိဘနှစ်ပါးအုပ်ထိန်းသော မိန်းမ ၄။ ဘာတုရက္ခိတ- မောင်ကြီးမောင်ငယ် အုပ်ထိန်းသော မိန်းမ၊ ၅။ ဘဂိနိရက္ခိတ- အစ်မကြီး အစ်မငယ် အုပ်ထိန်းသော မိန်းမ၊ ၆။ ဉာတိရက္ခိတ- ဆွေမျိုးအုပ်ထိန်းသော မိန်းမ၊ ၇။ ဂေါတ္တရက္ခိတ- အမျိုးနွယ်တူ အုပ်ထိန်းသော မိန်းမ၊ ၈။ ဓမ္မရက္ခိတ- အတူနေသီတင်းသုံးဖော် စောင့်ရှောက်အုပ်ထိန်းသော မိန်းမ (အထက်ပါ ၈ယောက်သော အုပ်ထိန်းသူရှိ မိန်းမများအား အတင်းအဓမ္မ သွားလာကျူးလွန်ပါက ထိုမိန်းမများတွင် ကာမေသုကံမထိုက်ဘဲ သွားလာလွန်ကျူးသူ ယောက်ျားများတွင်သာ ကံထိုက်သည်ဟု ဆိုပါတယ်။) ၉။ သာရက္ခာ- ထိမ်းမြားကြောင်းလမ်းပြီးသူ၊ လက်ထပ်ပြီးသူ အုပ်ထိန်းသော မိန်းမ၊ ၁၀။ သပရိဒဏ္ဍာ- မင်းတို့ကောက်ယူရန် သတ်မှတ်လျက် ဒဏ်ထားပြီး အုပ်ထိန်းသော မိန်းမ၊ ၁၁။ ဓနတ္ထီတာ- ဥစ္စာဖြင့်ဝယ်ယူလျက် မယားအဖြစ်ထားသော မိန်းမ၊ ၁၂။ ဆန္ဒ၀ါသိနီ- သဘောတူအလိုတူ၍ ညားနေသောမိန်းမ၊ ၁၃။ ဘောဂ၀ါသိနီ- စည်းစိမ်ပေး၍ ပေါင်းဖော်သော မိန်းမ၊ ၁၄။ ၀ဋ၀ါသိနီ- ပုဆိုးပေး၍ (ပုဆိုးတန်းတင်ပြု၍) နေသောမိန်းမ၊ ၁၅။ သြဒ၀တ္တကိနီဓရ- ခွက်လက်ဆုံချ၍ မိဘနှစ်ပါး ထိန်းမြားပေးသော မိန်းမ၊ ၁၆။ သြဘဋစုမ္ဗဋာ- ခေါင်းခုကိုချ၍ လင်မယားဖြစ်နေသော မိန်းမ၊ ၁၇။ ဒါသီစဘရိယာစ- ကျွန်လည်းဖြစ် မယားလည်းဖြစ်သော မိန်းမ၊ ၁၈။ ကမ္မကာရီစ ဘရိယာစ- အမှုလုပ်လည်းဖြစ် မယားလည်းဖြစ်သော မိန်းမ၊ ၁၉။ ဓဇာဟဋာ- စစ်မြေပြင်မှ ဆောင်ယူခဲ့သော မိန်းမ၊ ၂၀။ မုဟုတ္တိကာ- တစ်ခဏမျှ ပေါင်းဖော်ရန် ငှါးရမ်းထားသော ခေတ္တမယားဖြစ်သူ မိန်းမ (အထက်ပါ ၁၂ယောက်သော မိန်းမတို့တွင် သွားလာကျူးလွန်ပါက ယောက်ျားရော မိန်းမပါ နှစ်ဦးလုံး ကာမေသု မိစ္ဆာစာရ ကံထိုက်သည်ဟု ဆိုပါတယ်။)

ယောကျာ်းလေးများအတွက် ကာမေသုအင်္ဂါ ၄ ပါး ပြည့်စုံလျှင် ကံထိုက် (အကုသိုလ်ကံ ဖြစ်) သော်လည်း မိန်းကလေးများအတွက်မူ အုပ်ထိန်းသူရှိသော အမျိုးသမီး ၉ မှ ၂၀ အတွင်း ဖြစ်ပြီး မှီဝဲလိုစိတ်ရှိခြင်း အစရှိသည့် ကျန်အင်္ဂါ ၃ ပါး ပြည့်စုံပါမှ ကံထိုက်ပါသည်။ အရပ်စကားနှင့် လွယ်လွယ် ပြောရလျှင် ပထမ ၈ မျိုးမှာ ပိုင်ရှင်မရှိသေးသော မိန်းမများဖြစ်ပြီး ဒုတိယ ၁၂ မျိုးမှာ ပိုင်ရှင် ရှိလတ္တံ့၊ ရှိဆဲ ဖြစ်သော မိန်းမများဖြစ်ကြပါသည်။ တနည်းပြောရလျှင် ယောက်ျားလေးများအဖို့ မိမိမယားမဟုတ်လျှင် ကာမေသုမိစ္ဆာကံ ထိုက်မည်ဖြစ်ပြီး မိန်းကလေးများအဖို့ မိမိလင်မဟုတ်လျှင် ကာမေသုမိစ္ဆာစာရ ကံထိုက်မည် ဖြစ်သည်။

ဤသို့ဆိုလျှင် မိမိ မယားဖြစ်သူနှင့် သွားလာလျှင် (ချွင်းချက်အနည်းငယ်မျှအပ) ကံမထိုက်သည်မှာ နားလည်ရ လွယ်ပါသည်။ တနည်းအားဖြင့် မိမိ၏ ကာမပိုင် မိန်းမ/ယောက်ျားနှင့်သာ သွားလာခွင့် ရှိသည်။ သို့သော် မိန်းမတစ်ယောက်ကို မိမိ ကာမပိုင်ဖြစ်အောင် ဘာသာရေး သတ်မှတ်ချက်များအရ မည်သို့ ဆောင်ယူမည်နည်း။ ထေရ၀ါဒ ဗုဒ္ဓစာပေတွင် ဝေးဝေးလံလံ ရှာစရာ မလိုပါ။ နံပါတ် ၁၁ မှ ၂၀ အထိ အင်္ဂါရပ်များနှင့် ပြည့်စုံစွာ သူတပါးက ဆောင်ကြဉ်းပြီးသော မိန်းမကို သူတပါးပိုင်ဟု ပြဆိုထားသဖြင့် ၄င်းအင်္ဂါရပ်များအနက် တခုခုနှင့် ပြည့်စုံလျှင် မိမိ၏ ကာမပိုင် မိန်းမဖြစ်ကြောင်း စိတ်ချနိုင်ပါသည်။

တနည်းအားဖြင့် အောက်ပါ နည်းလမ်းများဖြင့် မိန်းမတစ်ယောက်ကို မိမိကာမပိုင်မိန်းမအဖြစ် ဆောင်ယူပြီး စိတ်ချလက်ချ ပေါင်းသင်းနိုင်ပါသည်။ (သို့သော် … မိန်းကလေး အလိုမတူလျှင် သက်ဆိုင်ရာ နိုင်ငံအသီးသီး၏ တည်ဆဲဥပဒေများအရ အရေးယူခံရနိုင်ပါသည်။)

၁။ မိဘများထံ ပစ္စည်းတစုံတရာဖြင့် တင်တောင်းခြင်း

၂။ မိမိကို ချစ်ကြိုက်၍ အလိုတူစေခြင်း (မိမိကို ပထမဆုံး ချစ်ကြိုက်သူ မိမိ၏ ရည်းစား၊ အောက်တွင် အကျယ်ရှင်းမည်။)

၃။ မိမိ၏ ဥစ္စာ စည်းစိမ်ကို အပ်နှင်းခြင်း (လစာငွေအပ်ခြင်း)

၎။ အ၀တ်အစား ဆင်ပေးခြင်း (အ၀တ်အစား ၀ယ်ပေးခြင်း)

၅။ မိဘများက လက်ထပ်ပေးလိုက်ခြင်း (လူကြီး သဘောတူလို့ ပေးစားခြင်း)

၆။ ဒေသထုံးစံအရ မိမိပိုင်ဟု ဆုံးဖြတ်ပေးထားခြင်း (အောက်တွင် အကျယ်ရှင်းမည်။)

၇။ ပိုက်ဆံပေး၍ ကာလအပိုင်းအခြားအလိုက် ၀ယ်ယူခြင်း (ကြေးစားမိန်းမကို ငှားရမ်းခြင်း၊ အောက်တွင် အကျယ်ရှင်းမည်။)

ကျွန်ကို မယားအဖြစ်သိမ်းခြင်း၊ အမှုထမ်းကို မယားအဖြစ်သိမ်းခြင်းနှင့် စစ်သုံ့ပန်းကို မယားအဖြစ် သိမ်းခြင်းတို့မှာ မျက်မှောက်ခေတ်တွင် နည်းပါးသဖြင့် မဖော်ပြတော့။

ထေရ၀ါဒ ကျမ်းဂန်များအရ "ဆန္ဒ၀ါသိနီ- သဘောတူအလိုတူ၍ ညားနေသောမိန်းမ" ဟု ဆိုထားသဖြင့် မိန်းကလေးတစ်ယောက်၏ ချစ်သူ ရည်းစားသည် အဆိုပါ မိန်းကလေး၏ ကာမပိုင် လင်ယောက်ျားပင် ဖြစ်သည်။ သို့ရာတွင် ယုတ္တိဗေဒဖြင့် စဉ်းစားကြည့်လျှင် ဒွိဟဖြစ်စရာ အခြေအနေ ၂ မျိုးရှိသည်။ ပထမတစ်မျိုးမှာ ရည်းစား အများအပြားရှိသော မိန်းကလေးဖြစ်ပြီး ဒုတိယတစ်မျိုးမှာ အုပ်ထိန်းသူရှိ ပထမ ၈ မျိုးတွင် အပါအ၀င်ဖြစ်နေခြင်း (ဥပမာ မိဘနှင့် အတူနေလျှက် မိမိကို ချစ်ကြိုက်သဖြင့် တနေရာတွင် ပေါင်းဖော်ခြင်း) ဖြစ်သည်။ ပထမတစ်မျိုးအတွက် ရှင်းချက်မှာ လွယ်ကူသည်။ အဆိုပါ မိန်းကလေးနှင့် ပထမဆုံး ပေါင်းဖော်သူ ရည်းစား (ရည်းစားဦး) သည် ၄င်း၏ ကာမပိုင် လင်သား ဖြစ်သဖြင့် ကျန်ရည်းစားများ ကာမေသုမိစ္ဆာစာရကံ ထိုက်သည် (ရည်းစားဦးမှာ ကံမထိုက်)။ ဒုတိယတစ်မျိုးမှာ စာရေးသူ မရှင်းတတ်ပါ။ သို့သော် … အုပ်ထိန်းသူမသိအောင် (ခိုးထွက်၍) ချိန်းတွေ့စဉ်/ခိုးရာလိုက်စဉ် ဖြစ်ပွားသော ကိစ္စတို့မှာ အုပ်ထိန်းသူလက်မှ လွတ်နေချိန်ဖြစ်သဖြင့် ကံမထိုက်ဟု ဆုံးဖြတ်ရမည်ဟု ထင်သည်။ ၄င်းကို ကျမ်းတတ် ဆရာတော်များထံ လျှောက်ထား မေးမြန်း အဆုံးအဖြတ် ခံယူသင့်သည်။

ဒေသထုံးစံအရ ကာမပိုင်ဟု ဆုံးဖြတ်ခြင်းဆိုသည်မှာ အချို့သော ဒေသ၊ ယဉ်ကျေးမှု ထုံးစံတို့တွင် လင်မယားအရာ မြောက်သည်ဟု သတ်မှတ်သော သတ်မှတ်ချက်များရှိသည်။ (ဥပမာအားဖြင့် အချို့ဒေသများတွင် မိန်းကလေး/ယောက်ျားလေးအိမ်ရှေ့တွင် ပန်းအိုး/ဟင်းအိုး ချထားပြီး မိန်းကလေး/ယောက်ျားလေးက ထွက်ယူလိုက်ပါက အကြင်လင်မယားအရာ မြောက်သည်ဟု သတ်မှတ်တတ်သည်။) ၄င်းတို့ကို ဆိုလိုခြင်း ဖြစ်သည်။ သြဘဋစုမ္ဗဋာ- ခေါင်းခုကိုချ၍ လင်မယားဖြစ်နေသော မိန်းမ ဟု ဆိုရာတွင် ၄င်းသည် ဗုဒ္ဓဟောကြားစဉ်က ၄င်းဒေသတွင် သတ်မှတ်ထားသော သတ်မှတ်ချက် ဖြစ်မည်ဟု ယူဆသဖြင့် ဒေသထုံးစံအရ ကာမပိုင်ဟု ဆုံးဖြတ်ခြင်းတစ်ရပ် ထည့်သွင်းရခြင်း ဖြစ်သည်။ ဤအချက်ကိုလဲ သေချာစေရန် ဆရာတော်များထံ မေးမြန်းသင့်သည်။

မုဟုတ္တိကာ- တစ်ခဏမျှ ပေါင်းဖော်ရန် ငှါးရမ်းထားသော ခေတ္တမယားဖြစ်သူ မိန်းမ ဟု ကျမ်းဂန်တွင် ဆိုထားသဖြင့် အချို့က ပြည့်တန်ဆာနှင့် ပျော်ပါးခြင်းသည် ကာမေသုမိစ္ဆာစာရကံ ထိုက်သည်ဟု ယူဆကြသည်။ စာရေးသူ ဤသို့ မယူဆခြင်းမှာ အကြောင်းအချက် ၃ ရပ်ကြောင့် ဖြစ်သည်။

ပထမ အကြောင်းမှာ ၄င်းကို ကာမေသုမိစ္ဆာစာရကံ ထိုက်သည်ဟု ယူပါက သြဒ၀တ္တကိနီဓရ အစရှိသော လူကြီးတို့ ထိမ်းမြားပေးသော မိန်းမ အစရှိသော သူတို့နှင့် သွားလာ ပျော်ပါးခြင်းသည်လဲ ကာမေသုမိစ္ဆာစာရကံ ထိုက်မည်ဟု ယူရမည်ဖြစ်သည် (၄င်းတို့သည် စာရင်းတစ်ခုတည်းတွင် ပါရှိသည်)။ သို့ဆိုလျှင် မည်သည့်နည်းနှင့်မျှ ကာမေသုမိစ္ဆာစာရကံမှ လွတ်ရန် လမ်းမမြင်တော့။ တနည်းအားဖြင့် ကာမေသုနှင့် အဗြဟ္မစရိယာပုဒ် ခွဲခြားရန် မလိုတော့။ ဗုဒ္ဓက ၄င်းတို့ ၂ ခုကို ခွဲခြား ဟောပြခဲ့သဖြင့် ကြေးစားမိန်းမကို ငွေပေး၍ ပျော်ပါးခြင်းသည် ကာမေသုမိစ္ဆာစာရ ကံမမြောက်။

ဒုတိယ အကြောင်းမှာ ဗုဒ္ဓဘုရား သက်တော်ထင်ရှားရှိစဉ်က ဥတ္တရာဆိုသူ ဗုဒ္ဓဘာသာဝင် သောတာပန် အမျိုးသမီးတစ်ယောက်သည် ဘာသာခြားနှင့် အိမ်ထောင်ဖက် ပြုသည်။ ၄င်းသည် ဗုဒ္ဓအမှူးရှိသော သံဃာတော်များကို ဆွမ်းလှူဒါန်း၍ ဥပုပ်သီလ ဆောက်တည်လိုသောအခါ (ဖခင်ထံမှ မုန့်ဖိုးတောင်း၍) ပြည့်တန်ဆာတစ်ယောက် (သီရိမာ) ကို ငှားရမ်းကာ သူ့ယောက်ျားနှင့် ၇ ရက် ပေါင်းဖော်စေပြီးနောက် ဘုရားအမှူးရှိသော သံဃာများကို ဆွမ်းလှူဒါန်း၊ ဥပုပ်ဆောက်တည်သည်။ (၄င်းငှားထားသော ပြည့်တန်ဆာမက သူ့နေရာကို အပိုင်လိုချင်ကာ ၄င်း၏ ခေါင်းပေါ်သို့ ထောပတ်ပူအိုးကို လောင်းချသည်။) အကယ်၍ ပြည့်တန်ဆာနှင့် ပေါင်းဖော်ခြင်းသည် အကုသိုလ်ကံ ဖြစ်မည်ဆိုပါက ဗုဒ္ဓက ဒီအတိုင်း ကြည့်မနေပဲ ချစ်သမီး … ဤသို့ပြုရန်မသင့်၊ နည်းလမ်းမှန်မှာ ဤသို့ဖြစ်သည်ဟု ဟောပြော ဆုံးမမည်ဖြစ်သည်။ ၄င်းကို မတွေ့ရ။

တတိယနောက်ဆုံးနှင့် အခိုင်လုံဆုံး အကြောင်းမှာ ဂုရုဓမ္မဇာတ်ဖြစ်သည်။ ၄င်းဇာတ်တွင် မိုးခေါင်ရေရှားသဖြင့် မိုးရွာမည့်နည်းကို မိုးမှန်သော အိမ်နီးချင်းတိုင်းပြည်သို့ မေးစေရာ တတိုင်းပြည်လုံး ပြည့်တန်ဆာအဆုံး ငါးပါးသီလ မြဲကြကြောင်း သိရသည်။ ပြည့်တန်ဆာသည် အုပ်ထိန်းသူရှိသော မိန်းမ ၂၀ တွင် အမှတ် ၂၀ (ကာမေသုမိစ္ဆာစာရကံ ထိုက်ပါက ယောက်ျားရော မိန်းမပါ ကံထိုက်သည့် အမျိုးအစား) ဖြစ်ပြီး ဤဇာတ်တော်တွင် ပြည့်တန်ဆာသည် ၅ ပါးသီလကို လုံအောင် စောင့်ထိန်းနိုင်သည်ဟု ဆိုခြင်းကြောင့် ပြည့်တန်ဆာနှင့် သွားလာတိုင်း (သွားလာခြင်း သက်သက်ကြောင့်) ကာမေသုမိစ္ဆာစာရကံ မထိုက်ကြောင်း သိသာသည်။ သို့ရာတွင် အဆိုပါ ဇာတ်တော်ပါ ပြည့်တန်ဆာသည် လူတစ်ဦးထံမှ ငွေလက်ခံပြီးလျှင် ၄င်းကို မဖျော်ဖြေပြီးမချင်း အခြားသူများထံမှ ငွေလက်မခံပဲ နေသည် ဟုဆိုခြင်းကြောင့် မိမိအတွက် မိမိကိုယ်တိုင် ငှားရမ်းထားသော သူတပါးနှင့် ကြွေးကျန်မရှိသည့် ပြည့်တန်ဆာနှင့် ပျော်ပါးခြင်းသည် ကာမေသုမိစ္ဆာစာရကံ မထိုက်ဟု စာရေးသူ ဆုံးဖြတ်မိပါသည်။

ဗုဒ္ဓဘာသာ သွန်သင်ဆုံးမချက်များနှင့် နှောင်းလူတို့ ယဉ်ကျေးမှု၊ ဓလေ့ထုံးစံတို့အတွက် ဘာသာရေးကို ခုတုံးလုပ်၊ လိုရာဆွဲပြောသော ဟောပြောချက်များကို ခွဲခြားနားလည်နိုင်ကြပါစေ။

ကိုးကား။ http://sakarwarmyay.blogspot.com/2008/07/blog-post_09.html

http://www.venvicitta.com/2009/04/blog-post_26.html

အဖြေမှန် အမြန်ရွေး၊ ပညာသင်ဆု ဘယ်မဝေး ၂

ကိန်းပြည့် X နှင့် Y တို့၏ မြှောက်လဒ် XY တွင်ပါဝင်သော ဂဏန်းများ၏ ပကတိ တန်ဖိုးများကို ဂဏန်း တစ်လုံးတည်း ရသည်အထိ ပေါင်းလိုက်သော ပေါင်းလဒ်သည် ကိန်းပြည့် X တွင် ပါဝင်သော ဂဏန်းများ၏ ပကတိ တန်ဖိုးများကို ဂဏန်း တစ်လုံးတည်း ရသည်အထိ ပေါင်းလိုက်သော ပေါင်းလဒ်နှင့် ကျန်ကိန်းပြည့် Y တွင် ပါဝင်သော ဂဏန်းများ၏ ပကတိ တန်ဖိုးများကို ဂဏန်း တစ်လုံးတည်း ရသည်အထိ ပေါင်းလိုက်သော ပေါင်းလဒ်တို့ မြှောက်လဒ်နှင့် တူညီကြောင်း အဖြေမှန် အမြန်ရွေး ပညာသင်ဆု ဘယ်မဝေး ၁ တွင် ဖော်ပြခဲ့ပြီး ဖြစ်သည်။ ယခု ၄င်း ဂုဏ်သတ္တိ မှန်ကန်ကြောင်း သက်သေပြမည် ဖြစ်သည်။

သက်သေပြရန်။ ပေးထားသော ကိန်းပြည့်တစ်ခု Z = z₀ × 10⁰ + z₁ × 10¹ + z₂ × 10² + … + z_n × 10ⁿ အတွက်

မှီချက် f(Z) = f(z₀ + z₁ + z₂ + … + z_n) if z₀ + z₁ + z₂ + … + z_n > 9;

f(Z) = z₀ + z₁ + z₂ + … + z_n otherwise ဖြစ်ပါစေ။ f(XY) = f(f(X).f(Y)) ဖြစ်သည်။

သက်သေပြချက်။

အစားသီဝရီ (Theory of Division a.k.a Procedure of Division) အရ မည်သည့်ကိန်းပြည့် Z ကိုမဆို Z = pq + r ပုံစံနဲ့ ဖေါ်ပြနိုင်ပါတယ် (Z၊ p၊ q နှင့် r တို့သည် ကိန်းပြည့်များဖြစ်၍ r သည် q ထက်အမြဲငယ်သည်)။ အဲဒီမှာ q = 9 လို့ ထားလိုက်ရင် မည်သည့် ကိန်းပြည့် Z ကိုမဆို Z = 9p + r အဖြစ် ရေးနိုင်ပါတယ်။ (အဲဒီ p နဲ့ r ဟာ Z ကို q နဲ့စားလို့ရတဲ့ စားလဒ်နဲ့ စားကြွင်းဖြစ်ပြီး r သည် 9 ထက်အမြဲငယ်ကြောင်း သတိပြုပါ။) အဲဒီတော့ ကိန်းပြည့် Z = 9p + r တိုင်းဟာ 9 နဲ့ စားရင် p ရပြီး r ကြွင်းပါတယ်။

ကိန်းပြည့် Z မှာပါတဲ့ ဂဏန်းတွေရဲ့ မူလတန်ဖိုးတွေအားလုံး ကိန်းတစ်လုံးထဲဖြစ်အောင် ပေါင်းတဲ့ ရလဒ် f(Z) ဟာ အဲဒီကိန်းပြည့် Z ကို 9 နဲ့စားလို့ရတဲ့ စားကြွင်း (Z mod 9) နဲ့ တူပါတယ် (9 ခုကြွင်း သက်သေပြချက်တွင် သက်သေပြပြီး)။ ဥပမာ၊ 834 ကို ပေါင်းကြည့်မယ်ဆိုရင် 8 + 3 + 4 = 15; 1 + 5 = 6 ရပြီးတော့ 834 ကို 9 နဲ့ စားမယ်ဆိုရင် (စားလဒ်က 92) စားကြွင်းက 6 ရပါမယ်။ ဒါကြောင့် f(Z) = Z mod 9.

X = 9a + b ၊ Y = 9c + d ဖြစ်ပါစေ။

XY = (9a + b)(9c + d)

ညီမျှခြင်း၏ လက်ယာဘက်ခြမ်းမှာ …

f(XY) = f((9a + b)(9c + d))

= f(81ac + 9ad + 9bc + bd)

= (81ac + 9ad + 9bc + bd) mod 9

သို့သော် 81ac mod 9 = 0; 9ad mod 9 = 0; 9bc mod 9 = 0 ဖြစ်သဖြင့်

f(XY) = (81ac + 9ad + 9bc + bd) mod 9 = bd mod 9

ညီမျှခြင်း၏ လက်ဝဲဘက်ခြမ်းမှာ …

f(f(X).f(Y)) = f(f(9a + b).f(9c + d))

= f(bd) = bd mod 9

ညီမျှခြင်း၏ လက်ဝဲဘက်ခြမ်းနှင့် လက်ယာဘက်ခြမ်းတို့ တူညီကြသဖြင့် f(XY) = f(f(X).f(Y)) ဖြစ်ပါသည်။

အဖြေမှန် အမြန်ရွေး၊ ပညာသင်ဆု ဘယ်မဝေး ၁

လာပြီ။ မေးခွန်း ...

၅၆ ၇၈၃၉ × ၈၃ ၆၄၈၃ =

(က) ၄၃၈၈ ၅၄၂၀ ၉၈၄၇

(ခ) ၅၀၇၈ ၉၈၇၃ ၄၉၈၃

(ဂ) ၄၇၄၉ ၈၇၆၇ ၀၂၃၇

(ဃ) ၃၇၈၂ ၃၉၉၉ ၈၇၂၃

နိုင်ငံရပ်ခြား တက္ကသိုလ်များတွင် တက်ရောက် ပညာသင်ကြားရန်နှင့် ပညာသင်ဆု လျှောက်ထားရန်အတွက် လိုအပ်တတ်သော (SAT ကဲ့သို့သော စာမေးပွဲများ၏) သင်္ချာစာမေးပွဲ မေးခွန်းလွှာများတွင် ဤကဲ့သို့မေးခွန်းမျိုး ပါလေ့ရှိသည်။ ဂဏန်းတွက်စက် အသုံးပြုခွင့်ပေးသော်လည်း အချိန် အကန့်အသတ်ရှိတတ်သော ထိုစာမေးပွဲများတွင် ပုစ္ဆာတစ်ပုဒ်အတွက် ပျမ်းမျှ မိနစ်ဝက်ခန့်သာ အချိန်ရရာ ယခုကဲ့သို့သော ပုစ္ဆာမျိုးကို ဂဏန်းတွက်စက်ဖြင့် အဖြေရှာပါက အချိန်မမီပဲ ဖြစ်တတ်လေသည်။

အမှန်မှာ ဤကဲ့သို့သော ပုစ္ဆာမျိုးကို ဖြေဆိုရန်အတွက် အဖြေရအောင် တွက်ထုတ်ရန် အရေးမကြီးပါ။ ပေးထားသော အဖြေ ၄ ခုအနက် အဖြေမှန် ၁ ခုကိုသာ ရွေးထုတ်နိုင်ရန် အရေးကြီးသဖြင့် ဖြတ်လမ်းနည်းများဖြင့် ဤပုစ္ဆာကို ဖြေရှင်းနိုင်ရန် ကြိုးစားနိုင်ပါသည်။

ဖြတ်လမ်းနည်း (၁) အနီးဆုံးယူပြီး တွက်ရန်

၅၆ ၇၈၃၉ ကို ၅၀ ၀၀၀၀၊ ၈၃ ၆၄၈၃ ကို ၈၀ ၀၀၀၀ ဟု အနီးဆုံး ယူလိုက်မည်။ ၄င်းတို့ ၂ လုံးမှာ နောက်တွင် သုညများပါသဖြင့် မြှောက်ရလွယ်ပါသည်။ ၅ ကို ၈ နှင့် မြှောက်လိုက်ရာ ၄၀ ဟု ထွက်လာသည်။ ၅၀ ၀၀၀၀ တွင် သုည ၅ လုံး၊ ၈၀ ၀၀၀၀ တွင် သုည ၅ လုံး၊ ပေါင်း ၁၀ လုံးပါသဖြင့် အဖြေမှန်သည် ၄၀၀၀ ၀၀၀၀ ၀၀၀၀ (၄၀ နောက်တွင် သုည ၁၀ လုံးဖြည့်ထားသော ဂဏန်း) ထက်မနည်းကြောင်း ခန့်မှန်းနိုင်သည်။ သို့ဖြစ်၍ (က)၊ (ခ) နှင့် (ဂ) တစ်ခုခုသည် အဖြေမှန်ဖြစ်သည်။ မှားလျှင် အမှတ်နှုတ်တတ်သော စာမေးပွဲဖြစ်ပါက (SAT တွင် Minus System ပါမပါ မသေချာပါ) နံကြားထောက်ဖြည့်လျှင် ရှိသမျှ အမှတ်ကုန်သွားနိုင်ရာ သိပ်မနိပ်သော နည်းလမ်းဖြစ်သည်။

ဤနေရာတွင် တစ်ခု သတိပြုရန်မှာ အနီးဆုံးယူတာ ပိုမိုတိကျလျှင် အဖြေမှားများကို ဖယ်ထုတ်နိုင်စွမ်း ပိုကောင်းလာမည်ဖြစ်သည်။ အထက်ပါ ဥပမာတွင် ၅၆ ၇၈၃၉ ကို ၅၆ ၀၀၀၀၊ ၈၃ ၆၄၈၃ ကို ၈၃ ၀၀၀၀ ဟု အနီးဆုံး ယူလိုက်မည်ဆိုပါက အဖြေမှန်သည် ၄၆၄၈ ၀၀၀၀ ၀၀၀၀ ထက်မနည်းဟု ခန့်မှန်းနိုင်မည်ဖြစ်ပြီး ဖြစ်နိုင်သည့် အဖြေမှန် ၂ ခု (ခ နှင့် ဂ) သာ ကျန်နေမည်ဖြစ်သည်။ တွက်ချက်မှုအတွက် ကြာမြင့်ချိန် အနည်းငယ် တိုးလာသော်လည်း ရမ်းဖြေလိုက်ပါက ဖြစ်တန်စွမ်းသီဝရီ အရကြည့်လျှင် မဖြေတတ်သဖြင့် ဘဲဥကိုက်ရန် သေချာနေသော ပုစ္ဆာ ၂ ပုဒ်တိုင်းတွင် ၁ ပုဒ် မှန်မှာ သေချာသဖြင့် (မှားလျှင် နှုတ်သောအမှတ်သည် မှန်လျှင်ပေးသော အမှတ်ထက် နည်းနေပါက) သိပ်မဆိုးလှသော နည်းလမ်းဖြစ်သည်။

ဖြတ်လမ်းနည်း (၂) နေရာလိုက်တန်ဖိုး၏ ဂုဏ်သတ္တိကို အသုံးချရန်

ဒုတိယနည်းလမ်းမှာ နေရာလိုက်တန်ဖိုး၏ ဂုဏ်သတ္တိကို အသုံးချရန်ဖြစ်သည်။ မည်မျှကြီးသော ကိန်းများကို မြှောက်မြှောက် ရလဒ်၏ ခုနေရာရှိ ဂဏန်းမှာ မူလကိန်း ၂ လုံး၏ ခုနေရာရှိ ဂဏန်း ၂ လုံး မြှောက်လဒ်သာလျှင် ဖြစ်သည်။ (ဆယ်ဂဏန်းမှစ၍ ဂဏန်းများ ချပေါင်းရန် လိုပါမည်။) ယခု ဥပမာတွင် ၅၆ ၇၈၃၉ ၏ ခုနေရာရှိ ဂဏန်းမှာ ၉၊ ၈၃ ၆၄၈၃ ၏ ခုနေရာရှိ ဂဏန်းမှာ ၃ ဖြစ်ရာ ၄င်းတို့ မြှောက်လဒ်၏ ခုနေရာရှိ ဂဏန်းမှာ (၉ × ၃ = ၂၇ ဖြစ်သဖြင့်) ၇ သာလျှင် ဖြစ်ရမည်၊ တနည်းအားဖြင့် အဖြေမှန်သည် ၇ နှင့် ဆုံးရမည်။ ၇ နှင့် ဆုံးသော အဖြေမှာ (က) နှင့် (ဂ) သာရှိရာ အထက်ပါ နည်းလမ်းနှင့် ပူးတွဲစဉ်းစားပါက အဖြေမှန်သည် (ဂ) ဟု ထင်ထင်ရှားရှား ထွက်လာတော့သည်။

ဖြတ်လမ်းနည်း (၃) အစားသီဝရီနှင့် ၉ ကြွင်းရှာနည်းကို ပေါင်းစပ် အသုံးပြုခြင်း

အင်မတန်မှ ရက်စက်တတ်တဲ့ မေးခွန်းထုတ်သူဟာ အဖြေအားလုံးကို ၄၆၄၈ နဲ့စပြီး ၇ နဲ့ အဆုံးသတ်ထားပါလိမ့်မယ်။ ဘာလို့လဲဆိုတော့ ဒီမေးခွန်းရဲ့ အဓိက ဦးတည်ချက်ဟာ ဂဏန်းမြှောက်တတ်/မတတ်ကို စစ်ဆေးဖို့ မဟုတ်ပဲ ဖြေဆိုသူဟာ သင်္ချာ ဂုဏ်သတ္တိများကို ကျင်ကျင်လည်လည် လှည့်ပတ် အသုံးပြုနိုင်ခြင်း ရှိ/မရှိ စစ်ဆေးဖို့ ဖြစ်နေတာကြောင့်ပါပဲ။ ဒီနေရာမှာ နောက်တမျိုး စမ်းကြည့်သင့်တာကတော့ အစားသီဝရီနဲ့ ၉ ကြွင်းရှာနည်းတို့ပဲ ဖြစ်ပါတယ်။

နာမည်ကို ဖတ်ပြီး လန့်မသွားပါနဲ့လေ။ နည်းလမ်းက လွယ်လွယ်လေးပါ။

ပထမဆုံး ၅၆ ၇၈၃၉ နဲ့ ၈၃ ၆၄၈၃ တို့ကို တစ်လုံးတည်းဖြစ်အောင် ပေါင်းပါ။ (နောက်တနည်း - ၉ ပြည့်အောင် တွဲတွဲပြီး ကျန်တာလေးတွေ ပေါင်းလဲ ရတယ်။)

၅ + ၆ + ၇ + ၈ + ၃ + ၉ = ၃၈

၃ + ၈ = ၁၁

၁ + ၁ = ၂

၈ + ၃ + ၆ + ၄ + ၈ + ၃ = ၃၂

၃ + ၂ = ၅

နောက်ပြီး အဲဒီ ပေါင်းလဒ် ၂ ခုကို မြှောက်ပါ

၂ × ၅ = ၁၀

ရလဒ်ကို တစ်လုံးထည်းဖြစ်အောင် ထပ်ပေါင်းပါဦး။

၁ + ၀ = ၁

အဖြေတွေကိုလဲ တစ်လုံးတည်းဖြစ်အောင် ပေါင်းကြည့်ပါ။

(က) ၄၃၈၈ ၅၄၂၀ ၉၈၄၇ ကို ပေါင်းတော့ ၈ ရတယ်။

(ခ) ၅၀၇၈ ၉၈၇၃ ၄၉၈၃ ကို ပေါင်းတော့ ၈ ရတယ်။

(ဂ) ၄၇၄၉ ၈၇၆၇ ၀၂၃၇ ကို ပေါင်းတော့ ၁ ရတယ်။

(ဃ) ၃၇၈၂ ၃၉၉၉ ၈၇၂၃ ကို ပေါင်းတော့ ၇ ရတယ်။

စောစောက မြှောက်ပြီး ပေါင်းထားတဲ့ (၂ × ၅ = ၁၀၊ ၁ + ၀ = ၁) ၁ နဲ့တူတဲ့ (ဂ) ကိုရွေးလိုက်ရုံပါပဲ။

နည်းလမ်းပဲ သိချင်သူများ ဒီနေရာမှာတင် ရပ်နိုင်ပါပြီ။ သက်သေပြချက်ကို သိချင်သူများ၊ ဒီလို ပေါင်းလိုက် မြှောက်လိုက်ရုံနဲ့ အဖြေမှန် တိုက်စစ်တာ အမြဲမှန်နေပါ့မလား၊ စာမေးပွဲနော် ပေါ့ပျက်ပျက် မလုပ်နဲ့လို့ ဆိုချင်သူများ သက်သေပြချက်ကို အဖြေမှန် အမြန်ရွေး၊ ပညာသင်ဆု ဘယ်မဝေး အပိုင်း ၂ တွင် ဆက်ဖတ်ပါ။

9 ခုကြွင်း သက်သေပြချက်

ကိန်းပြည့်တစ်လုံး (ဥပမာ 837) ကို 9 နှင့် စား၍ ပြတ်/မပြတ် သိနိုင်ရန်အတွက် တကယ် စားကြည့်ရန် မလိုအပ်ပဲ ၄င်း ကိန်းပြည့်တွင် ပါဝင်သော ဂဏန်းများ၏ ပကတိတန်ဖိုးများ ပေါင်းလဒ်ကို 9 နှင့် စားလို့ ပြတ်/မပြတ် စစ်ဆေးခြင်းဖြင့် သိနိုင်ကြောင်း (ဥပမာ 8 + 3 + 7 = 18 ဖြစ်ရာ 837 သည် 9 နှင့်စား၍ ပြတ်သည်) အခြေခံပညာတန်းတွင် သင်ကြား သိရှိပြီး ဖြစ်သည်။ သို့ရာတွင် ၄င်းသီဝရီ မှန်ကန်ကြောင်း သက်သေပြချက်ကို လူအများ သိရှိမှု နည်းပါးသဖြင့် ရေးသား တင်ပြအပ်ပါသည်။

သက်သေပြရန်။

ပေးထားသော ကိန်းပြည့်တစ်ခု Z = z₀ × 10⁰ + z₁ × 10¹ + z₂ × 10² + … + z_n × 10ⁿ အတွက်

မှီချက် f(Z) = f(z₀ + z₁ + z₂ + … + z_n) if z₀ + z₁ + z₂ + … + z_n > 9;

f(Z) = z₀ + z₁ + z₂ + … + z_n otherwise ဖြစ်ပါစေ။ Z mod 9 = f(Z) ဖြစ်ကြောင်း သက်သေပြပါ။

သက်သေပြချက်။

အစားသီဝရီ (Theory of Division a.k.a Procedure of Division) အရ မည်သည့်ကိန်းပြည့် Z ကိုမဆို Z = pq + r ပုံစံဖြင့် ဖေါ်ပြနိုင်ပါသည် (Z၊ p၊ q နှင့် r တို့သည် ကိန်းပြည့်များဖြစ်၍ r သည် q ထက်အမြဲငယ်သည်)။ ဤနေရာတွင် q = 9 ဖြစ်လျှင် မည်သည့်ကိန်းပြည့် Z ကိုမဆို Z = 9p + r အဖြစ် ပြောင်းရေးနိုင်သည်။ (၄င်း p နဲ့ r တို့သည် Z ကို q နှင့် စားလို့ရသည့် စားလဒ်နဲ့ စားကြွင်းဖြစ်ပြီး r သည် 9 ထက် အမြဲငယ်ကြောင်း သတိပြုပါ။) ထို့ကြောင့် ကိန်းပြည့် Z = 9p + r တိုင်းကို 9 နှင့် စားလျှင် p ရပြီး r ကြွင်းသည်။

မည်သည့် အပေါင်းကိန်းပြည့် k အတွက်မဆို 10^k = 9 × 10⁰ + 9 × 10¹ + … + 9 * 10^k-1 + 1 ဖြစ်သည်။ 9 ကို ဘုံထုတ်လျှင် 10^k = 9(10⁰ + 10¹ + … + 10^k-1) + 1 ဟုရလာမည်။

မှီချက် g(0) = 0; g(k) = 10⁰ + 10¹ + … + 10^k-1 ဖြစ်ပါစေ။ 10^k = 9g(k) + 1 ဖြစ်မည်။

Z = z₀ × 10⁰ + z₁ × 10¹ + z₂ × 10² + … + z_n × 10ⁿ

= z₀ (9g(0) + 1) + z₁ × (9g(1) + 1)
+ z₂ × (9g(2) + 1) + … + z_n × (9g(n) + 1)

= 9g(0)z₀ + z₀ + 9g(1)z₁ + z₁
+ 9g(2)z₂ + z₂ + … + 9g(n)z_n + z_n

= 9 (g(0)z₀ + 9g(1)z₁ + 9g(2)z₂ + … + 9g(n)z_n) + z₀ + z₁
+ z₂ + … + z_n

z' = z₀ + z₁
+ z₂ + … + z_n ဖြစ်ပါစေ။

ကိန်းပြည့် Z ကို 9 နှင့် စားလျှင် ရသည့် စားကြွင်းနှင့် z' ကို 9 နှင့်စားရင် ရသည့် စားကြွင်းတို့ အတူတူပဲ ဖြစ်ပါသည်။ တနည်းအားဖြင့် z' သည် 9 ထက်ငယ်ပါက Z ကို 9 နှင့်စားလျှင် ရတဲ့ စားကြွင်း Z mod 9 = z' ဖြစ်ပြီး z' သည် 9 ထက် မငယ်ရင်တော့ Z mod 9 = z' mod 9 ဖြစ်သည်။ မည်သို့ပင်ဖြစ်စေ z' သည် Z ထက် ငယ်ကိုငယ်သည်။ အဘယ်ကြောင့်ဆိုသော် ခုဂဏန်း n လုံးပေါင်းခြင်းသည် 9n ထက် ပိုမကြီးနိုင်ပဲ 9n သည် 10n ထက် ငယ်ကိုငယ်သောကြောင့် (အပေါင်းကိန်းပြည့် n တိုင်းအတွက် 10n သည် 10ⁿ ထက်မငယ်လျှင်ပင် တူနေသည်) ဖြစ်သည်။

ထို့ကြောင့် ကိန်းပြည့် Z ကို 9 ဖြင့်စားလျှင် ရမည့် စားကြွင်း = Z mod 9 = h(Z) = z' if z' < 9; h(z') otherwise; ဟူ၍ တပတ်လည် မှီချက် recursive function hကို အသုံးပြုကာ စားကြွင်း Z mod 9 ကိုရှာခြင်းသည် တချိန်ချိန်တွင် စုဆုံ (converge) မည်မှာ မုချဖြစ်ကြောင်း သိနိုင်သည်။

သို့ရာတွင် မှီချက် h= f ပင် ဖြစ်သဖြင့် f(Z) = Z mod 9 ဖြစ်ပါသည်။

ဆီချက်ခေါက်ဆွဲ လုပ်နည်း

ဆီချက်ခေါက်ဆွဲဆိုတာ မြန်မာတိုင်းသိတဲ့ အစားအသောက်တမျိုးပါ။ မူလကတော့ တရုတ်အစားအစာဖြစ်ပြီး တရုတ်လူမျိုးတွေ မြန်မာနိုင်ငံကို လာရောက်ရောင်းချရာကနေ တဖြည်းဖြည်း မြန်မာမှုပြုလိုက်တာ အခုဆိုရင် ကမ္ဘာပေါ်မှာ ဘယ်နိုင်ငံမှာမှ မရှိ၊ မြန်မာပြည်မှာသာရှိတဲ့ ဆီချက်ခေါက်ဆွဲဆိုပြီး ဖြစ်လာပါတော့တယ်။ (စင်ကာပူမှာတော့ ဆီချက်ခေါက်ဆွဲ၊ ကော်ရည်ခေါက်ဆွဲတို့နဲ့ အတော်ဆင်တူတဲ့ မလေးမှု ပြုထားတဲ့ ခေါက်ဆွဲတွေ တွေ့ရပါတယ်။) အချိန်ကုန်သက်သာ၊ ငွေကုန်သက်သာပြီး စားရတာအရသာရှိတဲ့ ဆီချက်ခေါက်ဆွဲ လုပ်နည်းကို ရွှေပွဲလာပရိသတ်ကြီးအတွက် ကပြဖျော်ဖြေ ... အဲလေ ... မှားလို့ စာရှုသူမိတ်ဆွေတို့အတွက် ရေးသားတင်ဆက်လိုက်ရပါတယ်။

ဆီချက်ခေါက်ဆွဲ (လူ ၃ ယောက်မှ ၆ ယောက်စာ) လုပ်ဖို့ လိုအပ်တဲ့ ပစ္စည်းတွေကတော့ ...

• ခေါက်ဆွဲပြား - ၃ - ၆ ခွက်စာ (အသင့်စားခေါက်ဆွဲတွေ ၀ယ်ပြုတ်လဲ ရပါတယ်။ ပိုတောင် အရသာ ကောင်းပါသေးတယ်။ ဆီနဲ့ကြော်ထားတာမဟုတ်တာကို ကျန်းမာရေးအတွက် ရွေးချယ်ပါ။)
• ၀က်နံရိုးသား (သို့မဟုတ်) ကြက်ရင်အုပ် - ၁၅ ကျပ်သား (၀က်ကတော့ ပိုကောင်းသပေါ့လေ)
• ကြက်သွန်ဖြူ - ၁ မြှောင့်၊ ၂ မြှောင့် (၃-၄ မြှောင့် ဟိဟိ)
• ဆီ - တမှုတ် (ကျန်းမာရေးနဲ့ ညီညွတ်သော နေကြာဆီကို သုံးစွဲသင့်ပါသည်။)
• ကြက်သွန်မြိတ် - ၁ ပင်၊ ၂ ပင် 
• ပဲငံပြာရည် (နောက်) - ၁ စားပွဲဇွန်း
• ပဲငံပြာရည် (ကြည်) - ၂ စားပွဲဇွန်း
• ဆန်ရှာလကာရည် - ၁ စားပွဲဇွန်း
• ဆား - အနည်းငယ် တို့ပဲ ဖြစ်ပါတယ်။

ကြက်သွန်ဖြူကို အခွံခွာ၊ ရေဆေးပြီး အပေါ်မှာ ပြထားသလို သေးသေးလေးတွေ လှီးပါ။ (ကြိတ်စက်ရှိရင် ထည့်ကြိတ်လိုက်ပါ။) ပြီးနောက် ကြွေပန်းကန် (ပလတ်စတစ်၊ မယ်လမင်း ပန်းကန် မသုံးပါနှင့်) တစ်လုံးထဲကို ထည့်ထားပါ။ ၀က်နံရိုးကို ရှာလကာရည်၊ ပံငံပြာရည် (ကြည်/နောက်) နှင့် ဆားတစ်ဇွန်းခန့်ထည့်ပြီး (အောက်ကပုံအတိုင်း) နယ်ပါ။ ဒယ်အိုးတစ်လုံးထဲကို ဆီထည့်ပြီး မီးဖိုပေါ်တင် အပူပေးပါ။

ဆီပူပြီး အငွေ့ထွက်လာရင် စောစောတုန်းက ကြက်သွန်ဖြူပန်းကန်ထဲကို (အိုးဖင်ကပ် ဇွန်းတ၀က်စာလောက် ချန်ပြီး) လောင်းထည့်လိုက်ပါ။ ဒီအပိုင်းဟာ အလွန်အရေးကြီးပါတယ်။ ကြက်သွန်ကို ဆီပူအိုးထဲထည့် ကြော်ရတာ အင်မတန်ခက်ပါတယ်။ အကြော်မတတ်ရင်၊ အလေ့အကျင့်မရှိရင် ကြက်သွန်ဟာ အမြဲတူးပါတယ်။ (ငရုတ်သီးဆီချက်ချက်ဖို့လဲ ဒီနည်းကို အသုံးပြုနိုင်ပါတယ်။) ဆီအငွေ့တထောင်းထောင်း ထွက်နေဖို့တော့ လိုအပ်ပါတယ်။ ဆီကိုလောင်းထည့်ပြီး တအောင့်လောက် အကြာမှာ အောက်မှာပြထားသလို ရွှေရောင်လေးနဲ့ ကြက်သွန်ဆီချက် ကျက်သွားပါလိမ့်မယ်။

အိုးကို မီးဖိုပေါ်ပြန်တင်ပါ။ စောစောက နယ်ထားတဲ့ ၀က်နံရိုးနဲ့ ငံပြာရည်တွေ၊ ရှာလကာရည်တွေအားလုံးကို အိုးထဲလောင်းထည့်ပါ။ နည်းနည်းမွှေပေးပြီး ရေတခွက်လောက် လောင်းထည့်ပါ။ ရေခမ်းစပြုတဲ့အထိ စောင့်ကြည့်ရင်း ခဏခဏ မွှေပေးပါ။ ရေခမ်းပြီဆိုရင် ရေထပ်ထည့်ပြီး နာရီဝက်လောက်ကြာအောင် ချက်ပါ။ ရေတွေအရမ်းများအောင် လောင်းမထည့်ပါနဲ့။ အရသာမကောင်းပဲ ဖြစ်တတ်ပါတယ်။

နာရီဝက်လောက်ကြာအောင် စောင့်ပြီး ချက်ရမှာပျင်းရင် ပထမတခါ ရေနည်းနည်းခမ်းတာနဲ့ မိုက်ခရိုဝေ့ဖ်မီးဖိုထဲ ထည့်ပြီး ချက်လိုက်လဲ ရပါတယ်။ မီးအပြင်းဆုံးနဲ့ ၃ မိနစ်ကနေ ၅ မိနစ်အထိ အသားရဲ့ အနေအထားပေါ်လိုက်ပြီး ချက်ရပါမယ်။ မိုက်ခရိုဝေ့ဖ်ထဲကို သတ္တုအိုးတွေမထည့်ဖို့၊ မိုက်ခရိုဝေ့ဖ်နဲ့ ချက်လို့ရတဲ့ အာမခံဘူးကိုပဲ သုံးဖို့ သတိထားပါ။ ရေအရမ်းခမ်းသွားရင် ဆီအပူရှိန်အရမ်းမြင့်သွားတတ်လို့ ရေခမ်းရင် ရေဖြည့်ပေးဖို့ မမေ့ပါနဲ့။

အသားကျက်အောင် ချက်ပြီးရင် အောက်မှာပြထားသလိုရအောင် အသားကို လှီးပါ။ (တောက်တောက်မစဉ်းပါနဲ့။ လှီးတာကို ကြွက်သားမျှင်အတိုင်း မလှီးပါနဲ့။ အဲဒါဆို ရှည်ရှည်ဖတ်တွေပဲ ရတတ်ပါတယ်။ ကြွက်သားမျှင်တွေကို ကန့်လန့်လှီးပါ။)

စိတ်မရှည်ဖြစ်နေပြီလား။ မပူပါနဲ့။ ပြီးတော့မှာပါ။ ကြက်သွန်မြိတ်ကို ရေဆေးပြီး သေးသေးလေးတွေ လှီးပါ။ ပြင်ပေးမဲ့ ပန်းကန်ထဲမှာ ၀က်နံရိုးဟင်းက အရည်ရယ်၊ ဆီချက်ဖတ်ရယ် (ဆီတွေ မယူပါနဲ့ ကျန်းမာရေးအတွက် မကောင်းဘူး) ဆားနည်းနည်းရယ်ထည့်၊ စဉ်းထားတဲ့ အသား တော်သင့်ရုံနဲ့ ခေါက်ဆွဲကိုထည့်ပြီး ရောမွှေပေးပါ။ မွှေပြီးရင် အပေါ်မှာ ကြက်သွန်မြိတ်ဖတ်လေးတွေ ဖြူးလိုက်ရင် ဆီချက်ခေါက်ဆွဲ ရပြီပေါ့။ လွယ်တယ်၊ မြန်တယ်၊ အကုန်အကျ သက်သာတယ် (အသား ၁၅ ကျပ်သားပဲလေ၊ ကျန်တာက သိပ်ဈေးမကြီးဘူး) နော်။ ဒါကြောင့် ခေါက်ဆွဲဆိုင်ဖွင့်တဲ့ တရုတ်တွေ မြန်မြန်ချမ်းသာကြတာနေမှာ။

(ချက်ပြီးခါနီးမှ သတိရလို့ ပုံမှာ ကြက်သွန်မြိတ်မပါပါ။)

ဖော်ဖော်ရွေရွေ စင်ကာပူတွေ

ဖော်ရွေတတ်တာ၊ အေးစက်စက်နိုင်တာ၊ ရိုင်းပြတာ၊ ယဉ်ကျေးတာဆိုတာတွေဟာ ကမ္ဘာပေါ်က လူသားအားလုံးနဲ့ ဆိုင်တဲ့ လူ့အရည်အသွေးတွေပါ။ ဘယ်လူမျိုး၊ ဘယ်ဒေသ၊ ဘယ်အဖွဲ့အစည်းက လူတွေကတော့ ရိုင်းတယ်၊ ယဉ်ကျေးတယ်၊ ပျူငှာတယ်၊ ဖော်ရွေတယ် စသဖြင့် သတ်မှတ်ပြောဆိုလို့ မရကောင်းပါဘူး။ ဘယ်နေရာမှာမဆို လူအမျိုးပေါင်း စုံနေအောင် တွေ့ရမှာပါပဲ။ စာရေးသူတွေ့ခဲ့ဖူးတဲ့ ဖော်ရွေတတ်တဲ့ စင်ကာပူနိုင်ငံသားတွေအကြောင်းကို ပြန်ပြောင်းပြောပြပါမယ်။

နမော်နမဲ့နိုင်တတ်တဲ့ မောင်လောရှည်ဟာ ဘဏ်ကနေ ပိုက်ဆံထုတ်ဖို့ကို မကြာခဏမေ့တတ်ပြီး အိတ်ထဲ ပိုက်ဆံမပါတာကိုတောင် တခါတလေ သတိမထားမိတတ်ပါဘူး။ အဲဒါနဲ့ပဲ အိတ်ဟောင်းလောင်းနဲ့ ကျောင်းစားသောက်ဆိုင်မှာ စားစရာမှာ စားပါတော့တယ်။ စားစရာရောက်လာလို့ ပိုက်ဆံထုတ်ပေးမယ်လဲ ကြည့်လိုက်ရော ပိုက်ဆံက တပြားမှ ပါမလာဘူး။ ဒါပေမဲ့ အဲဒီဆိုင်က စားနေကျ ပါစတာ (အီတာလျံခေါက်ဆွဲ) ဆိုင်ဖြစ်နေတော့ကာ ဆိုင်ရှင်တရုတ်ကြီးက ကဲ ကဲ အလကားစားသွား၊ နောက်ကြုံမှပေးတော့လို့ ပြောပါတော့တယ်။ မောင်လောရှည်ကလဲ စားတာပဲ။ နောက်တနေ့ကျ သတိတရနဲ့ သွားပေးတော့ ကျေးဇူး၊ ကျေးဇူးနဲ့။ (အဲဒီ တရုတ်ကြီးက အင်္ဂလိပ်လို အတော်ကောင်းကောင်း ပြောတတ်တယ်။ လူတွေအများကြီး တန်းစီနေတုန်း မှာတာတွေ ပွဲ ၂၀ လောက် ဦးဏှောက်ထဲ မှတ်ထားပြီး မမှားအောင် ပေးတတ်တယ်။ တခြား စားသောက်ဆိုင်ဖွင့်တဲ့လူတွေနဲ့ သိပ်မတူဘူး။)

နောက်တခါကတော့ ထောပတ်ထမင်းရောင်းတဲ့ (ဟုတ်တယ်၊ မြန်မာထောပတ်ထမင်းနဲ့ တူတယ်။) အရှေ့အလယ်ပိုင်းဆိုင်မှာပါ။ ညဘက် ကျောင်းမှာ ညနက်တဲ့အထိ စာလုပ်ရင်းစားဖို့ စမူဆာ သွားသွားဝယ်နေတော့ ကုလားနဲ့ (တရုတ်ကြီးလောက် မဟုတ်ပေမဲ့) နည်းနည်း ရင်းနှီးပြီး မျက်မှန်းတန်းမိနေတယ်။ သောကြာနေ့ တစ်နေ့ ညနေပိုင်း (အဲဒီနေ့က ပိုက်ဆံထုတ်ဖို့ မမေ့ဘူး။) ကုလားကို ပိုက်ဆံထုတ်ပေးတော့ ဒေါ်လာ ၅၀ တန်ကြီးဖြစ်နေတယ်။ ကုလားကလဲ ဆိုင်သိမ်းဖို့ ပိုက်ဆံတွေအကုန် သော့ခတ်ပြီးနေတော့ ပြန်အမ်းစရာမရှိလို့ နောက်မှ ပေး ဆိုပြီး စမူဆာတွေ ထည့်ပေးလိုက်တာပဲ။ နောက်နေ့တွေကျတော့ ကျောင်းမရောက်ဖြစ်တာနဲ့၊ ရောက်ဖြစ်တော့လဲ အဲဒီဆိုင်မှာ မစားဖြစ်၊ စားဖြစ်တော့လဲ မေ့နဲ့ ၂ ပါတ်လောက်ကြာမှ ကုလား အကြွေးပြန်ရရှာတယ်။

သူတို့က စားနေကျ ဖောက်သည်မို့လို့၊ မြင်ဖူးနေလို့ ထားပါတော့။ ဒီနေ့တော့ ညကလဲ နည်းနည်းနက်နေတော့ နီးတဲ့ဆိုင်တွေမှာ စားစရာမရှိတော့တာနဲ့ နည်းနည်းဝေးတဲ့ စားနေကျ မဟုတ်တဲ့ ဆိုင်တွေနားကို မောင်လောရှည် ချီတက်ပါတယ်။ စားစရာမှာပြီးမှ သတိရလိုက်တာက ပိုက်ဆံ အတော်ခမ်းနေပြီ၊ လောက်ပါ့မလား။ စားနေကျဆိုင်လဲ မဟုတ်တော့ ဘယ်လောက်ကျလဲ မသိဘူးလေ။ ပိုက်ဆံ ပြေးထုတ်ဖို့ကလဲ အတော်ဝေးတာဆိုတော့ အယ် ဆိုပြီး အသံထွက်လို့ ရှိတဲ့ အကြွေတွေကို နှိုက်ထုတ်နေတာကိုမြင်တော့ မောင်လောရှည်ကို တခါမှ မမြင်ဖူးတဲ့ တရုတ်မက ကဲပါ ... ပိုက်ဆံ မပါလဲ စားသွား၊ နောက်မှပေးလဲ ရတယ်လို့ ပြောပါတော့တယ် (ရှက်လိုက်တာနော်)။ ဒါပေမဲ့ ကံက ကောင်းချင်တော့ စားစရာတွေက သိပ်ဈေးမကြီး၊ ချောင်ကြားမှာ ကပ်နေတဲ့ ၂ ဒေါ်လာတန်တစ်ရွက်ထွက်လာတော့ (ဟုတ်တယ်၊ စင်ကာပူမှာ ထူးထူးဆန်းဆန်း ၂ ဒေါ်လာတန် သုံးတယ်။) အဆင်ပြေသွားပါတယ်။ (တကယ်လို့များ ပိုက်ဆံ တကယ်ပါမလာလို့ကတော့ မျက်နှာပြောင်နဲ့ တီးပြီး နောက်နေ့မှ သွားပေးရမှာ။)

သြော် ... စင်ကာပူမှာလဲ ငွေ၊ ငွေ၊ ငွေပဲ ကြည့်မနေပဲ ဖော်ရွေတတ်သူတွေ ရှိပါလားနော်။

ထေရ၀ါဒဆိုသည်မှာ

ဂျေဂျူဝိုင် တွင် ဖော်ပြခဲ့သော ဆောင်းပါးကို လောရှည် - ကတဲ့ပွဲ၏ မူနှင့် ကိုက်ညီသောကြောင့် မူရင်းရေးသားသူ ခွင့်ပြုချက်ဖြင့် မူရင်းအာဘော်အတိုင်း (အနည်းငယ် တည်းဖြတ်၊ ဖြည့်စွက်ကာ) ပြန်လည်ဖော်ပြပါသည်။

ဘုရားရှင် ဟောကြားခဲ့တဲ့ တရားတော်များကို ဒီအတိုင်း ဆက်လက်တည်မြဲသွားဖို့ ရည်ရွယ်ချက်နဲ့ ရှင်မဟာကဿပ ဦးဆောင်ကာ ပထမသင်္ဂါယနာတင်ပြီး သိပ်မကြာခင်မှာ ဗုဒ္ဓရဲ့ သာသနာဟာ နှစ်ပိုင်း ပိုင်းသွားခဲ့ပါတယ်။ တစ်ပိုင်းက

(၁) ပြောသံကြားဖြင့် အမှန်မယူရ။
(၂) အစဉ်အဆက်စကားဖြင့် အမှန်မယူရ။
(၃) ဤသို့ဖြစ်ဖူးသည် ဆိုကာမျှ အမှန်မယူရ။
(၄) စာပေနှင့်ညီညွတ်သည် ဆိုကာမျှ အမှန်မယူရ။
(၅) ကြံဆတွေးတောယူခြင်းဖြင့် အမှန်မယူရ။
(၆) နည်းမှီယူခြင်းမျှဖြင့် အမှန်မယူရ။
(၇) အခြင်းအရာကို နှစ်သက်သဖြင့် အမှန်မယူရ။
(၈) ငါ့အယူအဆနှင့်တူသည် ဆိုကာမျှ အမှန်မယူရ။
(၉) မှတ်သားထိုက်သည် ဆိုကာမျှ အမှန်မယူရ။
(၁၀) လေးစားထိုက်သူစကား ဆိုကာမျှ အမှန်မယူရ။ (ကာလမ သုတ္တံ)

ဆိုတဲ့ ဘုရားရှင်ရဲ့ စကားကိုယူပြီး သိပ္ပံနည်းကျတွေ သဘာဝယုတ္တိတွေနဲ့ ကိုက်ညီမှ လက်ခံမယ်ဆိုပြီး ဘုရားရှင်စာပေကို ပြုပြင်ရဲခဲ့ကြတယ်။

ဘုရားရှင်ရှိတုန်းကလည်း ဖြစ်ခဲ့ဖူးပါတယ်။ အရိဋ္ဌရဟန်းနဲ့ ကဏ္ဋကသာမဏေတို့လေ။ ဘုရားရှင်က ပထမပါရာဇိကကို သတ်မှတ်တာ မဖြစ်နိုင်ဘူး။ ဒါဟာ ရဟန်းသံဃာတွေကို သက်သက်ညှင်းဆဲတာဖြစ်ပါတယ် လို့ ဘုရားရှင်ကို ပြန်လည် စွပ်စွဲခဲ့ကြတယ်။ သူတို့ ပြန်စွပ်စွဲတာလည်း သာဓက အခိုင်အလုံနဲ့ပဲ။ ဘုရားရှင် ရှိတုန်းမို့လို့သာပေါ့။ နို့မို့ဆို အဲဒီဝါဒဟာ ခုထက်ထိ ကျန်ပြီး လက်ခံသွားနိုင်တဲ့ အနေအထားထိ ခိုင်မာခဲ့ပါတယ်။

ဒါပေမယ့် ဘုရားရှင် ပရိနိဗ္ဗာန်စံဝင်ပြီး နောက်ပိုင်း ပညာဂရုကပုဂ္ဂိုလ်တွေက ခေတ်နဲ့ မညီတာ သဘာဝမကျတာကို ကျပ်တည်း ကျဉ်းမြောင်းတဲ့ ပိဋကတ်တော်ထဲက ထုတ်နှုတ်ပြီး သူတို့ လိုတာကို ချန်ထားခဲ့တယ်။ တချို့တ၀က် မိမိ အယူအဆထည့်သွင်းတယ်။ ကာလနဲ့ လျှော်တဲ့ ဒေသနဲ့ ကိုက်ညီတဲ့ လူတိုင်း လက်ခံနိုင်တဲ့ လူပြိန်းနားလည်တဲ့ ခပ်လွယ်လွယ် ၀ါဒတွေကို မူလပိဋကတ်နဲ့ ညှိထုတ်တယ်။ လမ်းခွဲတယ်။ အဲဒီပုဂ္ဂိုလ်တွေက သာမာန်ပုဂ္ဂိုလ်တွေ မဟုတ်ဘူး။ ပညာတတ်တွေ ပညာရှင်တွေ ဖြစ်ကြတယ်။ ဘယ်လိုပညာရှင်တွေလည်း ဆိုတော့ ဘုရားရှင်လည်း လူပဲ။ ငါတို့လည်းလူပဲ ဆိုပြီး ကိုယ့်ကိုယ်ကိုယ် အထင်ကြီးနေတဲ့ လူတွေပေါ့။ အဲဒီပုဂ္ဂိုလ်တွေ တွေးခေါ်လိုက်တာ ပိဋကတ်တော်စာတွေကလည်း ပိဋကတ်တော်နဲ့ မဆိုင်လောက်အောင် ကွဲထွက်သွားခဲ့ပါတယ်။

ဒီလိုလေ။ ဘုရားရှင်တောထွက်တော့ အတိတ်က သူငယ်ချင်းဟောင်း ဃဋိကာရဗြဟ္မာကြီးက သင်္ကန်းလာကပ်တယ် လို့ ဆိုပါစို့။ စာထဲမှာ လာတာတော့ ဟုတ်ပါတယ်၊ ခု ခင်ဗျား ဗြဟ္မာကြီး ဆိုတာ တွေ့ဖူးလား၊ အတိတ်က သူငယ်ချင်းဟောင်းဆိုတော့ ဂမ္ဘီရ၀တ္ထုလိုလို ဖြစ်နေတယ်၊ ရှေးရိုးဆန်လိုက်တဲ့ လူတွေ၊ ရှေးက ဒီစာရေးတာလည်း ပုထုဇဉ်ပဲ၊ ငါတို့လည်း ပုထုဇဉ်ပဲ၊ ရှေးစာရေးတဲ့လူက အတွေးတော်တော်လေး ခေါင်လို့ မတွေးတတ်လို့ ဗြဟ္မာ ဆိုတာ ထည့်လိုက်တာ၊ တကယ်တော့ တောပဲ၊ အိုးထိန်းသည်ပဲ ဖြစ်ရမယ်ပေါ့။ ဘုရားရှင် တာဝတိံသာကို ကြွတယ် တဲ့၊ တာဝတိံသာ ဆိုတာက ဘယ်နားမှာတုန်း၊ သိကြားမင်းဆိုတဲ့ သူကို ဘယ်သူမြင်ဖူးတုန်း၊ မြင်းမိုရ်တောင်တဲ့၊ အဓိပ္ပါယ်မရှိလိုက်ပုံ၊ ဒီကမ္ဘာမှာ ဟိမ၀န္တာတောင်ပဲ ရှိတာ ခင်ဗျားတို့ အသိသားနဲ့ စသဖြင့် ရှေးစာတတ်တွေဟာ မဖြစ်နိုင်တာတွေ ရေးထားတယ်၊ ဒါကြောင့် ပယ် စသဖြင့် ပယ်ရဲကြတယ်ပေါ့။

ဒီလိုသာ ဒီလောက သဘာဝနဲ့ တိုက်ယူနေမယ်ဆိုရင် ဈာန်အရာ၊ ကံအရာ၊ မဂ်ဉာဏ်အရာ၊ ဖိုလ်ဉာဏ်အရာတွေ ဘယ်ကျန်တော့မလဲ။ ဂုဏ်တော်တွေ ဘယ်ကျန်တော့မလဲ။ ငါးရာ့ငါးဆယ်တွေ ဓမ္မပဒတွေက ယုတ္တိစားလို့ ကုန်သွားမယ်။ ထေရ၀ါဒ သာသနာခုထိ မြဲနေတာက ဘုရားရှင်ဟောတဲ့ ဒေသနာကို ခုထက်ထိ မြဲမြဲ ဆုတ်ကိုင်ထားနိုင်လို့ပါပဲ။ ၀ါဒ တစ်ခု ပေါ်ပေါက်လာရင် ပါဠိတော် အဋ္ဌကထာနဲ့ညှိတယ်။ ရှုပ်ထွေးလာရင် မဟာပဒေသလေးပါးနဲ့ ညှိတယ်။ ၀ါဒ တစ်ခုကို တည်ထောင်ပြီဆိုရင် ကျမ်းဂန်အဆူဆူနဲ့ တိုက်ဆိုင်နိုင်ရမယ်။ ဟိုကျမ်းနဲ့ မငြိနဲ့။ ဒီကျမ်းနဲ့ မတိုက်နဲ့ လို့ ပြောလို့ မဖြစ်ဘူး။ (လိုချင်တာလေးပဲ ကွက်ယူလို့ မဖြစ်ဘူး။) ယုတ္တိယုတ္တာနဲ့ စစ်ချင်ပါတယ်ဆိုရင်တော့ ကိုယ့်ကိုယ်ကိုယ် မဟာယနလို့သာကြေငြာ ပေတော့။

ဒီတော့ ထေရ၀ါဒက မျက်ကန်းဝါဒလို ဖြစ်နေတယ်လို့ ပြောချင်ရင် ပြန်စဉ်းစားရမယ်။ ကျမ်းပြုပုဂ္ဂိုလ်ရဲ့ ဉာဏ်အဆင့်အတန်းနဲ့ ကိုယ့်ဉာဏ် အဆင့်အတန်း စိစစ်ရမယ်။ ကျမ်းပြု ပုဂ္ဂိုလ်ကို ဗုဒ္ဓဃောသလို့ ချီးကျူးထားတာက သူ့ကိုယ်သူ ချီးကျူးထားတာ မဟုတ်ဘူး။ လူတစ်ဦး တစ်ယောက်ရဲ့ အကူအညီနဲ့ ချီးကျူးထားတာလည်း မဟုတ်ဘူး။ ကျမ်းဂန်ကို ပုတ်ခတ်ခဲ့မယ် ဆိုရင် မကြာခင် သာသနာကွယ်ပါလိမ့်မယ်။ ကျမ်းဂန်ထဲက ကိုယ်လိုတာလေးကို ဆွဲထုတ်နေမယ် ဆိုရင် မကြာခင် သာသနာကွယ်ပါလိမ့်မယ်။

ဥပမာ…

ကန်ပေါင်ရိုးတစ်ခု ရေကာတာတစ်ခု ယိုပေါက်နေမယ်ဆိုရင် လက်ညိုးလေးလောက်ပဲ ဆိုပြီး ပစ်ထားလို့ မရသလို ထေရ၀ါဒမှာ အယူမှား အတွေးမှားတွေ ကျမ်းစာကို တစ်စိတ်တစ်ပိုင်း ဖြတ်ယူမှုတွေ ကျမ်းစာပယ်မှုတွေ ပေါ်ပေါက်လာရင် ဒီတိုင်း ပစ်ထားလို့ မရပါဘူး။ ကန်ပေါက်ရိုးတစ်ခု ရေကာတာတစ်ခုမှာ လက်ညိုးလောက် အပေါက်လေးဟာ တဖြည်းဖြည်း ကျယ်လာပြီး တိုက်စားမှုတွေ ကြီးလာမယ်။ နောက် ကန်ပေါင်ရိုးတွေ ကျိုးသွားမယ်။ အဲဒီလို ဆက်ကြည့်နေမယ်ဆိုရင် ကန်ထဲမှာ ရေကုန်သွားသလို ဗုဒ္ဓကျမ်းဂန်စစ်တွေ ပျောက်သွားမယ်။ ယုတ္တဗေဒနှင့် ညှိနှိုင်းရင်း သဘာဝယုတ္တိနှင့် ညှိနှိုင်းရင်း ယိုပေါက်တွေ များလာရာက သာသနာဟာ ဒီလူတွေ လက်ထက်မှာ ပျက်သွားလိမ့်မယ်။ သာသနာ့သမိုင်းကို ပြန်လိုက်တဲ့အခါ ဘယ်သူ့လက်ထက်တုန်းကပေါ့ လို့ သမိုင်းဆိုး မကျန်ရစ်ချင်ရင် သာသနာ့ အမှိုက်သရိုက်တွေကို ချက်ချင်းလက်ငင်းရှင်းသင့်ပါတယ်။ ပုဂံခေတ်တုန်းက လူတွေလည်း သူတို့သမိုင်းကျန်ရစ်ဖို့ဆိုပြီး စေတီတည်ခဲ့တာ မဟုတ်ပါဘူး။ ဒါပေမယ့် နှစ်ပေါင်းများစွာ ကြာလာတော့ အားလုံးဟာ သမိုင်းဖြစ်သွားခဲ့တာပါ။

ဂျေဂျူဝိုင်

လောရှည် မှတ်ချက် ။ ။ ယခုအခါတွင် မြန်မာနိုင်ငံတွင် ပစ္စုပန္န ကမ္မ ဗုဒ္ဓ၀ါဒဟုခေါ်သော ဗုဒ္ဓဘာသာဂိုဏ်းကွဲတစ်ခု ပေါ်ထွန်းနေသည်ဟု သိရပါသည်။ အဆိုပါ ဂိုဏ်းသည် ယခင်ရှိပြီး ဗုဒ္ဓဘာသာ ဂိုဏ်းများနှင့် ကွဲလွဲအောင် သင်္ဃန်းမိုးပြာရောင်ကို ဆင်မြန်းမည်ဟု ပြောသော်လည်း အချို့သော ဂိုဏ်းဝင်သံဃာများသည် ယနေ့ထက်တိုင် ထေရ၀ါဒ ဗုဒ္ဓဘာသာ သံဃာတို့ ၀တ်ဆင်သော သင်္ဃန်းကိုသာ ဆက်လက် ၀တ်ဆင်လျှက် ၄င်းတို့အယူအဆများဖြစ်သော သံသရာဆိုသည်မှာ စိတ်အတွင်းတွင်သာ ဖြစ်သည်၊ ငရဲဘုံ၊ နတ်ဘုံဆိုသည်မှာလဲ စိတ်အတွင်းပင်သာ ဖြစ်သည်၊ ဘ၀ကူးသည်ဆိုသည်မှာလဲ စိတ်အတွင်းတွင်သာ ကူးသည်။ သေပြီး ဆက်ဖြစ်၊ မဖြစ် ငါတို့မသိ၊ ၀ိပဿနာသည် ဘုရားဟောမဟုတ်၊ သာသနာပ ဈာန်အကျင့်နှင့် တူတူဖြစ်သည်၊ မလွန်ကျွံလျှင် သေရက်ကိုပင် မှီဝဲကောင်းသည်၊ သာသနာ့ဝန်ထမ်းသည်လဲ အိမ်ယာထူထောင်ကောင်းသည် စသည်တို့ကို ဟောပြောလျှက်ရှိကြောင်း ကြားသိရပါသည်။ မြန်မာဘာသာနှင့် ရေးသားထားသော ဗုဒ္ဓဘာသာ စာအုပ်၊ စာတမ်းတိုင်း ထေရ၀ါဒ မဟုတ်ကြောင်း၊ အချို့သော မဟာယနကျမ်းများကို ဘုံကျောင်းများမှ ဖြန့်ဝေရာတွင်နှင့် အထက်ဖော်ပြပါ ပစ္စုပန္န ကမ္မ ဗုဓ္ဒ၀ါဒ ကျမ်းစာစောင်များ အားလုံးကို မြန်မာလိုရေးသားထားပြီး တူညီသော ပီဋကတ်များကို မှီငြမ်းထားသဖြင့် လွယ်ကူစွာ ရောထွေးနိုင်ရာ ဗုဒ္ဓဆိုသော မြန်မာစာလုံးမြင်တိုင်း ထေရ၀ါဒ ဗုဒ္ဓဘာသာ အယူအဆများ၊ ကျမ်းစာအုပ်များ မဟုတ်ကြောင်း စာရှုသူတို့ကို အလေးအမြတ် သတိပေးလိုက်ရပါသည်။

မိုးကြိုး အန္တရာယ်ကာကွယ်ရေး သိကောင်းစရာ

The Voice Weekly Journal (June 8 2009) မှာ ရန်ကုန်တိုင်း၊ လှိုင်သာယာမြို့နယ်၊ လယ်ကွင်းတစ်ခုအတွင်း ဂဏန်းနှိုက်နေစဉ် မိုးကြိုးပစ်ခံရလို့ တစ်ဦးသေဆုံးပြီး ၃ ဦး ဒဏ်ရာရရှိကြောင်း ဖတ်ရှုရပါတယ်။ ဒါကြောင့် မိုးကြိုးအန္တရာယ်ကာကွယ်ရေး ဆောင်းပါးကို ရေးသားတင်ဆက်လိုက်ရပါတယ်။

ဆံပင်ထောင်သလား၊ သတိထား

ပထမဆုံး သိရမှာက မိုးကြိုးမုန်တိုင်းကျရောက်စဉ်မှာ မိမိမှာ အန္တရာယ်ရှိမရှိ သုံးသပ်ဖို့ လိုအပ်ပါတယ်။ နားလည်ရအလွယ်ကူဆုံးကတော့ ၃၀/၃၀ စည်းမျဉ်းပါပဲ။ မိုးကြိုးပစ်တဲ့ အလင်းရောင် ဖြတ်ကနဲ မြင်လိုက်ရတဲ့အချိန်ကစပြီး ရေတွက်လို့ စက္ကန့် ၃၀ အတွင်းမှာ မိုးကြိုးပစ်သံကို ကြားရရင် စက်ကွင်းမလွတ်ဘူး၊ အန္တရာယ်ရှိလာတော့မယ်လို့ သိရပါမယ်။ (မိုးကြိုးမုန်တိုင်းကျတဲ့ ဧရိယာဟာ ၆ မိုင်လောက် ရှိတတ်ပြီး မိုးကြိုးပစ်သံဟာ ၅ စက္ကန့်ကို ၁ မိုင်သွားတာမို့ စက္ကန့် ၃၀ အတွင်းဆိုရင် မလွတ်ဘူး ပြောတာပါပဲ။) ဒါပေမဲ့ ဒီလို တိုင်းတာဟာ မိုးကြိုး အဆက်မပြတ် ပစ်နေတဲ့အခါမျိုးမှာ အသုံးမ၀င်နိုင်ပါဘူး။ သင့်ဘေးက လူ ဆံပင်တွေ ထောင်နေရင်၊ သင့်ဆံပင်တွေ တင်းနေပြီဆိုရင် အန္တရာယ်နဲ့ အရမ်းနီးနေပြီဟု သိပါ။

ကားထဲမှာ ငြိမ်ငြိမ်နေ၊ လျှောက်မကိုင်နဲ့

မုန်တိုင်းကျလို့ မိုးကြိုးပစ်မဲ့ အလားအလာကို တွေ့ရပြီဆိုရင် ခိုနားစရာ ချက်ချင်း ရှာရပါမယ်။ (များသောအားဖြင့် မိုးလဲ ရွာနေတတ်ပါတယ်။) သစ်ပင်မြင့်မြင့်တွေမှာ ခိုဝင်ခြင်းဟာ အန္တရာယ်မကင်းဘူးဆိုတာ လူအများသိပြီး ဖြစ်ပါတယ်။ မိုးကြိုးပစ်တယ်ဆိုတာ ကောင်းကင်ပေါ်က လျှပ်စစ်လုံးကြီး ကျလာတာမဟုတ်ပဲ ကောင်းကင်က လျှပ်စစ်ငုတ် (တိမ်တိုက်) နဲ့ မြေပြင်ပေါ်က လျှပ်စစ်ငုတ်အကြား ဗို့အားမြင့် လျှပ်စစ်စီးသွားတာပါပဲ။ ချွန်ထက် မြင့်မားတဲ့ အရာတွေဟာ အဲဒီလို လျှပ်စစ်စီးဖို့ လွယ်တဲ့အတွက် သစ်ပင်အောက်မိုးမခိုနဲ့၊ ထီး (သံချွန်ပါတဲ့ထီး) မဆောင်းနဲ့၊ ဓာတ်တိုင်တွေနားမှာ မနေနဲ့ လို့ ပြောကြတာပါပဲ။ မိုးကြိုး မုန်တိုင်းကျရောက်နေစဉ်မှာ ခိုင်ခံ့တဲ့ အဆောက်အဦ (မိုးကြိုးလွှဲ စနစ်တကျ တပ်ဆင်ထားလျှင် ပိုကောင်းသည်) အတွင်းသို့ ၀င်ရောက် ခိုနားသင့်ပါတယ်။ ပြတင်းပေါက်များနဲ့ သတ္တုပစ္စည်းများနဲ့ ဝေးဝေးနေပါ။ အိမ်ထဲမှာမို့ အေးဆေးဆိုပြီး ပလပ်တပ်ထားတဲ့ လျှပ်စစ်အသုံးအဆောင် (တီဗွီ၊ ရေခဲသေတ္တာ) တို့ကို ကိုင်တွယ်ခြင်း မပြုရပါဘူး။ (ဖြစ်နိုင်ရင် အဲဒီပစ္စည်းတွေကို ကြိုးဖြုတ်ထားခြင်းဖြင့် ပစ္စည်းပျက်စီးမှုကို ကာကွယ်နိုင်ပါတယ်။ ကြိုလုပ်ပါ။) အနီးပတ်ဝန်းကျင်မှာ ခိုင်ခံ့တဲ့ အဆောက်အဦမရှိခဲ့လျှင် မော်တော်ကားအတွင်းသို့ဝင်ပြီး ကားမှန်များကို အကုန်တင်ထားပါ။ (သတိ၊ မိုးပွင့်ကားလှလှလေးများကို မဆိုလိုပါ။) မော်တော်ကားသည် သံကွန်ချာကဲ့သို့ ဖြစ်နေသဖြင့် သင့်အား မိုးကြိုးကြောင့် ဓာတ်လိုက်သေဆုံးခြင်းမှ ကာကွယ်ပေးမှာ ဖြစ်ပါတယ်။ သတ္တုနဲ့ ပြုလုပ်ထားတဲ့ ကားမောင်းခွေ (steering wheel)၊ ဂီယာပြောင်းတံတို့ကို မကိုင်ရန်လဲ သတိထားပါ။ ကားအတွင်းရှိ ရေဒီယိုကိုလဲ မဖွင့်သင့်ပါ။

ဝမ်းလျားမှောက်မနေပါနဲ့

ကွင်းပြင်အတွင်းမှာ ခိုကိုးရာမဲ့ ဖြစ်နေပြီဆိုပါက ဆောင့်ကြောင့်ထိုင်ချပြီး ဖနောင့်နဲ့ မြေကြီးကို သေချာထိထားပါ။ သင့်နားရွက်ကို သင်ကိုင်ထားပြီး လုံးလုံးလေး ဖြစ်နေပါစေလို့ သိပ္ပံပညာရှင်များက ဆိုပါတယ်။ အများပြောသလို ဗိုက်နဲ့ မြေကြီးထိပြီး ၀မ်းလျားမှောက်မနေပါနဲ့။ ၀မ်းလျားမှောက်နေခြင်းကြောင့် သင့်အား မိုးကြိုးတည့်တည့်မပစ်သော်လည်း သင့်ဘေးက မြေပြင် (သို့မဟုတ်) သစ်ပင်စသည်တို့ကို ပစ်လို့ စက်ကွင်းမလွတ်ခဲ့လျှင် သင့်ဝမ်းတွင်း ကလီစာများအားလုံး ဓာတ်လိုက်ခံရမှာ ဖြစ်ပါတယ်။ ဒါဆိုရင် မိုးကြိုးအပစ်မခံရသော်လည်း အသက်သေဆုံးနိုင်ပါတယ်။ သိပ္ပံလက်တွေ့ စမ်းသပ်ခန်းတစ်ခုမှာ စမ်းပြတာကတော့ ချွန်နေတဲ့ သတ္တုတံနဲ့ လုံးနေတဲ့ သတ္တုလုံးကို မိုးကြိုးပစ်စေရာ (၂ ခုလုံးကို တူညီသော လျှပ်စစ်အခြေပေးသော်လည်း) သတ္တုတံကို အကြိမ်ပေါင်းများစွာပစ်မှ သတ္တုလုံးကို တကြိမ်သာ ပစ်တာကို စာရေးသူ မျက်မြင်တွေ့ခဲ့ဖူးပါတယ်။ သိပ္ပံပညာရှင်များ အဆိုအရ အထက်ပါပုံစံနှင့် ထိုင်နေပါက မိုးကြိုးပစ်ခံရသည့်တိုင် ကိုယ်တွင်းအင်္ဂါများ ဓာတ်လိုက်မခံရသဖြင့် အသက်သေဆုံးရန် အခွင့်အလမ်း နည်းပါးတယ်လို့ ဆိုပါတယ်။

မိုးကြိုးပစ်ခံရသူ အနူမဟုတ်

မိုးကြိုးပစ်ခြင်းခံရပါက အပူကြောင့် လောင်ကျွမ်းခြင်းနှင့် လျှပ်စစ်ဓာတ်လိုက်ခံရသဖြင့် နှလုံးရပ်သွားခြင်းတို့ ခံစားရတတ်သဖြင့် တစုံတယောက် မိုးကြိုးပစ်ခံရပါက ၄င်းကို ချက်ချင်း ဆေးကုသမှု ပေးရန် အရေးကြီးပါတယ်။ မီးလောင်နေပါက မီးငြိမ်းသတ်ပေးရန် လိုအပ်သော်လည်း မီးလောင်ဒဏ်ရာများကို အရင်မကုသပါနှင့်။ နှလုံးမခုန်ပါက အသက်ရှူအားကူ ကုသခြင်းဖြင့် ချက်ချင်း နည်းမှန်လမ်းမှန် ကုသပါ။ လူနာကို ထိတွေ့ခြင်းဖြင့် ကူညီကုသသူကို ဓာတ်မလိုက်နိုင်ပါ။ (သို့ရာတွင် … ကွင်းပြင်ထဲရှိ လူနာအနီးတွင် မိုးကြိုးပစ်ခံရချင်စရာကောင်းအောင် ကိုးရိုးကားယား လုပ်မနေပါနှင့်။ လုံခြုံသောနေရာသို့ ရွှေ့ပြောင်းသင့်က ရွှေ့ပြောင်းပါ။)

စာရှုသူများ မိုးကြိုးအန္တရာယ် ကင်းဝေးပါစေ။

ကိုးကား ။ ။ http://www.fema.gov/kids/sabrina.htm, http://firstaid.about.com/od/heatcoldexposure/ht/07_avoid_ltning.htm

အင်တာနက်မှ ကူးယူခြင်း၏ နောက်ဆက်တွဲ ကျင့်ဝတ်ချိုးဖောက်မှုများ

လောကအလှ အွန်လိုင်းမဂ္ဂဇင်းတွင် ဖော်ပြခဲ့သော ဆောင်းပါးကို လောရှည် - ကတဲ့ပွဲ၏ မူနှင့် ကိုက်ညီသောကြောင့် မူရင်းရေးသားသူနှင့် အယ်ဒီတာအဖွဲ့ခွင့်ပြုချက်ဖြင့် မူရင်းအာဘော်အတိုင်း (အနည်းငယ် တည်းဖြတ်၊ ဖြည့်စွက်ကာ) ပြန်လည်ဖော်ပြပါသည်။

အခုတလော ဘလော့ဂ်တွေပေါ်မှ စာတွေ၊ ဆောင်းပါးတွေ၊ ရုပ်ပုံတွေကို အခြားသူများက ကူးယူပြီး မိမိ ကိုယ်တိုင် ဖန်တီးထားသယောင် ပြုလုပ်တာတွေ အကြောင်း ဟိုတစ်စ ဒီတစ်စ အသံတွေ ကြားနေရပါတယ်။ (ရည်ညွှန်း http://blog.mghla.com/2009/06/blog-post.html, http://nineninesanay.blogspot.com/2009/05/people.html) ပြည်တွင်း စာနယ်ဇင်း အချို့ က အွန်လိုင်းပေါ်မှ ဘလော့ဂ်များပေါ်မှာ စာများကို ကူးယူကာ မိမိတို့ ကလောင်အမည်တပ်ကာ ပုံတူကူးချမှုများကို မကြာခဏ ကြုံတွေ့နေကြရပါတယ်။

အွန်လိုင်းပေါ်မှာ စာရေးတယ်ဆိုတာက အခမဲ့ ဖြန့်ဝေခြင်းပါပဲ။ ဒီလို အခမဲ့ဖြန့်ဝေနေတဲ့အတွက် အခမဲ့ ကူးယူခွင့်ရှိပါသလား ဆိုတဲ့ မေးခွန်းမျိုး စိတ်မှာ ဖြစ်ပေါ်လာရပါတယ်။ စာရေးတယ်ဆိုတာက မိမိရေးတဲ့စာကို ဖတ်ကြတယ်ဆိုရင် ကျွန်မတို့ရဲ့  စာရေးရခြင်း ရည်ရွယ်ချက် အောင်မြင်သွားတာပါပဲ။ ဒါထက်ပိုလို့ ကိုယ်ရေးတဲ့စာဟာ စာဖတ်သူအတွက် တစုံတရာ အကျိုးကျေးဇူး ရရှိသွားမယ်ဆိုရင် စာရေးသူရဲ့  စာရေးရခြင်း ရည်ရွယ်ချက် ပိုမိုအောင်မြင်တာပါပဲ။

မိမိရေးလိုက်တဲ့စာ၊ အခမဲ့ မျှဝေထားတဲ့စာကို သူတပါးက အခမဲ့ ကူးယူပြီး ထိုစာကို သူတစ်ပါး၏ အတွေးအခေါ် ဥာဏ်ပညာတို့ အတွက် တစုံတရာ အကျိူးရှိအောင် သုံးတယ်ဆိုရင် မည်သည့် စာရေးသူ မဆို ၀မ်းမြောက်ပျော်ရွှင်ကြမှာပါပဲ။ ဒါပေမယ့် ကျွန်မတို့က စာဖတ်သူတွေကို အခမဲ့ ဖြန့်ဝေသော်လည်း ကျွန်မတို့ရဲ့  စာမူများကို ကူးယူပြီး စာဖတ်သူများထံ အခကြေးငွေဖြင့် ဖြန့်ဖြူးရောင်းချမယ်ဆိုရင်တော့ စာရေးသူ တစ်ယောက်က ဘယ်လို ခံစားရမယ်ဆိုတာ ကျွန်မတို့ စာရေးသူ ဖန်တီးသူ အချင်းချင်း နားလည် ကိုယ်ချင်းစာနိုင်ပါတယ်။

စာတစ်ကြောင်း၊ ကဗျာတစ်စ၊ သီချင်းတစ်ပိုဒ်ကို ရေးစပ်လျှင်၊ ရေးဖွဲ့လျှင် ထိုသီချင်းတစ်ပိုဒ်၊ စာတစ်ကြောင်း၊ ကဗျာတစ်စဟာ ဖန်တီးသူ၊ ရေးစပ်သီကုံးသူရဲ့  မူပိုင် အလိုလို ဖြစ်သွားပြီးသားပါ။ မူပိုင်ခွင့် မှတ်ပုံတင်ထားသည် ဖြစ်စေ ၊ မတင်ထားသည်ဖြစ်စေ၊ စာတစ်ကြောင်းကို ရေးလိုက်တယ်ဆိုတာနဲ့ အဲဒီ စာတစ်ကြောင်းဟာ ဖန်တီးသူရဲ့ မူပိုင်ခွင့် အလိုလို ကာကွယ်ပြီးသားဖြစ်တယ်ဆိုတာကို World Intellectual Property Organization က ဆိုထားပါတယ်။

ကိုးကား။ ။ http://www.wipo.int

အင်တာနက်ပေါ်မှာ ရေးသားတဲ့ ကိုယ်ပိုင် အတွေးအခေါ်၊ ကိုယ်ပိုင် ဖန်တီး ရေးသားမှုများကရော မူပိုင်ခွင့်ရှိပါသလားဆိုတဲ့ အမေးကို www.lawfirms.com က အောက်ပါ အတိုင်း ဖြေကြားထားပါတယ်။

Q. Are my original ideas and written works protected if they are on the internet?

A. Yes, they are protected to a certain extent. If you want to ensure that they are safe, you should file for copyright and post that copyright notice along with those works. However, your intellectual property is still protected – even if you do not actually file for a copyright.

မူပိုင်ခွင့် မှတ်ပုံတင်ထားစရာမလိုဘဲ စာရေးသားလိုက်တာနဲ့ ကိုယ်တိုင်ဖန်တီးသူသာ မူပိုင်ဖြစ်ကြောင်းကို အလိုလို မူပိုင်ခွင့် ကာကွယ်ပြီးသား ဖြစ်ပါတယ်။ အမေး၊ အဖြေ အပြည့်အစုံကို ဒီမှာ www.lawfirms.com/resources/intellectual-property/intellectual-property-faq.htm ဖတ်ရှုနိုင်ပါတယ်။

မြန်မာနိုင်ငံမှ လူအများစု လွဲမှားစွာ ထင်မြင်နေကြတာ တစ်ခုက အင်တာနက်ပေါ်မှာ ရှိတဲ့ အရာတွေဟာ အလကား ယူလို့ ရတယ်လို့ ထင်နေတာပါပဲ။ အင်တာနက်ပေါ်မှာ တင်ထားတဲ့အရာမှန်သမျှဟာ အခကြေးငွေပေးပြီး ဖတ်စရာမလိုဘဲ ၊ အခမဲ့ ဖတ်ရှုနိုင်ခြင်းကြောင့် အလကားရယူနိုင်တယ်ဆိုတာမျိုး သဘောပိုက်ထားကြပါတယ်။ website (ဥပမာ ယခု စာရှုသူဖတ်နေသော စာများပါသော web page များစုစည်းရာ) တစ်ခုကို ရရှိဖို့ အတွက် domain (ဥပမာ www.lawshay.com) ဆိုတာ အလကား မရပါဘူး။ ထို web site ကို အင်တာနက်ပေါ်မှာ တင်ထားဖို့ အတွက် hosting service ဆိုတာကိုလဲ အလကား မရရှိပါဘူး။ domain အမည်ကို ၀ယ်ယူမှတ်ပုံတင်ရပါတယ်။ hosting ၀န်ဆောင်မှုကို ၀ယ်ယူရပါတယ်။ ဒါဟာ website ဖန်တီးသူတွေဘက်က အခကြေးငွေပေးရခြင်းပါ။ website ကို ဖတ်ရှုသူတွေ အနေနဲ့ကတော့ (အင်တာနက်လိုင်းကြေးနှင့် အချိန်မှတပါး) အခကြေးငွေ ပေးစရာမလိုတဲ့အတွက် website ပေါ်မှာ ပါဝင်တဲ့ အရာတွေဟာ အခမဲ့၊ အလကားရတယ်လို့ စေတနာကို လွဲမှားစွာ ယူဆကြပါတယ်။ domain အမည်၊ hosting နေရာ ဟာ သူ့ အလိုလို အလကား မရရှိပါဘူး။ မှတ်ပုံတင်ပြီးတော့ ၀ယ်ယူမှသာလျှင် ရရှိပါတယ်။

copy and paste ဆိုတာ သိပ်ကို လွယ်ကူပါတယ်။ စက္ကန့်ပိုင်းမျှသာ ကြာတဲ့ အချိန် အခိုက်အတန့်လေးမှာ ကူးယူခြင်း ဖြစ်မြောက်နိုင်မှာပေမယ့် အဲဒီ စာများကို ရေးသား ဖန်တီးသူ ကတော့ စက္ကန့်ပိုင်းလေး အချိန်မှာ ရေးသားဖန်တီးခဲ့ခြင်း မဟုတ်ခဲ့ပါဘူး။ သူ့ရင်ထဲက ဖြစ်ပေါ်လာတဲ့ ခံစားချက်၊ သူရှာမှီးထားတဲ့ ဗဟုသုတများ၊ လေ့လာ သင်ယူထားမှုများကို စုဆောင်းထားတဲ့ အတွေးအခေါ်၊ ပညာရပ် စသည်တို့ကို စာဖတ်သူတို့က တခဏအတွင်း ကူးယူနိုင်လိုက်တာ သူ့ စေတနာပါ။ စာပေ ရေးသားသူရဲ့  မူပိုင်ခွင့် အခွင့်အရေးဆိုတာ မူလပိုင်ရှင်ရဲ့  မူပိုင်ခွင့်အခွင့်အရေးနဲ့ ထပ်တူပဲဆိုတာကို PRIVATE INTERNATIONAL LAW AND INTELLECTUAL PROPERTY RIGHTS ၊ A COMMON LAW OVERVIEW က Ownership and Commercial Dealings အပိုင်းမှာ အောက်ပါအတိုင်း ဆိုထားပါတယ်။

Accordingly, because "the essence of an intellectual property right is the owner's right to take action to prevent others from engaging in certain types of activity in a given territory,"

တပါးသူ ဖန်တီး ရေးသားထားတဲ့ စာများကို ကူးယူပြီး ပုံနှိပ်ကာ ဖော်ပြ ရောင်းချခြင်းဟာ စာနယ်ဇင်း ကျင့်ဝတ်ကို ချိုးဖောက်တာပါ။ စာနယ်ဇင်းတစ်ခုမှာ အယ်ဒီတာဟာ အရေးကြီးဆုံး ပုဂ္ဂိုလ်ဖြစ်ပါတယ်။ အယ်ဒီတာ တစ်ဦးရဲ့  တာဝန်က ကြီးမားလှပါတယ်။ စာမူတစ်ခု ရောက်လာလျှင် ထိုစာမူဟာ နိုင်ငံရေး ပတ်သက်ငြိစွန်းမှု ရှိ/မရှိ၊ အခြား နေရာများမှ ကူးယူထားခြင်း (plarigism) ရှိ/မရှိကို အယ်ဒီတာက စိစစ်ရပါတယ်။ (အခြားနေရာများမှ ကူးယူပြီး မိမိပိုင်နှင့် ဆင်တူယိုးမှားပြုလုပ်ခြင်း - plarigism - ဆိုသည်မှာ နိုင်ငံတကာ တက္ကသိုလ်များတွင် ပေးအပ်ပြီးသား ဘွဲ့ကိုပင် ပြန်သိမ်းနိုင်သည်အထိ ကြီးလေးသော စာရိတ္တရေးရာ ပြစ်မှုကြီးဖြစ်သည်။) ဘာသာပြန်ထားသော စာမူများ၊ ကိုးကားရေးသားထားသော စာမူများမှာ ကိုးကားချက်နှင့် ဘာသာပြန်ဆိုမှုကို ၀န်ခံချက်များ ပါရှိခြင်း ရှိ/မရှိကို သေချာစွာ စစ်ဆေးရပါတယ်။ အယ်ဒီတာ တစ်ဦးဟာ စာပေကို နှံ့စပ်ရပါတယ်။ ဗဟုသုတ ကြွယ်ဝရပါတယ်။ တကယ်လို့များ အယ်ဒီတာတစ်ဦးဟာ သိမြင် နှံ့စပ်ခြင်း မရှိဘူးဆိုလျှင် စာမူရှင်များပေးပို့တဲ့ စာမူများဟာ ကိုယ်ပိုင်ဖန်တီးမှုလား၊ ကူးချပေးပို့မှုလား၊ ဘာသာပြန်ဆိုမှုလား၊ ကိုးကားချက်လားဆိုတာ သိနိုင်မှာ မဟုတ်ပါဘူး။ အယ်ဒီတာ တစ်ဦးဟာ ယနေ့ခေတ်ပေါ် နောက်ဆုံးပေါ် ကမ္ဘာ့သတင်းတွေကို သိရပါတယ်။ စာပေကိုလည်း မိမိအကြိုက်တစ်မျိုးတည်းသာ မဟုတ်ဘဲ လိုင်းစုံအောင် လေ့လာထားရ့ပါတယ်။ ဒါမှသာ စာမူရှင်များဘက်မှ ထည့်သွင်းရေးသားခြင်းမပြုမိတဲ့ ၀န်ခံချက်များကို အယ်ဒီတာက ထည့်ပေးနိုင်ပါတယ်။

စာမူရှင်များဘက်မှ အင်တာနက်ပေါ်ကနေ ကူးယူမှုများကို စာမူအဖြစ် ပေးပို့ခဲ့သည် ရှိသော် အယ်ဒီတာ မရွေးချယ်မီကာလမှာ စာမူရှင်၏ တာဝန်ဖြစ်သော်လည်း အယ်ဒီတာက စာမူကိုရွေးချယ်ပြီးနောက် အယ်ဒီတာ့လက်ထဲ ရောက်ရှိနေချိန်မှာ အယ်ဒီတာ၏ တာဝန်သာ ဖြစ်ပါတော့တဲ့အတွက် စာမူများကို မရွေးချယ်မီမှာ အယ်ဒီတာဟာ သေချာစွာ ဖတ်ရှု စိစစ်ရပါတယ်။ အယ်ဒီတာတစ်ဦး၏ ကျင့်ဝတ်၊ တာဝန်နှင့် အခန်းကဏ္ဍမှာ စာနယ်ဇင်းတစ်ခုရဲ့  ပင်မ အသက်ဖြစ်ပါတယ်။

အင်တာနက်ပေါ်မှာ သူတစ်ပါးရေးသား ဖန်တီးမှုများကို ကူးယူကာ ပုံနှိပ်ဖော်ပြ ရောင်းချခြင်း ၏ နောက်ဆက်တွဲများအတွက် အယ်ဒီတာမှာ များစွာတာဝန်ရှိသလို၊ ကူးယူဖော်ပြသူဟာလည်း စာရေးဆရာတစ်ဦး၏ ကျင့်ဝတ်ကို ဖောက်ဖျက်ခြင်း ဖြစ်ပြီး ပုံနှိပ်ဖော်ပြသူ စာနယ်ဇင်းမှာလည်း စာနယ်ဇင်း ကျင့်ဝတ်ကို ချိုးဖောက်ခြင်း ဖြစ်တာကြောင့် ဒီလို အင်တာနက်ပေါ်မှ ကူးယူမှုများဟာ သေးငယ်တဲ့ ကိစ္စ မဟုတ်ဘဲ ကျင့်ဝတ်များနှင့် သက်ဆိုင်သော၊ လူတစ်ဦးချင်း၏ စာရိတ္တ (morality) နှင့်သက်ဆိုင်သော အတိုင်းအတာ တစ်ခု ဖြစ်တဲ့အတွက် အလွန် အရေးကြီးပြီး ဂရုပြုရမယ့် ကိစ္စ၊ အကြောင်းအရာ တစ်ခု ဖြစ်ပါတော့တယ်။

ဟနစံ

စင်ကာပူ နမ့်ပစ်ဖူး (လောရှည် ပဲကြာဇံသုပ်)

နမ့်ပစ်ဖူးဆိုတာက ရှမ်းပြည်မှာရတဲ့ အသုပ်တစ်မျိုးပေါ့။ ပဲပုတ်နှစ်ရယ်၊ ခရမ်းချဉ်သီးရယ်၊ ဂေါ်ဖီရယ်နဲ့ ညှပ်ခေါက်ဆွဲကို သုပ်တာ။ တချို့ကလဲ မန်ကျည်းရည်ထည့်တတ်သေးရဲ့။ ပဲပုတ်နှစ်က ရှမ်းပြည်မှာပဲ ပေါတာမို့ ရန်ကုန်မှာတောင် တခါတလေ ရှမ်းပြည်လူကြုံရှိမှ စားရတာ။ အဲဒီအစားအသောက်ကို စင်ကာပူမှာ တမ်းတနေတော့ ခက်ရောပေါ့။ ဒါပေမဲ့ …

ဟိုတနေ့က အစ်မတစ်ယောက်က ပဲကြာဇံသုပ် အိမ်မှာလာသုပ်ကျွေးတယ်။ (အမေသုပ်တာနဲ့တော့ မတူပါဘူး။ အမေက သက်သတ်လွတ်သုပ်တာလေ။ ပုဇွန်ခြောက်တောင် မပါဘူး။) ငါးသေတ္တာတို့ ကြက်အူချောင်းတို့နဲ့ သုပ်တာ။ ဒီမနက်ကျတော့ မနက်စာကို ဂေါ်ဖီလေးနဲ့ မုန်လာဥနီလေးတွေ ရေနွေးငွေ့ရိုက်၊ ခရမ်းချဉ်သီးလေးလှီးပြီး ကျွန်း ၁၀၀၀ အနှစ် နဲ့ ဆမ်းစားမလို့ ပြင်နေတုန်း ဟိုတနေ့က ပိုနေတဲ့ ပဲကြာဇံသုပ်တဲ့ ပစ္စည်းတွေကို သတိရသွားတယ်။ အဲဒါနဲ့ ပဲကြာဇံပါ ထည့်သုပ်မလို့ လုပ်တုန်း … ပဲပုတ်ကလေးထည့်ရင် နမ့်ပစ်ဖူးနဲ့ အရသာတူမှာလို့ စဉ်းစားမိတယ်။ ဒါနဲ့ပဲ စင်ကာပူ နမ့်ပစ်ဖူး (လောရှည် ပဲကြာဇံသုပ်) ဖြစ်လာပါလေရော။

ပါဝင်ပစ္စည်းများ (လူ ၂ ယောက်စာအတွက်)

ပဲကြာဇံ     - လက်တဆုပ်စာလောက်

ပဲပုတ်ချပ်    - ၂ ချပ်

ဂေါ်ဖီထုပ်    - ခပ်သေးသေး တစိတ်

မုန်လာဥနီ    - ၁ တောင့်

ခရမ်းချဉ်သီး    - ၂ လုံး

ကြက်အူချောင်း    - ၃ ချောင်း

ကြက်သွန်ဖြူ    - ၂ မြှောင့်

နှမ်းမှုန့်        - အနည်းငယ်

ဆား        - အနည်းငယ်

ဆီ        - အနည်းငယ်

ရှာလကာရည်    - ဟင်းချိုသောက်ဇွန်း ၁ ဇွန်း

သံပရာသီး    - ၁ လုံး

နံနံပင်        - အနည်းငယ်

ငရုတ်သီးစိမ်း    - ၂ မြှောင့်

ပဲကြာဇံကို ရေနွေးနဲ့ စိမ်ပါ။ ပဲပုတ်ချပ် (အပြားဝိုင်းကြီးတွေကို ပြောတာ) ကို ကြော်ချင်ကြော်၊ ဖုတ်ချင်ဖုတ်ပြီး အမှုန့်ဖြစ်အောင် ထောင်းပါ။ (ကြော်မယ်ဆိုရင် ဆီကို အငွေ့ထွက်အောင်တည်၊ မီးပိတ်ပြီးမှ ပဲပုတ်ချပ်ကိုထည့်ပါ။ နို့မဟုတ်ရင် ခါးပါလိမ့်မယ်။ ထောင်စရာ ဆုံမရှိရင် စက္ကူထဲထည့်ပြီး ပုလင်းနဲ့ လှိမ့်ကြိတ်လဲ ရပါတယ်။ အမှုန့်ကြိတ်စက်ရှိရင်လဲ အမှုန့်ကြိတ်စက်နဲ့ ကြိတ်ပေါ့။ လောရှည်ကတော့ အဲဒီအမှုန့်ကို နေရာတကာမှာသုံးဖို့ ဗူးထဲထည့်ဆောင်ထားတယ်။) ကြက်သွန်ဖြူလေးတွေ ပါးပါးလှီးပြီး ဆီသတ်ပါ။ ငရုတ်သီးမှုန့်ရှိရင် ငရုတ်သီးဆီသတ်လဲ လုပ်ချင်လုပ်ပါ။ (ငရုတ်သီးဆီသတ်လုပ်ဖို့အတွက် ငရုတ်သီးမှုန့်ကို ပန်းကန်ထဲထည့်၊ အငွေ့ထွက်အောင် တည်ထားတဲ့ ဆီကို အဲဒီပန်းကန်ထဲ လောင်းချလိုက်ပါ။ ဒါဆို မညှော်ပါဘူး။ အမေ့နည်းကွ။) ကြက်အူချောင်းကို ပြုတ်ပါ။ (Microwave မီးဖို ရှိရင် အဲဒါနဲ့လုပ်လဲ ရပါတယ်။ မြန်တာပေါ့။) မုန်လာဥနီကို သေးသေးလေးတွေတုံးပြီး ရေနွေးဖျောပါ။ အဲဒါပြီးရင် ပူမဲ့လောင်မဲ့ ကိစ္စတွေ (ရေနွေးစိမ်ခြင်း၊ ဆီသတ်ခြင်း) ပြီးပါပြီ။

အခု အေးတဲ့ကိစ္စတွေ လာပါမယ်။ ဂေါ်ဖီကို ရေစင်စင်ဆေးပြီး ပါးပါးလှီးပါ။ ခရမ်းချဉ်သီးကို ပါးပါးလှီးပါ။ သံပရာသီးကို အရည်ညှစ်ဖို့အသင့် လှီးထားပါ။ ကြက်အူချောင်းကို ခပ်သေးသေးလှီးပါ။ ငရုတ်သီးနဲ့ နံနံပင်ကိုလဲ ရေဆေးပြီး သေးသေးလေးတွေလှီးထားပါ။ (ပဲကြာဇံနဲ့ မုန်လာဥနီ ရေနွေးထဲက ဆယ်တော့၊ ရပြီ။) ကြက်သွန်ဖြူ ဆီချက်၊ ငရုတ်သီး ဆီချက်၊ ပဲပုတ်မှုန့်၊ ရှာလကာရည်တို့ကို ပဲကြာဇံ၊ ကြက်အူချောင်း၊ ဂေါ်ဖီ၊ မုန်လာဥနီ၊ ခရမ်းချဉ်သီးတို့နဲ့ ရောနယ်ပါ။ ဆားထည့်ပါ။ နှမ်းမှုန့်ကို ဖြူးပါ။ ငရုတ်သီး လှီးထားတာလေးထည့်၊ သံပရာသီးအကုန်ညှစ်ပြီး ဆက်နယ်။ နယ်လို့ နှံ့ရင် နံနံပင်လေးဖြူး၊ စားလို့ ရပါပြီ။

ပညာရှင်များနှင့် သဘောသဘာဝ

အလုပ်အကိုင်နှင့် တွေးခေါ်ပုံ ဆက်စပ်ပုံအကြောင်း လေ့လာသည့် သုတေသနတစ်ခုတွင် ဖြစ်သည်။

လေ့လာသူ - ၂ x ၂ က ဘာရလဲ။

အင်ဂျင်နုယဉ် (Slide Rule ကို ထုတ်ကာ အတန်ကြာ တွက်ချက်ပြီးနောက်) - ၃.၉၉။

ရူပဗေဒ ပညာရှင် (သူ၏ ကိုးကားစာအုပ်များကို မှီငြမ်းကာ ပုစ္ဆာကို ကွန်ပျူတာသုံးတွက်ချက်ပြီးနောက်) - ၃.၉၈ နဲ့ ၄.၀၂ ကြားထဲမှာပဲ၊ သေချာတယ်။

သင်္ချာပညာရှင် (ခဏမျှ စဉ်းစားပြီးနောက်) - အဖြေတော့ မသိသေးဘူးဗျာ။ ဒါပေမဲ့ အဖြေရှိတာတော့ သေချာတယ်။

တွေးခေါ်ပညာရှင် (ပြုံး၍) - နေပါဦး၊ ၂ x ၂ ဆိုတာ ဘာကို ဆိုလိုတာလဲ။

ဒဿနပညာရှင် - ၂ ရယ် x ရယ်ကို ကျေးဇူးပြုပြီး တိတိကျကျ သတ်မှတ်စမ်းပါဗျာ။

လူမှုရေးပညာရှင် - ကျွန်တော်မသိဘူး၊ ဒါပေမဲ့ ခင်ဗျားနဲ့ စကားပြောရတာ ကောင်းသားပဲ။

စာရင်းကိုင် (ဘေးမှ ပညာရှင်များကို တချက်အကဲခတ်ပြီး လေသံတိုးတိုးဖြင့်) - ရှင်က ဘယ်လောက် ဖြစ်စေချင်လို့လဲ။

ဆေးပညာရှင် (ဆရာဝန်) - ၄ ကွ။

လေ့လာသူ - ခင်ဗျား ဘယ်လိုသိသလဲ။

ဆေးပညာရှင် (ဆရာဝန်) - ငါအလွတ်ကျက်ထားတာကွ။

လေ့လာသူ - ကဲ အင်ဂျင်နုယဉ်ရယ်၊ ရူပဗေဒသမားရယ်၊ သင်္ချာဆရာရယ်ကိုပဲ တခုထပ်မေးပါရစေ၊ ပိုင်ဟာ ဘယ်လောက်လဲဗျ။

အင်ဂျင်နုယဉ် - ၂၂/၇ လောက် ရှိတယ်။
ရူပဗေဒ ပညာရှင် - ၃.၁၄၁၅၉
သင်္ချာပညာရှင် - ပိုင် ညီမျှခြင်း (ခဏမျှနား၊ အားလုံးသူ့ကို ၀ိုင်းကြည့်) ပိုင်။

ဆေးပညာရှင် (ဆရာဝန်) ကတွေး - ငပေါတွေ၊ ပိုင်တခုကို ၆၀၀ ကျပ်။ ကော်ဖီဆိုင်မှာ ၀ယ်စား၊ ဗိုက်ပြည့်တယ်။ တယောက်မှလဲ မမှန်ကြဘူး။

အင်တာနက်မှ ဟာသများကို ပေါင်းစပ် တင်ပြပါသည်။

အထက်ပါဟာသကို နားလည်နိုင်ရန်အတွက် ဗဟုသုတများ။

Slide Rule သည် ခေတ်ပေါ် သိပ္ပံ ဂဏန်းတွက်စက် အလား တွက်ချက်နိုင်သော တွက်ချက်ရေး ကိရိယာတစ်ခု ဖြစ်သည်။ သို့သော် အနည်းငယ်မျှ မတိကျ။ ကိုင်တွယ်သူ၏ ကျွမ်းကျင်မှုပေါ်မူတည်ပြီး အနည်းငယ် အမှားအယွင်းရှိနိုင်သည်။ အလွန်ရှုပ်ထွေးသော ပုစ္ဆာများတွင် ၄င်းအမှားအယွင်းသည် အရေးမပါလှသဖြင့် ရှေးက အင်ဂျင်နုယဉ်တိုင်းလိုလို၏ လက်စွဲဖြစ်သည်။

ရူပဗေဒ စမ်းသပ်ချက်များသည် အကြောင်းကြောင်းကြောင့် မတိကျလှ။ Range ဖြင့်သာ အဖြေထွက်လေ့ ရှိသည်။ တွက်ချက်ရာတွင် သူတို့သည် ကွန်ပျူတာ အကူအညီကို ရှေး (၁၉၄၀ ပြည့်နှစ်လွန်များကတည်းက) ရရှိခဲ့သဖြင့် ကွန်ပျူတာအပေါ် မှီခိုလွန်းအားကြီးကာ သူတို့၏ ပိုင်တန်ဖိုးသည်လဲ ကွန်ပျူတာထဲ ထည့်ရလွယ်သော ဂဏန်းသာ ဖြစ်နေတတ်သည်။

သင်္ချာပညာရှင်များသည် အဖြေရှိတာ သေချာလျှင် ဆက်မတွက်ချင်တော့။ တွက်နည်းကို ရှာခြင်းသာ သူတို့အလုပ်ဖြစ်သည်။ တွက်ခြင်းသည် သူတို့အလုပ်မဟုတ်ဟု ခံယူသည်။ ပိုင်ကို တသက်လုံး ပိုင် သင်္ကေတနှင့် ရေးသား တွက်ချက်သဖြင့် ပိုင်၏ တန်ဖိုးကိုတောင် မသိတော့။ (အတင်းမေးလျှင် စက်ဝန်းကို အချင်းနဲ့ စားထားတဲ့ တန်ဖိုးဟုတော့ ဖြေကောင်း ဖြေနိုင်သည်။ ဒါတောင် ဂျီသြမေထရီ ပညာရှင်မှ ... )

တွေးခေါ်ပညာရှင်နှင့် ဒဿနပညာရှင်သည် တူမလိုလိုနှင့် မတူကြ။ တွေးခေါ်ပညာရှင် (Philosopher) က လူတစ်ယောက် ဘာကို ဘယ်လိုမြင်သလဲကို အဓိကထားပြီး ဒဿနပညာရှင် (Logician) ကမူ အခြေခိုင်သော အချက်အလက်များပေါ် ထပ်ဆင့် ထပ်ဆင့် တွေးခေါ် တည်ဆောက်ရသည်ကို အဓိကထားသည်။

လူမှုရေးပညာရှင်မှာ တသက်လုံး နှစ်သိမ့်ဆွေးနွေးနေရသဖြင့် နားပဲ ထောင်နေချင်တော့သည်(ဟု လူအများ မြင်ကြသည်)။

စာရင်းကိုင်မှာ အထက်လူကြီး အကြိုက် စာရင်းလိမ် စာရင်းပိန် အင်မတန် လုပ်တတ်သည်(ဟု လူအများ မြင်ကြသည်)။

ဆရာဝန်များမှာ သင်္ချာနှင့် မနီးစပ်၊ အားလုံးကို အလွတ်ကျက်၍ စာမေးပွဲ အောင်တတ်လေသည်(ဟု လူအများ မြင်ကြသည်)။

အားလုံးပဲ လွန်တာရှိရင် ၀န္ဒာမိပါ။

မေ့လျော့ခံထားရသော Hip-Hop ပညာရှင်များ (၂): BTNH

Bone Thugs-N-Harmony (BTNH) ဟာ ၁၉၉၀ ပြည့်နှစ်လွန်များက ကလိဖ်လန် (Cleveland) မြို့မှာ ပေါ်ထွန်းခဲ့တဲ့ Hip-Hop ဂီတအဖွဲ့ပါ။ သူတို့မှာ အဖွဲ့သား ၅ ယောက်ပါဝင်ပြီး Bizzy Bone, Krayzie Bone, Layzie, Wish Bone နဲ့ Flesh-N-Bone တို့ဖြစ်ပါတယ်။ လျင်မြန်ပြီး သံစဉ်ချိုချိုလေးလို ဖြစ်နေတဲ့ rap တွေကို သီဆိုလေ့ရှိတဲ့ သူတို့အဖွဲ့ဟာ ကြမ်းတမ်းတဲ့ Hip-Hop အဆိုရှင်များကြားမှာ တမူထူးခြားလို့နေပါတယ်။ ၁၉၉၇ ခုနှစ်မှာ Crossroad သီချင်းနဲ့ ဂရမ်မီဆု (Grammy) ကို ဆွတ်ခူးခဲ့တဲ့ သူတို့အဖွဲ့ဟာ သေဆုံးသွားကြပြီဖြစ်တဲ့ Eazy-E, Notorious B.I.G (Christopher Wallace) နဲ့ 2Pac တို့အားလုံးနဲ့ တွဲဖက်သီဆိုဖူးတဲ့ တစ်ခုတည်းသော ဂီတအဖွဲ့လဲ ဖြစ်ပါတယ်။ (ACID ရဲ့ စတင်ခြင်း ထဲက ဘ၀သီချင်းမှာ စိုင်းစိုင်းဆိုသွားတဲ့ "ငါဒီမှာ အလင်းတွေ သီချင်းတွေ မေ့ခဲ့ပြီးလို့ … အရပ်ပျက်တဲ့ ဘ၀ရဲ့ မှတ်တမ်း" ဆိုတဲ့ အပိုဒ်ဟာ သူတို့နဲ့ Notorious B.I.G တွဲဆိုထားတဲ့ Notorious Thugs သီချင်းမှာ Bizzy Bone ဆိုသွားတဲ့ အပိုဒ်ပေါ့။)

ဂရမ်မီဆု ဆွတ်ခူးခဲ့တဲ့ Crossroad သီချင်း

၁၉၉၀ မှာ အဖွဲ့ဝင် ၄ ဦးနဲ့ စတင်တည်ထောင်ပြီး ၁၉၉၁ မှာ နောက်ဆုံးအဖွဲ့သားဖြစ်တဲ့ Flesh-N-Bone ၀င်ရောက်လာအပြီးမှာ သူတို့ရဲ့ ပထမဆုံး ဓာတ်ပြား Faces of Death ကို အသံသွင်းပါတယ်။ ကလိဖ်လန်ကနေ လော့စ်အိန်ဂျလိစ် (Los Angeles) မြို့အထိ ချီတက်သွားပြီး အဲဒီအချိန်က နာမည်ကြီး Rapper/Producer တစ်ယောက်ဖြစ်တဲ့ Eazy-E ကို တွေ့ဖို့ ကြိုးစားကြပါတယ်။ Eazy-E ကို တယ်လီဖုန်းထဲကနေ သီချင်းဆိုပြကြအပြီးမှာ ဖုန်းပြန်ဆက်ပါ့မယ်ဆိုပြီး Eazy-E ပေါ်မလာဇာတ်ခင်းသွားပါတယ်။ ဒါပေမဲ့လဲ ဇွဲကောင်းလွန်းလှတဲ့ BTNH ဟာ Eazy-E ကလိဖ်လန်ကို သီချင်းလာဆိုတုန်း ဇာတ်စင်နောက် အ၀တ်လဲခန်းမှာ အမိဖမ်းပြီး နောက်တခါ သီချင်း ထပ်ဆိုပြအပြီးမှာတော့ Eazy-E နဲ့ သူတို့နဲ့ Ok သွားပါတယ်။

Eazy-E နဲ့ ဆိုခဲ့တဲ့ For Tha Love of $ သီချင်း

Eazy-E ထုတ်ပေးတဲ့ Creepin on ah Come Up ဓာတ်ပြားဟာ Gangster သီချင်းတွေ များနေလို့ ချက်ချင်းမပေါက်နိုင်ပေမဲ့ Thuggish Ruggish Bone နဲ့ For Tha Love of $ ၂ ပုဒ်ကို ရေဒီယိုက လွှင့်လိုက်တဲ့အချိန်မှာတော့ BTNH က ကောင်လေးတွေ ချက်ချင်း စူပါစတား ဖြစ်သွားပါတယ်။ နောက် ဓာတ်ပြား E 1999 Eternal မှာတော့ Gangster သီချင်းနဲ့ ဆေးခြောက်ရှူတာတွေအပြင် Crossroad လိုမျိုး ဘာသာရေးဆန်ဆန် သီချင်းတွေ စပြီး ပါလာပါပြီ။ BTNHResurrection မထုတ်မီမှာပဲ Flesh-N-Bone တယောက် AK-47 နဲ့ အိမ်နီးချင်းကို ရမ်းကားလို့ဆိုပြီး ထောင်ချခံရပါတော့တယ်။ ဒါနဲ့ ကျန်တဲ့ ၄ ယောက်နဲ့ပဲ Thugs World Order ကို သွင်းပါတယ်။ Phil Collins ပါဝင်သီဆိုထားတဲ့ Home သီချင်းဟာ ဒီအဖွဲ့ကို စာရေးသူရဲ့ အသည်းစွဲ ဖြစ်သွားစေတဲ့ သီချင်းပါပဲ။ အဲဒီအခွေရဲ့ နောက်မှာတော့ Bizzy Bone ဟာ အဖွဲ့ကို စွန့်ခွာသွားပါတော့တယ်။

Phil Collins နဲ့ဆိုခဲ့တဲ့ Home သီချင်း

BTNH ဟာ တဦးချင်းစီလဲ အောင်မြင်တဲ့ Rapper တွေကို မွေးထုတ်ပေးနိုင်ခဲ့ပါတယ်။ Bizzy Bone နဲ့ Layzie Bone တို့ဟာ တဦးချင်းခွဲထွက်ပြီးတော့ ဓာတ်ပြားတွေ ထုတ်ရာမှာ အထိုက်အလျောက် အောင်မြင်မှုတွေ ရခဲ့ပါတယ်။ သူတို့ ၂ ယောက်တွဲပြီးတော့ Bone Brothers ဆိုတဲ့ အမည်နဲ့လဲ သီချင်းတွေ ဆိုပါသေးတယ်။ ရန်ဖြစ်လိုက်၊ ပြန်ချစ်လိုက် ဖြစ်အပြီးမှာ Bizzy Bone ဟာ အဖွဲ့ကို ပြန်လာပါပြီ။ ထောင်ထဲရောက်နေတဲ့ Flesh-N-Bone ကလဲ လျှော့ရက်တွေနဲ့ ပြန်လွတ်လာပြီမို့လို့ အခုလက်ရှိအချိန်မှာ သူတို့ ၅ ယောက်လုံး ဓာတ်ပြားအသစ်ကို အသံသွင်းလျှက် ရှိပါကြောင်း ရေးသား မှတ်တမ်းတင်လိုက်ပါတယ်။

ငါတို့ပြန်တည့်သွားပြီဆိုတဲ့ Resurrection(Paper, Paper) သီချင်း

ဗာဂျီးနီးယား နည်းပညာ တက္ကသိုလ်မှ ခေါင်းဖြတ်သတ်မှု

ဗာဂျီးနီးယား နည်းပညာ တက္ကသိုလ် (Virginia Tech) မှာ စာရင်းကိုင်ပညာ မဟာဘွဲ့ယူဖို့ တရုတ်နိုင်ငံက ပူပူနွေးနွေး ရောက်ရှိနေတဲ့ ကျောင်းသူ ရှင်းယန် (Xin Yang) ဟာ အရေးအကြောင်းရှိရင် တနိုင်ငံတည်းသား စိုက်ပျိုးရေးနှင့် အသုံးချ ဘောဂဗေဒ ပါရဂူဘွဲ့ ကျောင်းသား ကျုဟိုက်ယန် (Zhu Haiyang) ကို ဆက်သွယ်ဖို့ တက္ကသိုလ် အာဏာပိုင်တွေကို ညွှန်ကြားထားခဲ့ပါတယ်။ ဒါပေမဲ့ သူမ နေထိုင်ရာ အဆောင်အတွင်းရှိ အူပုံဖိန်း (Au Bon Pain) ကော်ဖီဆိုင်မှာ ခေါင်းနဲ့ ကိုယ်နဲ့တခြားစီဖြစ်သွားတဲ့ သူမရဲ့ ကြမ္မာကိုတော့ ဟိုက်ယန်ကို အကြောင်းကြားစရာတောင် လိုမယ်မထင်တော့ပါဘူး။ ဘာလို့လဲဆိုတော့ ရှင်းယန်ကို မီးဖိုချောင်သုံး ဓားမနဲ့ တိုက်ခိုက်ခဲ့သူဟာ ဟိုက်ယန် ကိုယ်တိုင်ပဲ ဖြစ်နေလို့ ဖြစ်ပါတယ်။

သေဆုံးသူ ရှင်းယန်

မျက်မြင်သက်သေများ အဆိုအရ ကော်ဖီဆိုင်အတွင်းမှာ အခင်းမဖြစ်ပွားမီအချိန်အထိ သူတို့ ၂ ယောက်ဟာ အေးဆေး ငြိမ်သက်စွာပဲ ရှိနေခဲ့တယ်လို့ သိရပါတယ်။ သတ်ဖြတ်ရတဲ့ အကြောင်းရင်းကို သိရဖို့ ခက်ခဲနေတာကြောင့် တရားခံရဲ့ တယ်လီဖုန်း၊ ကွန်ပျူတာနဲ့ နေ့စဉ်မှတ်တမ်းတို့ကို စစ်ဆေးခွင့်ပေးဖို့ သက်ဆိုင်ရာ ရဲတပ်ဖွဲ့က တရားရုံးမှာ ခွင့်ပြုချက် လျှောက်ထားပါတယ်။

သေဆုံးသူ ရှင်းယန် (အသက် ၂၂) ဟာ ဇန်န၀ါရီ ၈ ရက်ကမှ ကျောင်းကို ရောက်လာတဲ့ ကျောင်းသူ အသစ်ဖြစ်ပြီး သြဂုတ်လအတွင်းကတည်းက ကျောင်းကို ရောက်နေခဲ့သူ ကျုဟိုက်ယန်က သူမကို ပတ်ဝန်းကျင် အသစ်နဲ့ နေသားတကျဖြစ်အောင် ကူညီပေးနေခဲ့တယ်လို့ ဆိုပါတယ်။

တရားခံ ဟိုက်ယန် (အသက် ၂၅) ကို မောင်တိုဂမီ ခရိုင် အကျဉ်းထောင်မှာ ဖမ်းဆီးထားပါတယ်။ ကျောင်းဝင်းအတွင်း တာဝန်ကျတဲ့ ရဲအရာရှိဟာ အခင်းဖြစ်ပွားရာကို ရောက်ရှိချိန်မှာ ရှင်းယန်ရဲ့ ခေါင်းပြတ်ကို ကိုင်ထားတဲ့ တရားခံကို တွေ့ရှိ ဖမ်းဆီးခဲ့ပါတယ်။

၂၀၀၇ ခုနှစ် ဧပြီလအတွင်းမှာလဲ ဒီတက္ကသိုလ်က ကိုရီးယား ကျောင်းသား ချိုစွန်းဟွေ့ (Cho Seung Hui) ဟာ သေနတ်ကိုင်ဆောင်ပြီး ကျောင်းဝင်းအတွင်းမှာပဲ လူ ၃၂ ယောက်ကို ပစ်ခတ်ခဲ့ပြီး မိမိကိုယ်ကိုယ် စီရင်ခဲ့ပါတယ်။ ဒီလိုဆိုရင်တော့ ဗာဂျီးနီးယား နည်းပညာ တက္ကသိုလ်ဟာ အာရှ ကျောင်းသားတွေ အတွက် စိတ်ဖိစီးစရာတွေ များနေပုံရပါတယ်။

http://media.washingtontimes.com/media/img/photos/2009/01/23/20090122-214354-pic-331778206.jpg

http://www.freep.com/article/20090124/NEWS07/901240377 နှင့်
http://www.foxnews.com/story/0,2933,482025,00.html ကို မှီငြမ်းပါသည်။

မေ့လျော့ခံထားရသော Hip-Hop ပညာရှင်များ (၁): Run-D.M.C

ဒီဘက်ခေတ်မှာ Hip-Hop လို့ဆိုရင် Eminem, 2Pac, 50 Cent နဲ့ Nelly တို့လောက်ကိုပဲ ပြေးပြေး မြင်တတ်ကြပါတယ်။ Hip-Hop ကို ခေတ်ရေစီးကြောင်းထဲက ဂီတတစ်ခုဖြစ်အောင် တွန်းပို့ပေးခဲ့တဲ့ အဖွဲ့ဖြစ်တဲ့ Run-D.M.C ကို သိတဲ့လူ နည်းကြပါတယ်။ (စိုင်းစိုင်းရဲ့ "မိန်းမ မိန်းမ" သီချင်းထဲမှာ " … Run DMC, Jam Master Jay, xxx ဒီမှာ နားထောင်ရင်း အိပ်ခန်းထဲမှာ စိတ်ကျဉ်းကျပ် … " ဆိုတာ သူတို့ပေါ့။) သူတို့ရဲ့ အနုပညာစွမ်းကြောင့် ကမ္ဘာကျော် Rolling Stone မဂ္ဂဇင်းက အကြီးကျယ်ဆုံး ဂီတ အနုပညာရှင် စာရင်းမှာ အမှတ် ၄၈ အဖြစ် ၂၀၀၄ မှာ စာရင်းသွင်းခံရပါတယ်။ အမေရိကန် တေးသံသွင်း လုပ်ငန်းရှင်များ အဖွဲ့ရဲ့ ရွှေနဲ့ ပလက်တီနမ် ဓာတ်ပြားဆုများ ချီးမြှင့်ခံရတဲ့ ပထမဆုံး Rap အဖွဲ့လဲ ဖြစ်ပါတယ်။

Run-D.M.C (Rev Run, Jam Master Jay and D.M.C)

နယူးယောက်ခ်မြို့ ကွင်းစ်မြို့နယ် ဟိုးလီစ် ရပ်ကွက်မှာ ကြီးပြင်းခဲ့တဲ့ သူတို့ ၃ ယောက်ဟာ Sucker MCs ဆိုတဲ့ သီချင်းနဲ့ R&B Charts မှာ နံပါတ် ၁၅ ချိတ်ခဲ့ပြီးနောက် ၁၉၈၆ ခုနှစ်မှာတော့ Raising Hell album ကို ဖြန့်ချိခဲ့ပါတယ်။ အဲဒီ album မှာပါတဲ့ Walk This Way သီချင်းဟာ MTV မှာ ပထမဆုံး ထုတ်လွှင့်ခံရတဲ့ Rap သီချင်းဖြစ်ပေမဲ့ လူကြိုက်များတာကြောင့် မကြာခဏ ထုတ်လွှင့်ခံခဲ့ရပြီး အဲဒီအချိန်က နံမည်ကျဆင်းနေတဲ့ Rock ဂီတသမား Aerosmith ကို အောင်မြင်မှု လမ်းကြောင်းပေါ် ပြန်လည် တွန်းတင်ပေးခဲ့ပါတယ်။

Run-D.M.C ရဲ့ ကျော်ကြားမှုကြောင့် Addidas က သူတို့ကို ဖိနပ်နဲ့ အခြား အသုံးအဆောင်တွေ ထောက်ပံ့ပေးပြီး ကြော်ငြာခိုင်းခဲ့တယ်။

၁၉၈၀ ပြည့်နှစ်လွန်များက Rap အဖွဲ့တွေရဲ့ ထုံးစံ စကားပြောဟန် ဖြစ်နေပေမဲ့ အားပါတဲ့ Rapping တွေ၊ Jam Master Jay ရဲ့ ခပ်ကြမ်းကြမ်း Scratch သံ၊ မခမ်းနားပဲ ရိုးရှင်းတဲ့ Beat တွေနဲ့အတူ တွေ့ရခဲတဲ့ တယောက် တလှည့်စီ ပြောင်းပြောင်းဆိုတဲ့ ပုံစံကို သူတို့သီချင်းတွေမှာ တွေ့ရပါတယ်။ (တယောက်တည်းပဲ ဆိုလေ့ရှိတဲ့ Rapper တွေနဲ့ ကွာတာက Run နဲ့ D.M.C ရဲ့တယောက်ကို တယောက် အပြန်အလှန် ပံ့ပိုးပေး၊ ထောက်ပေး၊ ကူအော်ပေးကြတဲ့ သီဆိုဟန်ပါပဲ။) သူတို့ရဲ့ ကာရန်ယူပုံတွေဟာ အနီးစပ်ဆုံးပြောရရင် စိုင်းစိုင်း (မိန်းမ၊ မိန်းမ၊ မချစ်သီချင်း) နဲ့ နည်းနည်း တူပါတယ်။ ကာရန်ကို ဘားတစ်ဘားရဲ့ နောက်ဆုံးနားမှာ (နဲ့ အလယ်မှာ) ဆောင့်ဆောင့်ချလေ့ရှိတဲ့ သူတို့သီချင်းတွေဟာ နားမယဉ်ခင်မှာတော့ နားထောင်ရတာ ပျင်းစရာကြီးပါပဲ။ ဒါပေမဲ့ နားထောင်ကျင့် ရသွားတဲ့အခါမှာတော့ အင်မတန်မှ မြူးကြွပြီး ကလို့ခုန်လို့ကောင်းပါတယ်။

Run D.M.C (D.M.C, Jam Master Jay, Rev Run)

သူတို့အဖွဲ့ရဲ့နောက်ဆုံး album (ယခုရေးသားချိန်အထိ နောက်ဆုံး) Crown Royal ကို ၂၀၀၁ ခုနှစ်မှာ အနုပညာရှင်အများအပြားနဲ့ တွဲဖက် သီဆိုပြီး ဖြန့်ချိခဲ့ပါတယ်။ ၂၀၀၂ ခုနှစ် အောက်တိုဘာလ ၃၀ ရက်မှာ ပင်တိုင် DJ Jam Master Jay လုပ်ကြံခံရပြီး နောက် album အသစ် ထွက်ရှိလာခြင်းမရှိတော့ပါဘူး။ Rap ဂီတလောကအတွက် ကြီးမားတဲ့ ဆုံးရှုံးမှုတစ်ခုပါပဲ။
သူတို့သီချင်းတွေကို မြည်းစမ်းချင်ရင်တော့ ...

• Walk This Way
• It's Tricky
• King of Rock

Jam Master Jay သေဆုံးခြင်း ၆ နှစ်ပြည့် အထိမ်းအမှတ်အဖြစ် ရေးသား ဂုဏ်ပြုပါသည်။

ငါးထမင်းနယ် (ရှမ်းထမင်းချဉ်) လုပ်နည်း

ဒီနေ့ သတင်းကျွတ် အဖိတ်နေ့ (သီတင်းကျွတ် လဆန်း ၁၄ ရက်နေ့)။ လောရှည် မွေးနေ့ပေါ့။ အဲဒါ မမ Red က မောင်လေးမွေးနေ့မို့ ငါးထမင်းနယ်လုပ်ကျွေးမယ်လို့ မနေ့ညကတည်းကပြောပြီး ဒီမနက် လုပ်ကျွေးတယ်။ ပျော်လိုက်တာ။ သြော် … ငါ့ကို ဂရုစိုက်သားဆိုပြီ။ စားပြီးတော့ မေးကြည့်တော့ သူ့မောင်အရင်းက အောက်တိုဘာ ၁၃ မွေးတာမို့ သူ့မောင်လေးမွေးနေ့ကို လုပ်ကျွေးတာတဲ့။ သေရော … ။ ဘာပဲဖြစ်ဖြစ် အမေတို့လုပ်တာ ကြည့်ထားတာနဲ့ သူ့ဆီက ချက်နည်းမေးထားတာလေးတွေ ရောသမမွှေပြီး ငါးထမင်းနယ်လုပ်နည်းကို တင်ဆက်လိုက်ရပါတယ်။

ပါဝင်ပစ္စည်းများ
ကြက်သွန်မြိတ်        - အနည်းငယ်
နံနံပင်            - အနည်းငယ်
ဆား            - အနည်းငယ်
ခရမ်းချဉ်သီး        - ၃ လုံး
မန်ကျည်းနှစ်        - အနည်းငယ်
ကြက်သွန်ဖြူ        - ၃ လုံး
ငါး (ရေချိုငါး)        - ၂၅ သားခန့်
အာလူး             - ၂ လုံးခန့်
ဆန်            - ၅ လုံး (ထမင်းပေါင်းအိုးနဲ့ပါလာသော ဗူးနဲ့ ချိန်ပါ၊ နို့ဆီဗူး မဟုတ်ပါ)
ပထမဆုံး ငါးနဲ့ အာလူးကို ဆားအနည်းငယ်စီ ထည့်ပြီး (တအိုးစီ) ပြုတ်ထားပါ။ အဲဒါတွေ ပြုတ်နေတုန်းမှာ ထမင်းကိုလဲ တပြိုင်နက်ချက် (ရေ ၇-၈ လုံးလောက်ထည့်ချက်ပါ)၊ မန်ကျည်းနှစ်ကို ရေနွေးဖျော၊ ကြက်သွန်မြိတ်နဲ့ နံနံပင်ကို လှီး၊ ကြက်သွန်ဖြူ အခွံခွာထားပါ။ ငါးနဲ့ အာလူးရရင် (ရေခမ်းပြုတ်ရပါသည်။) ခရမ်းချဉ်သီးကို ပြုတ်ပါ။ ငါးကို အသားနွှင်၊ အာလူးကို ချေပါ။ ခရမ်းချဉ်သီး ပြုတ်တာ ပြဲသွားရင် သူ့ကိုလဲ ချေပါ။ ကြက်သွန်ဖြူထောင်းပါ။ ညက်လျှင် ကြက်သွန်ဖြူဆီချက် ချက်ပါ။ (ဆီထဲကို ကြက်သွန်ဖြူ ထောင်းထားတာ ထည့်ကြော်ပါဟု ဆိုလိုသည်၊ ရွှေဝါရောင်သန်းလာလျှင် အိုးပေါ်မှချ၊ ပန်းကန်ထဲ ပြောင်းထည့်ပါ။ သို့မဟုတ်က တူးလိမ့်မည်။) ပြီးလျှင် ကြက်သွန်ဖြူ ဆီချက်၊ မန်ကျည်းနှစ်နှင့် ကြက်သွန်မြိတ်၊ နံနံပင်မှအပ အားလုံးရောနယ်ပါ။ ပြီးလျှင် အနေတောင် အလုံးလေးတွေ လုံးထားပါ။ (ကြီးကြီးလုံးလဲ ဘာမှ မဖြစ်ပါ)

စားချင်စဖွယ်ပါပဲ

တည်ခင်းရာတွင် အလုံးကို ပန်းကန်ပြားထဲ ထည့်ပြားပြီး မန်ကျည်းနှစ်၊ ကြက်သွန်ဖြူ ဆီချက်ဖတ်၊ နံနံပင်၊ ကြက်သွန်မြိတ်ဖြူးပြီး ပြင်ပေးပါ။ ဂျူးမြစ် (အစိမ်း) နှင့် တွဲစားလျှင် အလွန်ကောင်းပါသည်။ ငရုတ်သီးကြိုက်သူများ ငရုတ်သီးဆီချက်နှင့်လဲ တွဲဖက်စားသုံးနိုင်ပါသည်။

စိန့်ပီတာစဘတ် ၀ိရောဒိ

ခေါင်းပန်းလှန်တမ်း ကစားကြရအောင်။ ပထမ စစချင်းမှာ ဒိုင်က ပိုက်ဆံ ၁ ကျပ်လောင်းပါမယ်။ ခေါင်း (Head) ကျရင် စာရှုသူက ပိုက်ဆံ ၁ ကျပ် ရပါမယ်။ ကစားပွဲလဲ ပြီးပါမယ်။ တကယ်လို့ ပန်း (Tail) ကျသွားရင်တော့ ဒိုင်က ပိုက်ဆံ ၂ ကျပ် (အရင်တခါ လောင်းထားတဲ့ ပမာဏကို ၂ နဲ့ မြှောက်ပြီး) လောင်းပါမယ်။ ခေါင်းကျရင် စာရှုသူ ပိုက်ဆံ ၂ ကျပ်ရပါမယ်။ ပန်းကျရင်တော့ ဒိုင်က ပိုက်ဆံ ၄ ကျပ် (အရင်တခါ ၂ ကျပ်ကို ၂ နဲ့ မြှောက်ပြီး) လောင်းပါမယ်။ အဲဒီလိုနဲ့ ပန်းမကျမချင်း ဆက်လောင်းသွားမှာ ဖြစ်ပါတယ်။ ဒီကစားပွဲကို စာရှုသူ ကစားရမယ်ဆိုရင် ၀င်ကြေး ဘယ်လောက် ပေးမှာလဲ။ (ဒါမှမဟုတ် ၀င်ကြေးကို ဘယ်လောက် သတ်မှတ်သင့်သလဲ။)

ပထမဆုံး ဖြစ်တန်စွမ်း သီဝရီအရ မျှော်မှန်းတန်ဖိုး (Expected value) E ကို တွက်ကြည့်ရအောင်။

E = (½) x 1 + (½ x ½) x 2 + (½ x ½ x ½) x 4 + (½ x ½ x ½ x ½) x 8 + …

E = Sum_{(k = 1 to infinity)} (½)^k x 2^(k-1) = infinity

မျှော်မှန်းတန်ဖိုးဟာ အကန့်အသတ်မရှိကို ပြန့်ကားထွက်သွား (diverge) ပါတယ်။ အဓိပ္ပါယ်ကတော့ ကစားပွဲ တစ်ပွဲစီတိုင်းမှာ စာရှုသူရမဲ့ (နိုင်မဲ့) ပိုက်ဆံက အကန့်အသတ်မရှိပါတဲ့။ မျှော်မှန်းတန်ဖိုးဆိုတာက ဖြစ်တန်စွမ်းဆိုင်ရာ ဖြစ်စဉ် (Probabilistic event) တစ်ခုကို အခေါက်ပေါင်းများစွာ ဖြစ်စေရင် ပျမ်းမျှအားဖြင့် ရလာမဲ့ တန်ဖိုးပါတဲ့။ အဆုံးသတ် ကောက်ချက်ချတော့ ၀င်ကြေးဟာ ဘယ်လောက်ပဲ ဖြစ်ဖြစ် ဒီကစားပွဲကို ကစားဖို့ တယောက်ယောက်က ဖိတ်ခေါ်ခဲ့ရင် စာရှုသူ မကစားပဲ မနေပါနဲ့။ ကစားကို ကစားပါ။ ရေရှည်မှာ စာရှုသူဘက်က အသာချည်းပါပဲလို့ အဖြေထွက်လာပါတယ်။

ဒီအဆို ဘယ်လောက်မှန်နိုင်လဲ စဉ်းစားကြည့်ရအောင်။ ဒီပြဿနာကို နီကိုးလပ်စ် ဘာနောလီးက ထောက်ပြကတည်းက ဒီလိုကစားရင် စာရှုသူဘက်က ဂိန်ကို ဂိန်မယ်ဆိုတာ လူတွေက သိပါသတဲ့။ ဒါပေမဲ့ သင်္ချာနည်းနဲ့ အဖြေထုတ်တော့ စာရှုသူဘက်က ပွပေါက်တိုးပြီလို့ အဖြေထွက်နေတယ်။ ဖြစ်တန်စွမ်း သီဝရီကို မြောင်းထဲပို့ရတော့မလား။ ဒီပြဿနာကို စိန့်ပီတာစဘတ် ၀ိရောဒိလို့ ခေါ်ပါတယ်။

စိန့်ပီတာစဘတ် ၀ိရောဒိကို အမျိုးမျိုး အဖြေထုတ်ခဲ့ကြပါတယ်။ သင်္ချာပညာရှင် အများစု လက်ခံထားတာကတော့ မျှော်မှန်း အသုံးကျမှု သီဝရီ (Expected Utility Theory) ရဲ့ ရှင်းချက်ပါ။ (စာရေးသူ နားမလည်ပါ။ ဖတ်ဖို့လဲ အချိန်မရှိလို့ပါ။) ဒါကြောင့် စာရေးသူပိုပြီး အကျွမ်းတ၀င်ဖြစ်တဲ့ ဖြစ်တန်စွမ်း ချိန်ဆခြင်း (Probability Weighing) နဲ့ ရှင်းပြပါမယ်။ (ဒီနေရာမှာ စီးပွားရေး ပညာရှင်တချို့က ဒီကစားပွဲမှာ ဒိုင်ဘက်က နာဖို့ချည်းသေချာနေတာကြောင့် ဘယ်ဒိုင်မှ ဒါမျိုး ပေးလောင်းမှာမဟုတ်တဲ့အတွက် အဖြေရှာစရာလဲ မလိုဘူးလို့ ရှင်းကြပါသေးတယ်။ စာရေးသူ သိပ်သဘောမကျပါ။)

ဖြစ်တန်စွမ်း ချိန်ဆခြင်းအရ စာရှုသူ အနိုင်ရမဲ့ ဖြစ်ရပ်ရဲ့ ဖြစ်တန်စွမ်းကိုပဲ ဦးတည်တွက်ချက်ပါမယ်။ ကစားပွဲကို ကစားဖို့ စာရှုသူဟာ ပိုက်ဆံ n ကျပ် (၃၂ ကျပ်လို့ထားပါ) ပေးရတယ်ဆိုပါတော့။ ဒါဆိုရင် ၁ ကျပ်၊ ၂ ကျပ်၊ ၄ ကျပ်၊ … ၊ n ကျပ် (၃၂ ကျပ်) ပဲ ပြန်ရရင် မကိုက်ပါဘူး။ (စာရှုသူဘက်က အရေးမသာပါဘူး။) အဲဒါကို ၁ ထဲကနေ ၁ ကျပ်၊ ၂ ကျပ်၊ ၄ ကျပ်၊ … ၊ n ကျပ်ရမဲ့ ဖြစ်တန်စွမ်းတွေကို နှုတ်ပြီး အောက်ပါအတိုင်း တွက်ရမှာဖြစ်ပါတယ်။

P(You win when you bet n) = 1 – P(1) – P(2) – P(4) - … - P(n) = 1 – P(H…) – P(TH…) – P(TTH) - … - P(T^log(n)H) = 1 - Sum_{(k = 1 to n)} P(T^log(k)H)

P(You win when you bet n) = 1 - Sum_{(k = 1 to log(n)+1)} ½^k = ½^log(n)+1

သေချာသတိထားကြည့်ရင် n ဟာ အကန့်အသတ်မရှိ ကြီးလာတာနဲ့အမျှ စာရှုသူဘက်က နိုင်မဲ့ ဖြစ်တန်စွမ်းဟာလဲ သုညနီးပါး ငယ်သွားတာကို တွေ့နိုင်ပါတယ်။ (၂ ကျပ်ဖိုးလောင်းရင် နိုင်ဖို့အခွင့်အလမ်းက ၄ ပုံ ၁ ပုံ ရှိပေမဲ့ ၃၂ ကျပ်ဖိုးလောင်းရင်တော့ နိုင်ဖို့အခွင့်အလမ်းက ၆၄ ပုံ ၁ ပုံ ပဲဖြစ်သွားပါပြီ။) ဒီဝိရောဒိက ပေးတဲ့ သင်ခန်းစာကတော့ မျှော်မှန်းတန်ဖိုးတစ်ခုတည်းကိုပဲ ကြည့်ပြီး နေရာတကာ ဆုံးဖြတ်ချက်ချလို့ မရကြောင်းပါပဲ။ တခါတလေမှာ မျှော်မှန်းတန်ဖိုးဟာ စုဆုံခြင်း (convergence) မဖြစ်တဲ့အခါမှာ ဒီလိုမျိုး ၀ိရောဒိတွေ ပေါ်ပေါက်လာတတ်ကြောင်း ရေးသားရင်း စိန့်ပီတာစဘတ် ၀ိရောဒိအကြောင်း ဆောင်းပါးငယ်ကို နိဂုံးချုပ်အပ်ပါတယ်။ စာရှုသူတို့အားလုံး ဖြစ်တန်စွမ်းသီဝရီကို အသုံးချလို့ လောဘသား လူလိမ်လူညာတို့ရဲ့ လိမ်လည်လှည့်စားခံရခြင်းဘေးမှ ကင်းဝေးပါစေ။

၁၇၂၆ ဇူလိုင်လ ၃၁ ရက်နေ့မှာ ဆုံးပါးသွားတဲ့ နီကိုးလပ်စ် ဘာနောလီးကို ဒီဆောင်းပါးငယ်နဲ့ ဂုဏ်ပြုပါတယ်။

UMDH ဖြင့် မှတ်ဥာဏ်ယိုပေါက်များကို ရှာဖွေခြင်း

အောက်ပါ post ပါအကြောင်းအရာများကို Intel® Core™2 Duo E6550 @2.33 GHz, DDR 2 1GB x 4, Microsoft Windows XP Professional Service Pack 2 တပ်ဆင်ထားသော ၃၂ ဘစ် စက်တွင်သာ စမ်းသပ်ထားပြီး ဖြစ်ပြီး ရေးသားချိန်တွင် တတ်နိုင်သလောက် တိကျ မှန်ကန်စေရန် ကြိုးစားထားသော်လည်း post ပါ အကြောင်းအရာများ၏ မှန်ကန်တိကျ မှီခိုနိုင်စွမ်းကို လောရှည် - ကတဲ့ပွဲမှ အာမမခံပါ။ သုံးစွဲခြင်းကြောင့် တစုံတရာ နစ်နာဆုံးရှုံးမှု ဖြစ်ပွားလာပါက သုံးစွဲသူ၏ တာဝန်သာ ဖြစ်ကြောင်း ကြိုတင် အသိပေးအပ်ပါသည်။ 

Pointer Arithmetic အသုံးပြုသော အစီအစဉ် (Program) များကို ရေးသားရာတွင် ဖြစ်တတ်သော ပြဿနာတစ်ရပ်မှာ ရယူထားသော မှတ်ဥာဏ် (memory) နေရာ (space) များကို ပြန်လည်စွန့်လွှတ်ခြင်း (deallocation) မပြုမိသည့်အခါ အပုံ (heap) ထဲတွင် မှတ်ဥာဏ်နေရာလွတ် ကုန်ခမ်း သွားတတ်ခြင်းပင် ဖြစ်သည်။ အထူးသဖြင့် အမှိုက်သိမ်းစနစ် (Garbage Collection System) မပါရှိသည့် C/C++ ကဲ့သို့သော ဘာသာစကားများတွင် အဆိုပါ ပြဿနာသည် ကောက်ရိုးပုံ အပ်ပျောက်သလို ရှာရခက်သော ပြဿနာ တစ်ရပ်ဖြစ်ပါသည်။ Windows NT Platform (Windows NT, Windows 2000, Windows XP and Windows Vista) တွင် အဆိုပါ ပြဿနာကို အဖြေရှာနိုင်ရန်အတွက် UMDH ဟုခေါ်သော အစီအစဉ်တစ်ခုကို Microsoft မှ အခမဲ့ ဖြန့်ဖြူးပေးထားရာ ယခုဆောင်းပါးငယ်တွင် အဆိုပါ အစီအစဉ်ကို အသုံးပြုပုံ အဆင့်ဆင့်ကို ရေးသားရှင်းလင်းမည် ဖြစ်ပါသည်။ 

UMDH သည် Debugging Tools for Windows package တွင်ပါဝင်သော အစီအစဉ်တစ်ခု ဖြစ်သည်။ ၄င်းကို အသုံးပြုရန်အတွက် အဆိုပါ package ကို အရင်ဆုံး download လုပ်ရမည်ဖြစ်သည်။ မိမိ အသုံးပြုမည့် စနစ်နှင့် ကိုက်ညီရာကို ရွေးချယ်ရန် သတိပြုပါ။ ထို့နောက်တွင် Windows Symbol Package ကို download လုပ်ရယူရမည်ဖြစ်သည်။ Symbol Package ကို ရွေးချယ်ရာတွင် မိမိ debug လုပ်မည့် အစီအစဉ်ကို အသုံးပြုမည့် စက်မောင်းနှင်စနစ် (Operating Systems) နှင့်ကိုက်ညီရာကို ရွေးချယ်ရမည်ဖြစ်သည်။ (စက်တလုံးတည်းတွင် debug လုပ်မည်ဆိုပါက အဆိုပါစက်၏ မောင်းနှင်စနစ်ကိုသာ ရွေးပါ။) 

အထက်ပါ အပျော့ထည်များကို ထည့်သွင်းပြီးပါက သင်၏ စက်မောင်းနှင်စနစ်ကို debug mode ဖြင့် စနှိုး (boot) ပါ။ Windows XP Professional တွင် My Computer ကို ညာကလစ်ဖြင့် နှိပ်ပါ။ Properties ကိုရွေးပါ။ Advanced tab ကို သွားပါ။ Startup and Recovery Setting ကို နှိပ်ပါ။ Edit ကို နှိပ်ပါ။ သင်၏ စက်မောင်းနှင်စနစ် စာကြောင်း ဘေးတွင် "/debug" ဟုဖြည့်သွင်းပါ။ (ဥပမာ …\WINDOWS="Microsoft Windows XP Professional" /fastdetect /debug အချို့ကမူ ထိုစာကြောင်းကို ၂ ကြောင်းကူးပြီး တစ်ခုတွင် "/debug" ဟု ထည့်သွင်းတတ်သည်။)

ထို့နောက် System Path Variable ကို UMDH (နှင့် Debugging Tools for Windows) ထည့်သွင်းထားသော လမ်းညွှန် (Directory) သို့ ပြောင်းပေးပါ။ My Computer ကို ညာကလစ်နှိပ်ပြီး Properties ကိုရွေးပါ။ Advanced tab ကိုသွားပါ (အထက်ပါအတိုင်းတူတူပင်ဖြစ်သည်။) Environment Variables ကို နှိပ်ပါ။ System variables မှ path ကိုရှာပြီး UMDH ရှိရာ လမ်းညွှန်ကို ဆီမီး ၉ လုံး (semi-colon) ခံပြီး နောက်ဆုံးတွင် ထည့်သွင်းပါ။ အားလုံးကို အိုကေနှိပ်ပါ။ စက်ကို restart လုပ်ပါ။ 

စက်ပြန်တက်လာလျှင် _NT_SYMBOL_PATH ဟုခေါ်သော Environment Variable ကို သင် Symbol ထည့်သွင်းထားခဲ့သော လမ်းညွှန်သို့ ပြောင်းပေးရမည်ဖြစ်သည်။ set _NT_SYMBOL_PATH=SRV*c:\Windows\Symbols ဟု အမိန့်ပေးပါ။ (Symbol များကို အခြား လမ်းညွှန်သို့ ထည့်သွင်းမိလျှင် c:\Windows\Symbols အစား အဆိုပါလမ်းညွှန်၏ လမ်းကြောင်းကို ဖြည့်သွင်းပါ။) သင့် အစီအစဉ်အတွက် gflags ကို ချိန်ပေးရန်အတွက် "gflags /i yourprogram.exe +ust" ဟု အမိန့်ပေးပါ။ UMDH သုံးစွဲရန် အသင့်ဖြစ်ပါပြီ။ 

သင်၏ အစီအစဉ်ကို မှတ်ဥာဏ်ယိုပေါက် (memory leakage) မဖြစ်ခင် အနေအထားတွင် ရပ်တန့်စေ၍ (breakpoint ပေးလိုက်လျှင် အလွယ်ဆုံးဖြစ်သည်) umdh –p:<your_program_process_id> -f:<logfile1_path_with_ext> -g ဟု အမိန့်ပေးပါ။ (Process Id ကို သိရန်အတွက် tlist ဟု အမိန့်ပေး၍ ကြည့်ရှုနိုင်ပါသည်။) ထို့နောက်တွင် မှတ်ဥာဏ်ယိုပေါက် အပြီးလောက်ဟု ထင်သောနေရာသို့ ရောက်သည်အထိ ဆက်လက်လုပ်ဆောင်စေပါ။ umdh –p:<your_program_process_id> -f:<logfile2_path_with_ext> -g ဟု ထပ်မံအမိန့်ပေးပါ။ 

ယခု သင်၏ အစီအစဉ်ရှိ မှတ်ဥာဏ်ယိုပေါက်မတိုင်မီနှင့် မှတ်ဥာဏ်ယိုပေါက်အပြီး မှတ်ဥာဏ်အသုံးချမှုဆိုင်ရာ အချက်အလက်များ logfile1 နှင့် logfile2 တို့တွင် သိမ်းဆည်းပြီး တည်ရှိနေပါပြီ။ အဆိုပါ file များကို နှိုင်းယှဉ်ကြည့်ရှုရန်အတွက် umdh –d –v –l <logfile1_path> <logfile2_path> ဟု နှိပ်ပါက အဆိုပါ အစီအစဉ် နေရာ ၂ ခုကြား ရယူထားပြီး ပြန်မစွန့်လွှတ်ရသေးသည့် မှတ်ဥာဏ်နေရာများကို တွေ့ရှိရပါလိမ့်မည်။ ("> <text_file_path>" ဟု အမိန့်နောက်တွင် ဖြည့်သွင်းပြီးမှ အမိန့်ပေးလျှင် ဖန်သားပြင်ပေါ်တွင် ပေါ်လာမည့် အဖြေများကို အဆိုပါ text_file_path တွင် ရေးသားပေးပါသည်။) 

ဥပမာ

+ 4132 ( 4132 - 0) 1 allocs    BackTraceD3

+ 1 ( 1 - 0)    BackTraceD3    allocations

    (blar blar blar)

    MSVCR80D!fprintf+0000029C (f:\rtm\vctools\crt_bld\self_x86\crt\src\fprintf.c, 70)

    YourProject!leakyFunction+000005EB (d:\leaky.cpp, 325)

    (blar blar blar)

    kernel32!RegisterWaitForInputIdle+00000049

ဟုတွေ့ရှိရပါက မှတ်ဥာဏ် မှတ်တမ်း ၂ ခုအကြားတွင် leakyFunction (leaky.cpp မှ လိုင်းအမှတ် ၃၂၅) မှ မှတ်ဥာဏ် ၄၁၃၂ ဘိုက်ရယူထားပြီး ပြန်မစွန့်လွှတ်ရသေးသည်ကို တွေ့ရှိရပါလိမ့်မည်။ 

စာရှုသူ မိတ်ဆွေများ မှတ်ဥာဏ်ယိုပေါက်များဖြင့် ခေါင်းကိုက်ရခြင်း ဒုက္ခမှ ကင်းဝေးပါစေ။ 

ချင်းပြည်နယ် ကြွက် (အငတ်) ဘေး

နှစ် ၅၀ မှာ တခါ ပေါ်ပေါက်လာတတ်တယ်လို့ ဒေသခံ ချင်းတိုင်းရင်းသားတွေ ယုံကြည်ထားတဲ့ ကြွက်ဘေး (အငတ်ဘေး) မြန်မာနိုင်ငံ၊ ချင်းပြည်နယ်မှာ စတင် ကျရောက်လို့လာပါပြီ။ အဲဒီ ကြွက်တွေဟာ ရာစုနှစ် တစ်ခုမှာ ၂ ခါ ပွင့်/သီးလေ့ရှိတဲ့ ၀ါးပင်တစ်မျိုးရဲ့ အပွင့်နဲ့ အစေ့တွေကို စားသုံးဖို့ အုပ်စုလိုက် ရောက်လာကြပြီး ရွာသားတွေရဲ့ စားနပ်ရိက္ခာတွေကို အလွတ်မပေးပဲ ဖျက်ဆီးတတ်တယ်လို့ ဒေသခံတွေက ယုံကြည်ကြပါတယ်။ The Straits Times သတင်းစာမှ ဖော်ပြချက်ကို အောက်ပါအတိုင်း ကောက်နှုတ်ဖော်ပြအပ်ပါတယ်။

LONDON - AFTER the fury of Cyclone Nargis, a new disaster is looming in Myanmar: Packs of rats that swarm through the hills once every 50 years to consume everything in their path, a British newspaper reported yesterday.

The latest human disaster is unfolding in the jungle-covered mountains of Chin state, far to the north of the Irrawaddy delta where 134,000 people died last month, the Daily Telegraph said.

The plague of rats happens twice a century, when bamboo forests produce flowers and seeds, then wither and die for five years in a phenomenon known locally as mautam, or bamboo death.

Villagers believe the bamboo seeds are a kind of aphrodisiac for the rodents, whose numbers explode until all the seeds have been eaten. Then they turn on villagers' rice stocks, stripping ripening corn and paddy in the fields.

The regime's generals will permit no food aid or humanitarian workers into affected areas in a repeat of their callous refusal last month to permit emergency aid sitting in foreign ships off Myanmar's coast to be distributed to cyclone survivors, the newspaper said on its website.

Exiled Chin leaders say villagers who are too weak to flee over the border into India have already begun to die. They fear thousands more now face a lingering death in the deep bamboo forests where most of the state's million-strong population of Christian tribal people live.

The Chin is one of Myanmar's many minority ethnic groups.

Ms Cheery Zahau, 27, from the Women's League of Chinland, met British Prime Minister Gordon Brown in London this week to ask for help.

She said: 'The reports that are trickling out to India are heartbreaking. They tell of dehydrated children dying of diarrhoea and the poorest and weakest being left behind as stronger villagers start to escape over the border to where there is food.'

မိတ္တဗလ ဋီကာ

၂၀၀၄ ခုနှစ် နှစ်လယ်လောက်မှာ စာရေးသူ စာအုပ်တစ်အုပ် ဖတ်ရပါတယ်။ လူသန်းပေါင်းများစွာရဲ့ ဘ၀ကို ပြောင်းလဲစေသူ စာရေးဆရာ/ဘ၀နေနည်း သင်ကြားသူ ဒေးလ်ကာနက်ဂျီရဲ့ How to Win Friends and Influence People ဆိုတဲ့ စာအုပ်ပါ။ ၁၉၃၆ ခုနှစ်မှာ ပထမဆုံး ပုံနှိပ်ထုတ်ဝေခဲ့ပြီး တကမ္ဘာလုံးမှာ အုပ်ရေ ၁၅ သန်းကျော် ရောင်းချပြီးတဲ့ စာအုပ်ဖြစ်ပါတယ်။

ဒီစာအုပ်ဟာ ထင်တာတွေ လျှောက်ရေးထားတာ မဟုတ်ပဲ တကယ့်လက်တွေ့မှာ အသုံးတည့်ကြောင်းကို စာရေးဆရာ (ဒေးလ်ကာနက်ဂျီ) က ဥပမာတွေ အများအပြားပေးလို့ ရေးသားထားပါတယ်။ စာရေးသူ (လောရှည်) ကိုယ်တိုင် စမ်းသပ်ကြည့်ရာမှာလဲ ဒီစာအုပ်ပါ နည်းလမ်းများဟာ ထိရောက်တယ်လို့ တွေ့ရှိရပါတယ်။ စာအုပ်ပါနည်းလမ်းများရဲ့ အသုံးဝင် ထိရောက်နိုင်စွမ်းကို တိုင်းတာဖို့ နောက်ထပ် စမ်းသပ်မှု တချို့လုပ်ဖို့ ဆက်လက် စဉ်းစားနေပါတယ်။

ဒီစာအုပ်မှာ အပိုင်း ၄ ပိုင်းပါပြီး တပိုင်းစီရဲ့ အနှစ်ချုပ်ကတော့ အောက်ပါအတိုင်းဖြစ်ပါတယ်။

အပိုင်း (၁) လူသားများကို ကိုင်တွယ်ခြင်း

၁။ ဝေဖန်၊ အပြစ်တင်၊ အပြစ်ဆို၊ စောဒကတက်ခြင်းကို ရှောင်ကြဉ်ပါ။
၂။ ရိုးရိုးသားသား အမှန်အတိုင်း (ဖားတာ၊ မျက်နှာလုပ်တာ မပါပဲ) ချီးကျူးပါ။
၃။ တခြားသူ၏ ဆန္ဒကို သိမြင်ပါ။

အပိုင်း (၂) လူတွေ သင့်ကို နှစ်သက်စေရန် လုပ်နည်း ၆ မျိုး

၁။ သင့်မိတ်ဆွေများ၏ ပြဿနာနှင့် လိုအင်တို့ကို သိပါ၊ စိတ်ဝင်တစား ဂရုတစိုက်ရှိပါ။ သင့်စေတနာကို ပြသပါ။ (အပိုင်း ၁၊ အခန်း ၃ နှင့် ခပ်ဆင်ဆင်တူသည်။)
၂။ ပြုံးပါ။
၃။ သင့်မိတ်ဆွေများ၏ အမည်ကို မမေ့ပါစေနဲ့။
၎။ များများ (ဂရုတစိုက်) နားထောင်ပါ။ တဘက်သားကိုလဲ ပေးပြောပါ။ နည်းနည်းပဲ ပြောပါ။ (ကိုယ်ကချည်း မပြောပါနဲ့)
၅။ သင့်မိတ်ဆွေ၏ အလိုဆန္ဒများကို ရှေ့တန်းတင် ပြောဆိုပါ။ (အပိုင်း ၁၊ အခန်း ၃ နှင့် ခပ်ဆင်ဆင်တူသည်။)
၆။ သင့်မိတ်ဆွေကို အရေးပေးပါ။ သူသည် သင့်အတွက် အရေးပါသည်ဟု ခံစားရပါစေ။ (နှစ်နှစ်ကာကာ စေတနာပါပါလုပ်ပါ)

အပိုင်း (၃) သင်ပြောတာ (တွေးတာ) ကို လက်ခံစေခြင်း

၁။ အငြင်းပွားမှုကို ရှောင်ကြဉ်ပါ။ (ထိပ်တိုက် ရင်ဆိုင်ခြင်း မပြုပါနှင့်)
၂။ မင်း မှားနေတယ် လို့ ဘယ်တော့မှ မပြောပါနှင့်။ (အပိုင်း ၁၊ အခန်း ၁ နှင့် ဆင်ဆင်တူသည်။)
၃။ သင်မှားနေလျှင် ချက်ချင်း ၀န်ခံ တောင်းပန်ပါ။
၎။ ရင်းရင်းနှီးနှီး (အပြုသဘောဆန်ဆန်) စပြောပါ။ (တွေ့တာနဲ့ စစ်ကြေညာခြင်း မလုပ်ပါနှင့်။ အပိုင်း ၃၊ အခန်း ၁ နှင့် ဆင်ဆင်တူသည်။)
၅။ သင်ပြောတာကို တဘက်သားက အရင် ထောက်ခံ (လက်ခံ) စေပါ။ (၂ ဘက်လုံး လက်ခံမဲ့ စကားကနေ စပြောပါ)
၆။ တဘက်သားကို အများကြီး ပေးပြောပါ။ (အပိုင်း ၂၊ အခန်း ၄ နှင့် ခပ်ဆင်ဆင်ဖြစ်သည်။)
၇။ တဘက်သားအနေနှင့် သင်ပြောတာ (တွေးတာ) သည် အမှန်အားဖြင့် ၄င်း၏ အပြော (အတွေး) ဖြစ်သည်ဟု ထင်ပါစေ။ (ဒါဆို မငြင်းတော့ဘူး)
၈။ တဘက်သား၏ ရှုထောင့်မှ ရိုးရိုးသားသား တွေးမြင်နိုင်အောင် ကြိုးစားပါ။ (အပိုင်း ၁၊ အခန်း ၃ နှင့် ခပ်ဆင်ဆင်ဖြစ်သည်။)
၉။ တဘက်သား၏ အတွေးအမြင်တို့ကို ကိုယ်ချင်းစာပါ။
၁၀။ မင်းက ဒီလို ယုတ်ညံ့တာမျိုး မလုပ်ဘူး၊ ငါယုံတယ်ဆိုပြီး အနိုင်ယူပါ။ (လူတိုင်း မြင့်မြတ်သော သူရဲကောင်းဖြစ်လိုကြသည်။)
၁၁။ ခပ်မိုက်မိုက်လေး ပြောပါ။ (ခမ်းခမ်းနားနား ပြောပါ။ ကမ္ဘာနဲ့ချီပြီး ပြောပါ။)
၁၂။ စိန်ခေါ်မှုကို ပယ်ချပါ။ စမလုပ်ပါနှင့်။

အပိုင်း (၄) ခေါင်းဆောင်လုပ်နည်း - အခြားသူများကို မထိခိုက်/တိုက်ခိုက်ပဲ ပြောင်းလဲစေခြင်း

၁။ ရိုးရိုးသားသား ချီးကျူး၍စတင်ပါ။ (အပိုင်း ၁၊ အခန်း ၂ နှင့် ဆင်တူသည်။)
၂။ တဘက်သား၏ အမှားများကို မသိမသာ ထောက်ပြပါ။ (အပိုင်း ၁၊ အခန်း ၁ နှင့် ဆင်တူသည်။)
၃။ တဘက်သားကို မဝေဖန်ခင် မိမိအမှား (ယခင်၊ ယခု) ကို ထောက်ပြပြောဆိုပါ။
၎။ တိုက်ရိုက် အမိန့်မပေးပဲ မေးခွန်းများသာမေးပါ။ (ဒီလိုလေး လုပ်သင့်တယ် မထင်ဘူးလား စသည်)
၅။ တဘက်သားကို အရှက်မခွဲပါနှင့်။ (ချောင်ပိတ် ရိုက်ခြင်း မပြုရ၊ ထွက်ပေါက်ပေးပါ။)
၆။ အသေးအဖွဲကအစ ချီးမွန်းပြောဆိုပါ။ (အပိုင်း ၁၊ အခန်း ၂ နှင့် တူသည်။)
၇။ တဘက်သားကို လေးစားပါ။
၈။ အားပေးစကားပြောပါ။ အမှားကို ပြင်ရလွယ်သည်ဟု ထင်ရအောင် (ပြင်ချင်အောင်) အားပေးပါ။
၉။ သင့်စကားနားထောင်လိုက်နာရသည်ကို ပျော်ရွှင်ပါစေ။

အဓိကအကျဆုံးလို့ စာရေးသူ (လောရှည်) ထင်တာကတော့ မှားနေပြီဆိုပြီး အပြစ်ပြော/ထိပ်တိုက်တွေ့တာကို ရှောင်ကြဉ်ခြင်း၊ ချီးကျူးပြောဆိုခြင်းနဲ့ လူတကာကို ဂရုစိုက် မေတ္တာထားခြင်းလို့ပဲ ထင်ပါတယ်။ စာရှုသူမိတ်ဆွေများ နယ်ပယ်အသီးသီးမှာ နည်းမျိုးစုံနဲ့ ဥာဏ်ရှိသလိုိ အသုံးချလို့ရတဲ့ စာတအုပ်ဖြစ်လို့ ၁၀ မှတ်မှာ ၉.၉ မှတ်ပေးလို့ ညွှန်းဆိုလိုက်ရပါတယ်။ မိတ္တဗလကို အသုံးပြုလို့ အောင်မြင်မှုပန်းကို ဆွတ်လှမ်းနိုင်ကြပါစေ။

မှတ်ချက် ။ ။ သခင်နုနှင့် ဖေမြင့်တို့ မြန်မာဘာသာသို့ ပြန်ဆိုဖူးသော စာအုပ်ဖြစ်ပါသည်။

ကြိုးစားနေကြသော ၀န်ကြီးချုပ် ၂ ဦး

ဧရာဝတီတိုင်း လပ္ပတ္တာမြို့နယ် မုန်တိုင်း ဒဏ်ခံစားခဲ့ရတဲ့ ပြည်သူများကို မြန်မာနိုင်ငံ ၀န်ကြီးချုပ် ဗိုလ်ချုပ်ကြီး သိန်းစိန် သွားရောက်အားပေးခဲ့ပုံ ဖြစ်ပါတယ်။ ဒုက္ခသည်များကို ထိုင်ခိုင်းထားပြီး သူက မတ်တပ်ရပ်လို့အားပေးပါတယ်။ သူပြောတဲ့စကားတွေထဲက ကောက်နှုတ်ရရင် ...

... မတတ်နိုင်ဘူးပေါ့ကွာ၊ သဘာဝဘေးအန္တရာယ်ဆိုတာ ဘယ်သူမှလဲ တားလို့မရဘူး။ ... သေဆုံးသွားတဲ့လူတွေကလဲ သူ့ကုသိုလ်ကံကြောင့် ... သေနေ့စေ့လို့ သေသွားရတာ။ ... အသက်ရှင်ကျန်ခဲ့တဲ့လူတွေကလဲ ကံကောင်းလို့ ကျန်ခဲ့တာ။ ... နိုင်ငံတော်ကလဲ (လုပ်ပေးမယ်) ... ကျွန်တော်လဲ ဧရာဝတီသားပဲ။ ... (ရန်ကုန်မှာလဲ မင်းတို့လိုပဲ ဆိုးတာပဲ) ... အ၀တ်အစား မရှိတဲ့လူဆို ပေးမယ်။ အများစာဆိုတော့ ကောင်းချင်မှလဲ ကောင်းမှာပေါ့။ ... (ဘေးမှ အရာရှိကြီးက ကိုယ်ထူကိုယ်ထ လုပ်ပြီး အစုအဖွဲ့များဖွဲ့ကာ ခေါင်းဆောင်ရွေးထားရန်၊ အိမ်သာကျင်းမှအစ ကိုယ့်ဘာသာကိုယ်တူးပြီး ထူထောင်ရမည်ဖြစ်ကြောင်း ၀င်ပြောသည်) ထမင်းစားဖို့ ဇလုံက အစလိုမယ်၊ ရေသောက်ဖို့အတွက် မတ်ခွက်က အစလိုမယ်၊ ပလတ်စတစ်ပုံးကအစလိုမယ်။ ထမင်းကျွေးဖို့ လက်ခုပ်နဲ့ခံပြီး စားလို့မရဘူး။ ဒါတွေအကုန်လုံး ပြန်သွားတာနဲ့ တပြိုင်နက် အမြန်ဆုံးဖြစ်အောင် လုပ်ပေးမယ်။ ... အခုပစ်ထားတယ်လို့ မထင်နဲ့။ ကျွန်တော်တို့ ကိုယ်တိုင်ကလဲ ဒုက္ခရောက်နေတယ်။ နိုင်ငံတော်အဆင့်ကနေပြီး ... အမြန်ဆုံး လုပ်ပေးမယ် ...

Channel News Asia ကထုတ်လွှင့်သွားတဲ့ ဒီသတင်းမှာ တရုတ်ဝန်ကြီးချုပ်ဝမ်ကျားပေါင်က ငလျင်ဒဏ်ခံ စိချွမ်းနယ်သား လူနာတွေကို အားပေးနေပုံကို (လူနာက လဲလျောင်းလျက်၊ သူကထိုင်လျက်) ထုတ်လွှင့်သွားပြီး သူတို့ပါတီအနေနဲ့ ကယ်ဆယ်ရေးကို ဘယ်လိုလုပ်မှာဖြစ်ကြောင်း အောက်ပါအတိုင်း ပြောကြားသွားပါတယ်။

... တရုတ်ကွန်မြူနစ်ပါတီက ဒီနေရာကို ဘယ်တော့မှ မေ့မထားဘူး။ ငါတို့ (ပိတ်မိနေတဲ့အထဲက) အသက်ရှင်ကျန်ရစ်တဲ့လူတွေနဲ့ ငလျင်ဒဏ်ခံရတဲ့ ဒုက္ခသည်တွေကို မရရအောင် ကယ်မယ်။ ကြည်းကြောင်းနဲ့ မလုံလောက်လို့ရှိရင် လေကြောင်းကနေ ကယ်မယ်၊ ဆေးကုသမှုပေးမယ်။ ငါတို့ လေယာဉ်တွေလဲ ထပ်ချပေးဦးမယ်။ ...

သေချာတာကတော့ ၀န်ကြီးချုပ် ၂ ဦးစလုံး သူတို့ သိသမျှ၊ တတ်သမျှနဲ့ မှန်တယ်၊ လုပ်သင့်တယ် ထင်တာကို အစွမ်းကုန်လုပ်နေတာပဲ ဖြစ်ပါတယ်။ သိတာ တတ်တာတွေ တူချင်မှ တူမှာ ဖြစ်ပေမဲ့လဲ အားငယ်နေသူတွေကို အားတက်အောင်၊ သူတို့ အဖွဲ့အစည်းအနေနဲ့ ဘာတွေလုပ်ပေးမယ်ဆိုတာကို သိရှိအောင် ကြိုးစားပြောနေပါတယ်။ သူတို့ရဲ့စကားတွေအရ သူတို့ရဲ့ စေတနာကို အကဲခတ်နိုင်ပါတယ်။ စစ်သားနဲ့ နိုင်ငံရေးသမားဆိုတော့ အပြောအဆိုက နည်းနည်း ကွာနေနိုင်တာကို သတိပြုသင့်ပါတယ်။ မျှတတဲ့အမြင်နဲ့ ကြည့်မယ်ဆိုရင်တော့ ကိုယ်လုပ်ရမယ်လို့ ခံယူတဲ့ အလုပ်ကို ကြိုးစားလုပ်ကိုင်နေကြတဲ့ လူ ၂ ဦးရယ်ပါ။ တရုတ်/မြန်မာ ၂ နိုင်ငံက ဒုက္ခသည်များ အမြန်ဆုံး ပုံမှန်လူမှုဘ၀ကို ပြန်ရနိုင်ကြပါစေ (ဘယ်နည်းနဲ့ပဲ ဖြစ်ဖြစ်) လို့ စာရေးသူက ဆုတောင်းပေးလိုက်ပါတယ်။